Ezekiyele 33:6 - Livulu lya Shukulu Kalunga

⁶ Ngecivene, nga muka-kunyunga amona citozi alinakwija, co kaimbi lupembo, co citozi aija nakutsiya vaje vaka-vuvi, oloni njikana uje muka-kunyunga mulonga a kutsa kwavo.

Ezekiyele 33:6 Iomraidhean Croise

Kushangumuka 42:22

Co Luvena wavakumbulwile ngwendi, “Kunjamilekele ngwange, kesi muvulumune ou mukwenje ndi? Oloni yeni mwavyanene kunjitolilila. Co ololo tulinakutambula fweto omwo a kutsa kwendi.”

Kushangumuka 9:5

Nga munu akatsiya mukwavo, co munu uje njikamusompela kutsa, nambe kasitu woshe-iwoshe akatsiya munu, njikamusompela kutsa.

2 Samwele 4:11

Co vatijo cikafwa ali vanu vavavi vaje vatsiya munu wakujeneka mulonga uje nalilalela mu njuvo yendi! Ololo njikalinga shambandinga ali yeni akumutsiya, co njikamitundisa ano asi!”

Visimo 14:32

Vaka-vuvi vakaliwisa vakevo vavenya a vilinga vyavo vya vuvi, oloni vaka-vushunga vali noku kwakutewela a kutsa kwavo.

Njelemiya 14:15

Yange Kalunga njikuleka vije vinjikalinga kuli vaka-kwimanena vaje kunjatumine, vakevo valinakwendeka mu lizina lyange, vendeka ngwavo nzita na njala ya lyangengela kuvikakalamo mu lifuti lyavo, oloni njikavatsiila mu nzita nakuvalandwisa ku njala.

Ezekiyele 18:20

Kuvanga munu uje alinga vuvi ikeye lika atsa. Mwana kasa kuyanda omwo vuvi vwa ishe embwe, nambe ishe kasa kuyanda omwo vuvi vwa munendi embwe. Munu wamuvwa vakamwana cikandelela omwo akulinga vuvwa, co munu wamuvi akayanda omwo a vuvi vwakalingi.

Ezekiyele 18:24

“Oloni nga muka-vushunga alikela kulinga mwamuvwa, co ashangumuka kulinga vuvi, na vyuma vyoshe vya vunyengwe vije vivakalingi vaka-vuvi, munu ou napande kutwalao kuyoya ngacije ndi? Embwe! Nacimo cai cacivwa calingile civakanuka. Akatsa omwo akujeneka kulongwa kwendi na a vuvi vwendi.

Ezekiyele 34:10

Yange Kalunga wa Akamwa ya Vyoshe, njendeka ngwange yange njinapu nji citozi ceni. Njikamitambula vimanga vange, kumukapu lalo tunyungi twavo, kunjikatava ngeci mulilise yeni vavenya lika embwe. Njikaamena vimanga vange nakuvatundisa kuli yeni, co kunjikatava lalo ngeci mukavalye embwe.’ ”

Vilinga vya Miluwa 18:6

Omo vamulwisile nakumwendeka vyuma vyavivi, co watotomwene likungu ku vinanga vyendi wendekele kuli vakevo ngwendi, “Nga munazimbala, unapu mulonga weni vavenya! Yange kunjesi na mulonga wai. Kutunda ku litangwa lya lelo nakutwala kulutwe njiya kuli vaje kesi vaYunda.”