Ezekiyele 34:2 - Livulu lya Shukulu Kalunga

² “Muna munu, leka vaka-kushwana va mu Isalele. Ambulula vuka-kwimanena, valeke vinjendeka kuli vakevo yange Kalunga wa Akamwa ya Vyoshe, ngwove, ‘Munavindama, yeni tunyungi va Isalele! Mulinakulilisa yeni vavenya, oloni kumwesi nakunyunga vimanga embwe.

Ezekiyele 34:2 Iomraidhean Croise

2 Samwele 5:2

A simbu ya kunima, nameme omo Saulu wapwile mwene yetu, yove watwamenenene vanu va Isalele mu nzita, co Shukulu Kalunga wakukulaesele ngeci ukatwamenena vanu vendi nakupwa mwene yavo.”

Isaya 40:11

Akanyunga vutanga vwendi mwamuvwa ngwe kanyungi, akakungulwila amolika vana va vimanga, nakuvambata mu mavoko endi, co akatwamenena vainavo kamandondo-kamandondo.

Isaya 56:11

Vantwama vaje kuvesi kuzivisisa vanapu ngwe tutali vamutupu vaje kuvesi kukuta. Vantwama ava kuvesi kuzivisisa. Ntwama na ntwama ashaka kulinga vije vimuvwaelelesa.

Njelemiya 10:21

Njelemiya wakumbulwile ngwendi, “Vantwama vetu vanapu vilema, kuvesi kwihula Shukulu Kalunga ngeci avakwase. Eci cikeco cuma cinanenesa ngeci vanu vetu vashandoke.

Njelemiya 12:10

Vaka-kushwana vavangi vanaviisa lifuti lyange ngwe lihya lya mikolovozi ya vushuka vwa vinyu, vanalyatangela mahya ange, vanatengulula lifuti lyange lyalivwa kulipwisa mambo.

Njelemiya 2:8

Vaka-kukombelela kuvehwile ngwavo, ‘Shukulu Kalunga ali kulijo?’ Vaka-kukombelela vange kuvanjizivukile. Vaka-kushwana vanjitengulukilile nakunjilwisa, vaka-kwimanena vendekele vya vuka-kwimanena mu lizina lya Mbale, co valemesele tumponya twakujeneka seo.

Njelemiya 23:1

Kusompa kwa Shukulu Kalunga kukapwa kwakukalu manene ali vaka-kushwana vaje vanyongesa nakushandola vanu vendi!

Njelemiya 3:15

Njikamyana vaka-kushwana vaje vanjononoka, co vakamishika na mana nakuzivisisa.

Ezekiyele 13:19

Mulinakunjishaula ku mesho a vanu vange, ngeci mushulise mavoko eni na mbale ya maumwa na mikasha yaindondo ya makende. Mukatsii vanu vaje kuvapandele kutsa, nakuyoyesa vaje vanapandele kutsa. Mwambulula makuli kuli vanu vange, co vamitava.’ ”

Ezekiyele 22:25

Vantwama vavo vanapu ngwe vindumba valinakwaana omo vasanyozola tusitu vaje vavanatsii. Vatsiya vanu nakwambata vimbongo vyoshe na vufuko vuje vuvawana, co akutsiya kwavo oku, valinakupwisa vanakazi vavangi vifwile.

Ezekiyele 33:24

“Muna munu, vanu vaje valinakuyoya mu vinganda vije vinasiwuka vya mu lifuti lya Isalele valinakwendeka ngwavo, ‘Avilahama wapwile munu umolika, co vamwanene lifuti lyoshe. Yetu tunapu tuvavangi, ngecivene, ololo lifuti linapu lyetu!’

Ezekiyele 34:1

Shukulu Kalunga wendekele kuli yange ngwendi,

Ezekiyele 34:14

Njikavalisila ku mwila wauvwa mu kwoloka mukati ka minkinda na mu vyana na mu mitambela ya mwila wauvwa ya mu lifuti lya Isalele.

Ezekiyele 34:15

Yange vavenya njikapwa kanyungi ka vimanga vange, co njikavatwamenena ku mutambela wakuhwimina. Munjinendeka yange Kalunga wa Akamwa ya Vyoshe.

Amose 6:4

Tuyando tweni yeni mulinakulala a malili akucakeya na mayo a vinjamba, co mulyolola a vulili vweni, mukali situ ya vana va vimanga vavavwa na situ yakununa ya vana va vingombe!

Zakaliya 11:17

Kanyungi uje wakujeneka seo navindama! Naseze vutanga vwendi. Mwa vushunga nzita ikamanesa nzili yendi. Livoko lyendi likasekwa, co lisho lyendi lya ku cilyo likatsa.”

Yowano 10:8

Voshe veka vaje valivangele kulutwe lwange vapwa vezi na mapwepwe, oloni vimanga kuvavatolililile.

Vilinga vya Miluwa 20:26

Ngecivene, njimileka vukaleo ku litangwa lya lelo vene ngwange, nga umo weni azimbala, yange kunjesi na mulonga wai.

Vilinga vya Miluwa 20:29

Njazivuka ngwange omo njiya, tungunga va vukalu vakaija akati keni, co kuvakatetela vutanga.

Loma 16:18

Omwo voshe vaje valinga vyuma evi kuvesi nakupangela Kilistu Mwene yetu embwe, oloni sholovya yavo lika. Co na majwi avo akukokweya na endekesi yavo yakuseveleka vakwisa vanu vakujeneka mulonga.

2 Kolinte 12:14

Eyi ololo inapu simbu yamucitatu ije njalivwaesela kwija kuli yeni nakumisikamesa, co lalo kunjishaka kumitwika citele. Oloni cuma njishaka lika kuvanga yeni, kesi vimbongo vyeni embwe. Munima ya vyoshe evi, vanike kuvapandele kukwasa visemi vavo, oloni visemi vakevo vapandele kukwasa vana vavo.

2 Petulu 2:3

Co mu cipululu cavo, ava valongisi va makuli vakawana nganyo akumileka tusimilili. Omwo a simbu yakama ololo Lyaako wavo nalivwaesela cimweja, co Muka-kunyongesa wavo ali laja mu mesho!

Yunda 1:12

Ava vanu vakevo vanafu ngwe vitanukiso mu viwano vyeni vya cizemo omo valya neni kujeneka shwamwa. Vashakezeka lika vyavo vavenya. Vanafu ngwe mashelwa akupekumuka lika na lihunzi oloni kuwesi kunena nyonzi. Vanafu ngwe miti kuyesi kwima vushuka, nambe mu simbu ya nyangao, miti ije ivanatukula na mizi yayo inapu ya kutsa vene.