Ezekiyele 34:6 - Livulu lya Shukulu Kalunga

⁶ Ngecivene, vimanga vange vayevangelele akamwa ya malundu amalaja na ku minkinda. Vashandokelele mu kaye mwoshe, co naumo wai wavashakezekele nambe kuvakengezeka.

Ezekiyele 34:6 Iomraidhean Croise

Myaso 119:176

Njiyevangela ngwe manga wakuzimbala, njishakezeke yange ngamba yove, omwo kunjevalele mashiko ove.

Myaso 142:4

Njikenga ku livoko lyange lya cilyo nakumona, oloni naumo wai asa kunjikwasa, naumo wai asa kunjinyunga, naumo wai asa kunyunga mwonyo wange.

Isaya 51:18

Kukwesi akamitwamenena lalo wai, naumo wai akati ka vanu vove akakukwata ku livoko.

Njelemiya 10:21

Njelemiya wakumbulwile ngwendi, “Vantwama vetu vanapu vilema, kuvesi kwihula Shukulu Kalunga ngeci avakwase. Eci cikeco cuma cinanenesa ngeci vanu vetu vashandoke.

Njelemiya 13:16

Singimikeni Shukulu Kalunga Njambi yeni simbu kanda anene lisusulungu mutanuke a minkinda, simbu kanda apwise ceke ngwe lisusulungu.

Njelemiya 5:1

Vanu va mu Yelusalema, itanganeni mu vitapalo vyeni! Kengezekeni noku-noku! Shakezekeni mu mitambela yakulandesela! Kengeni nga muwanamo munu umo muka-kulinga vya vushunga na kulongwa kuli Njambi. Nga mumuwana, co Shukulu Kalunga akasambesa Yelusalema.

Njelemiya 50:6

“Vanu vange vanafu ngwe vimanga, vaje tunyungi twavo vanavazimbalesa mu minkinda. Vanendangana ngwe vimanga vaje vatunda ku munkinda umo, nakuya ku munkinda ukwavo, co vanevala limba lyavo.

Ezekiyele 34:7

“ ‘Ngecivene, ololo, yeni tunyungi, tolilileni evi vinjendeka kuli yeni yange Kalunga wa Akamwa ya Vyoshe.

Ezekiyele 7:16

Vamo vakatewela ku minkinda ngwe tutela vaje vanatewa mu vyana. Voshe vakaziva vusiwa omwo vuvi vwavo.

Hoziya 7:13

“Vananyongo! Vananjiseza nakunjitengulukila. Vakavanyongesa. Njashakele kuvamena, oloni kunjilemesa kwavo kwapwile kwa makuli.

Njwele 3:2

Njikakungulula miyati yoshe nakuvanena mu Cana Cakusompela. Njikavasompesa a vyoshe vije vivalingile kuli vanu vange. Vanashandwela vaIsalele mu mafuti a vungenzi, co vanalipangezela Isalele lifuti lyange.

Yowano 10:16

Co kuvali lalo vimanga veka vaje vanapu vange vakevo kesi va mu limba lino. Njinapande kuvanena lalo, vakaziva lijwi lyange, ngecivene, vakapwa vutanga vumo na kanyungi lalo umo.

1 Petulu 2:25

Yeni mwapwile ngwe mu vimanga vanazimbalesa ngila yavo, oloni ololo muneluka kukava Kanyungi na Muka-Kunyunga myonyo yeni.