Ezekiyele 34:26 - Livulu lya Shukulu Kalunga

²⁶ “Njikavavezikisa nakuvezikisa mitambela ije inazengeleka lilundu lyange lyakujela. Njikatuma nyonzi ya vusuku-mbundu kupwa vivezikiso vyavo.

Ezekiyele 34:26 Iomraidhean Croise

Kushangumuka 12:2

Njikatumisa vatekulwila vove, co vakapwa muyati wakama. Njikakuvezikisa nakutsimanesa lizina lyove, ngecivene, vavangi vakawana kuvezika muli yove.

Kushangumuka 9:16

Omo nkongolo ikasholoka mu mashelwa njikaimona, co njikanuka cikumiiyo cange ca myaka yoshe akati kange na vyoshe vyakuyoya vije vili ano asi.”

Myaso 133:3

Cinafu lalo ngwe lime lya ku Munkinda wa Helemone, lije lijemukila a malundu a Siyone, kuje Shukulu Kalunga wakulaesele kuvezikisa vanu vendi, kuvavezikisa mwonyo wa ku myaka yoshe.

Myaso 2:6

“Njinaka mwene yange a Siyone, lilundu lyange lyakujela.”

Myaso 68:16

Omwo vikajo munkinda wa Mbashane, ulingacije ngwe munu ali na cipululu ku munkinda uje wanalyangwila Njambi? Ukapwa limbo lya Shukulu Kalunga ku myaka yoshe!

Myaso 68:9

Wanyokesele nyonzi yaingi manene, ije yakolesele livu lyakukushungukwa

Myaso 84:7

Omo vakele nakuya vavawezelelele nzili, co munu na munu walisholwele kuli Njambi wa Siyone!

Isaya 19:24

Lifuti lya Isalele likalipandakana na Ingito na Asilya, co mafuti awa atatu akapwa civezikiso mu kaye mwoshe.

Isaya 32:15

Oloni Njambi lalo akatutumina munzinzime wendi. Lifuti lya vwilo likakala na vwilo, co mu mahya mukamena vimbuto vyavivwa.

Isaya 32:20

Vanu voshe vakavwaelela akukala na mema amangi a ku vimbuto vivanalimi, na mwila wauvwa kwakulila vimulu na vingombe.

Isaya 44:3

“Njikaka mema mu lifuti lya mema, nakwitisa mita ya vana va vindonga vya mema mu nunda. Njikana vana vove Munzinzime wange, na vivezikiso vyange njikavyana kuli vatekulwila vove.

Isaya 56:7

“Njikamitwala ku Siyone, lilundu lyange lyakujela, co njikavajolesa mu Njuvo yange yakulombelela, co njikatambula vin̄ombelo vije vimukombelela a mutula wange. Co Njuvo yange vakaitumbula Njuvo yakulombelela miyati yoshe.”

Ezekiyele 20:40

Muje mu lifuti, a lilundu lyange lyakujela, munkinda waulaja wa Isalele, yeni voshe vanu va Isalele mukanjilemesa. Co njikavwaelela muli yeni, nakumikulaela ngeci munjinenele vin̄ombelo vyeni, na mulambu weni wauvwa manene, na vwana vweni vwakujela.

Ezekiyele 34:14

Njikavalisila ku mwila wauvwa mu kwoloka mukati ka minkinda na mu vyana na mu mitambela ya mwila wauvwa ya mu lifuti lya Isalele.

Ezekiyele 34:29

Njikavana mahya a vwilo, co njikamanesa njala ya lyangengela mu lifuti. Miyati yeka kuvakavashendumuna lalo.

Ezekiyele 36:8

Oloni a minkinda ya Isalele, miti ikajovelela maputa lalo nakwima vushuka vweni, yeni vanu vange va Isalele. Ololo-lolo mukeluka kwimbo.

Njwele 2:23

“Vwaeleleni, yeni vanu va mu Siyone, joleleni a vije vyanamilingila Shukulu Kalunga Njambi yeni. Omwo ikeye namyana nyonzi a simbu yaivwa, co ikeye lalo naminyokesela nyonzi ya likuvula-shoke, co lalo naminyokesela nyonzi ya mu Lipepo ya musanda.

VaLevi 25:21

Shukulu Kalunga akavezikisa livu mu mwaka wamucitanu na umo, likaima vyakulya vyakupwisa mu myaka itatu.

VaLevi 26:4

co njikanyokesa nyonzi a simbu yayo yaivwa, co livu likamenesa vimbuto, na miti lalo ikaima vushuka vwavungi.

Zakaliya 10:1

Lombeni nyonzi kuli Shukulu Kalunga a simbu ya nyangao. Ikeye Shukulu Kalunga muka-kutuma mashelwa a nyonzi ya vusuku-mbundu, mukuzivalesa vimbuto vya mu mahya a munu na munu.

Zakaliya 8:12

Vakakuna vimbuto vyavo mu kwoloka. Co miti yavo ya mikolovozi ya vushuka vwa vinyu ikaima vushuka, livu likakala na vwilo mukutuwisa vimbuto, co kukakala nyonzi yaingi. Vivezikiso vyoshe evi njikavyana kuli vanu va ku muyati wange vaje vanasalao.

Zakaliya 8:13

Vanu va mu Yunda na vanu va mu Isalele! Ku san̄ulu vaka-kwija valisingile umo na mukwavo nakwendeka ngwavo, ‘N̄avava ije vene yawililile a Yunda na a Isalele iwile ali yeni.’ Oloni njikamyamena, co vaka-kwija vaje vakendeka kuli umo na mukwavo ngwavo, ‘Tambuleni vivezikiso vya cifwa cimo vije vyakele a Yunda na a Isalele!’ Ngecivene, simpeni kesi muzive lyova.”

Zakaliya 8:23

A matangwa aje vaka-kwija likumi vakaija kuli kaYunda umo nakwendeka ngwavo, ‘Tuya amolika nove, omwo tunazivi ngeci Njambi ali amo nove.’ ”

Malakiya 3:10

Neneni vyoshe vyavulikumi ku cishete, ngeci mu Njuvo yange mukale vyakulya vyavingi. Kacinjesekeni tayi nga kunjikamishokolwela vinjanena vya mwilu nakumyana vyuma vyavingi vije mukajeneka kwakuvitulikila.

Vilinga vya Miluwa 14:17

Oloni visimbu vyoshe waanene vukaleo vwakukala kwendi vavenya a vyuma vyavivwa vije vyakalingi, co akamyana nyonzi yakutunda mwilu na vimbuto a simbu yaivwa, akamyana vyakulya nakushulisa vimbunge vyeni nakuvwaelela.”

Kwituluka mu Mashiko 28:12

Co Shukulu Kalunga akanyokesa nyonzi a simbu ya ndombo, co akavezikisa vipangi vyeni vyoshe, ngecivene, mukakumwisa miyati yaingi, oloni yeni kumukakumuna ku muyati umo.