Ezekiyele 33:7 - Livulu lya Shukulu Kalunga

⁷ “Ololo, muna munu, njilinakukupwisa muka-kunyunga muyati wa Isalele. Unapande kuvanangula vije vinjikuleka.

Ezekiyele 33:7 Iomraidhean Croise

1 Vimyene 22:14

Oloni Mikaya wamukumbulwile ngwendi, “Mu lizina lya Shukulu Kalunga njilikumiiya ngeci njikendeka vene evi ikeye anjilekavyo!”

2 Mizimbu 19:10

Nga vavushoko vweni vatunda ku nganda ika nambe ika vanena n̄anda kuli yeni, nambe yakutsiya, nambe yakujomboka lishiko, nambe vizilika, munapande kuvalongesa mwamuvwa mwaya ngila ngeci kesi vakale na mulonga ku mesho a Shukulu Kalunga. Nga kumuvanangula, co vukalu vwa Shukulu Kalunga vukakala ali yeni na vavushoko vweni. Oloni nga muvanangula, co kumukakala na mulonga.

Myaso ya Solomoni 3:3

Vaka-kunyunga mu nganda vaje vakele nakwendangana, vanjimwene, co njavehwile ngwange, “Munanjimwenako muka-cizemo cange ndi?”

Myaso ya Solomoni 5:7

Vaka-kunyunga vaje vakele nakwendangana mu nganda nakunyunga civumbe, vanjiwanene, vanjipupile nakunjitwa mbandu, vatavozwele cikoveyo cange.

Isaya 21:11

Awa akewo majwi aa Endome. Kuli munu umo alinakutambeka kuli yange mu Endome ngwendi, “Muka-kunyunga, simbu mukajo kukya? Njileke nga kukya vwasi.”

Isaya 62:6

Yelusalema njinaka vaka-kunyunga a vivumbe vyove. Vipangi vyavo vinapu kwendeka mutanya na vutsiki, vanapande kwanukisa Shukulu Kalunga vikulaeso vyendi kwakwonwa kuvivala.

Njelemiya 1:17

Ngecivene, Njelemiya, katuka uye, ya ukavaleke vyuma vyoshe vije vinjikushika. Kesi uvazivile lyova embwe, nga uziva lyova ni, co njikakuzivisa manene lyova ku mesho avo.

Njelemiya 23:28

Muka-kwimanena uje alota njozi ambulule lika vya njozi yendi, oloni muka-kwimanena uje nazivi majwi ange, napande kuwambulula mu vushunga. Vishati vili na vuvwa mukajo nga vavyeseka na tiliku?

Njelemiya 26:2

Shukulu Kalunga wendekele kuli yange ngwendi, “Imana mu mbanja ya Njuvo yange, wambulule vyoshe vije njakushikile kuvyendeka kuli vanu vaje vatunda mu vinganda vya mu Yunda kwija kuno mukulemesa. Kesi ukasezeo cuma cimo embwe.

Njelemiya 31:6

Eyo, simbu ilinakwija omo vaka-kunyunga vakatambeka a malundu a Efalime ngwavo, ‘Tuyeni ku Siyone, kuli Shukulu Kalunga Njambi yetu.’ ”

Njelemiya 6:27

Njelemiya, eseka vanu vange ngwe muukeseka vutale, uwane ngeci vanafu vati.

Mika 7:4

Nameme vana vavavwa vakwononoka manene, oloni vanapu ngwe shaku yangoco. Litangwa likaija omo Njambi akanyanyamesa vanu, ngwe muje mwavanangwile ali vaka-kunyunga vavo vaka-kwimanena. Co ololo vali mu citanga.

Hambakuke 2:1

Njikalonda a kaposhi kange nakuvandamena njimone vije vyanjileka Shukulu Kalunga ngeci njivyendeke, nakukumbulula kwendi akulinyenga kwange kuli ikeye.

Vilinga vya Miluwa 20:20

Mwazivuka ngweni kunjalikelele kulinga cuma cimo cije capwile cakumikwasa omo njambulwile nakulongesa mu mbunga na mu vinjuvo vyeni.

Vilinga vya Miluwa 5:20

“Yeni mukemane mu Njuvo ya Shukulu Kalunga, co mukaleke vanu vyoshe vya mwonyo ou wauha.”

1 Kolinte 11:23

Omwo njatambwile kuli Mwene cilongesa cije cinjamyanene cikeco eci, Mwene Yesu, a vutsiki vuje vene vamwendele vungungu, wanonele likende,

1 Kolinte 15:3

Njamyanene vije vinjatambwile, vije vinapu vya seo yakama manene, Kilistu watsililile vivi vyetu, ngwe muvanasoneka mu Visoneka

Efeso 4:11

Ou ikeye uje “waanene vwana kuli vanu”. Wemikile vamo kupwa miluwa, vakwavo kupwa vaka-kwimanena, vakwavo kupwa vaka-kwambulula, vakwavo kupwa tunyungi na valongisi.

VaHevelu 13:17

Ononokeni vantwama veni nakukava mashiko avo. Vakevo valinakuminyungilako myonyo yeni kujeneka kuhwima, omwo vanapande kulyambulwila vipangi vyavo kuli Njambi. Nga yeni muvononoka, co vakalinga vipangi vyavo nakujolela, nga kesi ngoco, co vakavilinga nakuviilila, co nacimo cai cikamikwasa.