Biblia Todo Logo
Bìoball air-loidhne

- Sanasan -




Ezekiyele 36:10 - Livulu lya Shukulu Kalunga

10 Vanu veni vakatuma. Mukayoya mu vinganda nakutungulula vyuma vyoshe vije vyanyongele.

Faic an caibideil Dèan lethbhreac




Ezekiyele 36:10
21 Iomraidhean Croise  

A matangwa aje akaijako, vanu va Isalele, vatekulwila va Yakomba, vakamena mizi, co vakashamwina vishani nakujovelela. Co kaye kakashula na vushuka vuje vukatunda kuli vakevo.


“Njikazivila mema ku mbunge Yelusalema, na voshe vaje valinakuyoya mu ngundu yendi. Nameme lifuti lyavo linapu mambo, njikalipwisa ngwe citungu ca Endeni cije cinjakunine. Yelusalema ikajolela nakuvwaelela, ikaimba myaso yakushangazala nakukandelela kuli yange.


Yeni vingundu vya Yelusalema, shangumukeni kwimba myaso yakujolela! Shukulu Kalunga napatula Yelusalema nganda yendi nakuzembeleka vanu vendi.


Vanu veni vakatungulula vingundu vyalaja. Vanu vakamizivuka ngwavo yeni mwatungulula vivumbe vije vyasiwukile, munendula vinjuvo vije vyasiwukile.”


Vakatungulula vinganda vije vyapwile vingundu.


Vanu vaje valinakukala muje vakaimba myaso yakushangazala vakatambeka nakujolela. Omwo a vivezikiso vyange, vakatuma nakupwa vavangi, vivezikiso vyange vikavanenela kasingimiko.


“Vanu vakakala mu Yunda na mu vinganda vyamwo vyoshe, co kukakala vandimi na tunyungi na matanga avo.


Shukulu Kalunga Muka-nzili yoshe alinakwendeka ngwendi, “Lifuti lino munapu ngwe mambo, muje kumwesi vanu nambe tusitu, oloni mukakala lalo mwila wauvwa kuje tunyungi vakalisila vimanga vavo.


Shukulu Kalunga wa Akamwa ya Vyoshe alinakwendeka ngwendi, “Omo njinamijelesa ku vuvi vweni vwoshe, njikamitavesa kukala mu vinganda vyeni lalo, nakumitava kutungulula vije vyaviile.


Shukulu Kalunga wa Akamwa ya Vyoshe alinakwendeka ngwendi, “Yange njikatava lalo vaIsalele kulomba vukwasi kuli yange, co njikavatava lalo vaIsalele vakatume manene ngwe matanga a vimanga.


Njambi wendekele kuli yange ngwendi, “Muna munu, vanu va Isalele vanafu ngwe vitsiya evi. Vakevo vendeka ngwavo vanapu vitsiya vyakuminina cau, cinyangavili cavo cinahu, co vananyongo.


Asinoni valeke ngwove yange Kalunga wa Akamwa ya Vyoshe, njikatundisa vanu vange voshe akati ka miyati kuje vaile, njikavakungulwila amolika, co njikavelwisila ku lifuti lyavo vavenya.


Yange njikavapwisa muyati umolika mu lifuti, a minkinda ya Isalele. Vakakala na mwene umolika ikeye akavashwana mu vumwene vuvali.


Njikalikumiiya navo cikumiiyo ca kwoloka cije ca ku myaka yoshe. Njikavakolesa, co vakapwa vavangi, co njikaka Njuvo yange mu lifuti lyavo, mukemwo muyikakala ku myaka yoshe.


Shukulu Kalunga wa Akamwa ya Vyoshe wendekele ngwendi, “Ololo njikazivila mema ku mbunge vatekulwila va Yakomba, vanu va Isalele, co vakavezika lalo. Njikanyunga lizina lyange lyakujela.


Njikelwisa vanu vange ku lifuti lyavo. Vakatungulula vinganda vyavo vije vyasiwukile, co vakakalamo, vakakuna vitungu vya mikolovozi ya vushuka vwa vinyu, nakunwa vinyu, vakalima vitungu nakulya vije vanalimimo.


Lean sinn:

Sanasan


Sanasan