Ezekiyele 33:3 - Livulu lya Shukulu Kalunga

³ Omo amona citozi alinakushwenya, co aimba lupembo mukunangula vanu.

Ezekiyele 33:3 Iomraidhean Croise

Nehemiya 4:18

co munu na munu uje wakele nakutunga, waakele moko ya mukwale mu mbunda yendi. Co munu uje wakele nakwimba lupembo wakele amo nange.

Nehemiya 4:20

Nga muziva lupembo lwimba, ijeni mulikungulwile kuli yange. Njambi yetu akatulwilako.”

Isaya 58:1

Shukulu Kalunga alinakwendeka ngwendi, “Tambekeni manene ngwe mumunasela! Lekeni vanu vange va Isalele a vuvi vwavo!

Njelemiya 4:5

Imbeni lupembo mu lifuti mwoshe! Tambekeni manene, ngeci vamizive! Lekeni vanu va mu Yunda na vanu va mu Yelusalema vashatukile ku vinganda vya mu cimpaka.

Njelemiya 51:27

“Mweseni cimweso cakulwa! Co imbeni lupembo ngeci miyati yoshe ya vanu vazive! Kungululeni miyati vakalwise Mbambilone! Lekeni vumwene vwa Alalate, Mini, na Ashekenaze ngeci valwe. Anguleni mwata muka-kutwamenena nzita. Neneni tuvalu valwe ngwe vinjame vya vimbimba.

Njelemiya 6:1

Vanu va Mbenjemani, teweni ngeci mwovoke! Teweni mutunde mu Yelusalema! Imbeni vimbendo mu Tekowa, co imikeni cimweso ca tuhya mu Mbete Hakeleme. Tuyando twakama nakunyonga vilinakwija kutunda ku kunto.

Ezekiyele 3:19

Nga unangula muka-vuvi, oloni ikeye katenguluka ku vuvi vwendi, ikeye atsa, anga acili mu vuvi, oloni yove unamena mwonyo wove.

Hoziya 8:1

Shukulu Kalunga alinakwendeka ngwendi, “Imbeni mwondo wa nzita! Vitozi valinakucuncumukila mu lifuti lyange ngwe vingonga! Vanu vange vanapokola cikumiiyo cije njalikumiiye navo, co vanatengulukila vilongesa vyange nakuvilwisa.

Njwele 2:1

Imbeni lupembo, co imbeni mwondo a Siyone, lilundu lya Njambi lyakujela. Jajeni, yeni vanu va mu Yunda! Litangwa lya Shukulu Kalunga lili muyehi.

Amose 3:6

Kuma lupembo lwa nzita lwasa kwimba ngoco mu nganda kujeneka vanu kuziva lyova ndi? Kuma vukalu vwasa kwija ngoco mu nganda nga Shukulu Kalunga kavutumine ndi?

1 Kolinte 14:8

Co nga munu kasa kwimba mwamuvwa lupembo lwakusana, iyajo alivwaesela kulwa nzita?