Ezekiyele 33:11 - Livulu lya Shukulu Kalunga

¹¹ Valeke ngwove mwa vushunga ngwe yange Kalunga wa Akamwa ya Vyoshe, njapwa Njambi wakuyoya, kunjesi kuvwaelela a kutsa kwa muka-vuvi. Njishaka kumumona naseza kulinga vuvi, co ayoya. Isalele, likele vuvi vuje vuulinakulinga. Omwo vikajo ushakela kutsa?

Ezekiyele 33:11 Iomraidhean Croise

2 Samwele 14:14

Yetu voshe tukatsa, tunapu ngwe mema akwitikila asi, aje kuvasa kuwakungiya lalo. Njambi ikeye kesi kwilwisila munu mwonyo wendi, oloni mwene asa kuwana ngila yakwilwisa munu ku vunzinda.

Yombi 37:23

Nzili ya Njambi inapu yakama ngeci kutwasa kushwenya kuli ikeye, napu wa kulongwa na vushunga mukupanga kwendi na vanu.

Myaso 51:15

Njikwase kwendeka yove Shukulu Kalunga, co njikakushangazala.

Visimo 1:23

Tolilileni omo njimyendekela, njimyana kunangula kwakuvwa.

Visimo 8:36

Woshe uje kanjiwana, alivulumuna lika ikeye vavenya, voshe vaje vanjizinda, vazema kutsa.”

Isaya 21:12

Njamukumbulwile ngwange, “Kulinakukya, oloni vutsiki vukaija lalo. Nga ushaka kwihula lalo, yokeluke nakwihula.”

Isaya 49:18

Kenga mesho ove noku-noku umone vije vilinakulingiwa! Vanu vove valinakukunguluka, veluke kwimbo! Mwa vushunga ngwe omo njapwa Njambi wakuyoya, ukalyalesela ali vanu vove, ngwe mwakalyalesela shombolwa a vuzalo vwendi vwa seo.

Njelemiya 22:24

Shukulu Kalunga wendekele kuli Mwene Yehoyakine, muna Mwene Yehoyakime wa mu Yunda ngwendi, “Mwa vushunga yange njapwa Njambi wakuyoya, nameme nga wapwile kanzeya ka ku livoko lyange lya cilyo nga njakushomonako,

Njelemiya 3:12

Shukulu Kalunga wanjilekele ngeci njikendeke kuli Isalele ngwange Shukulu Kalunga nendeka ngwendi, “Isalele wakujeneka kulongwa iluka kuli yange. Yange muka-mema ku mbunge, co kunjikakuluvalela ku myaka yoshe.

Njelemiya 3:22

Ilukeni, yeni voshe munatundu kuli Shukulu Kalunga, co ikeye akamikangwisa nakumipwisa vanu vaka-kulongwa. Mulinakwendeka ngweni, “Eyo, twiluka kuli Shukulu Kalunga, omwo wapwa Njambi yetu.

Njelemiya 44:7

“Ngecivene, yange Kalunga Muka-nzili yoshe, Njambi ya Isalele, njimihula ngwange, omwo vikajo mulinakulinga vuvi vwa cifwa cangacije? Kuma yeni mushaka kunena vukalu ali vanalume, na vanakazi, na vanike, na vimbututu, ngeci naumo wai wa ali vanu veni akasaleo?

Njelemiya 44:8

Omwo vikajo mulinakunjiluvalesa akulemesa tumponya, na a kukombelela ku vinjambi va mu Ingito muje mumunaija nakukala? Kuma mulinakulinga evi ngeci mulinyongese yeni vavenya, ngeci miyati ya vanu voshe va ano asi vamishendumune, co lizina lyeni lipwe cisingo ndi?

Njelemiya 46:18

Yange Kalunga Muka-nzili yoshe, yange mwene. Yange Njambi wakuyoya. Ngwe kaposhi ka Munkinda wa Tambole kali akamwa ya minkinda, ngwe Munkinda wa Kalemele wemana lwii ku ngenge ya mema a kalunga, mukemwo muyikapwa nzili ya uje akamilwisa.

Mbimbi 3:33

Nalumo lwai avwaelela mukutuyandesa nambe kutuzivisa kuvavala.

Ezekiyele 14:6

“Ngecivene, ololo, leka vaIsalele vije vinjendeka yange Kalunga wa Akamwa ya Vyoshe, ngwange, ilukeni, co sezeni tumponya tweni twa vunyengwe.

Ezekiyele 16:48

“Shukulu Kalunga wa Akamwa ya Vyoshe alinakwendeka ngwendi, mwa vushunga vene omo yange njinapu Njambi wakuyoya, ndokazi yove Sondoma na vana vendi kuvalingile vuvi vuje vuulinakulinga yove na vana vove.

Ezekiyele 18:23

Shukulu Kalunga wa Akamwa ya Vyoshe ehula ngwendi, kuma uyongola ngwove njijolela akumona muka-vuvi atsa ndi? Embwe, njikashaka njimumone ngeci natenguluka nakuyoya.

Ezekiyele 5:11

“Ngecivene, ngwe omo njapwa Njambi wakuyoya, eli likelyo lijwi lya Shukulu Kalunga wa Akamwa ya Vyoshe, omwo mwajwalesele Njuvo yange na vuvi vwoshe, na vyuma vya vunyengwe vije vimwalingile, njikamikengesa nima kujeneka kumizivila mema ku mbunge.

Ndanyele 9:13

twatambwile cihiso coshe cije ciwatumbwile mu Lishiko lya Mosesa. Oloni nameme ololo, yove Shukulu Kalunga Njambi yetu, kutwakuvwaelesele akutunda ku vuvi vwetu nambe akukavangeya vushunga vwove.

Hoziya 11:8

“Vatijo njasa kukwecelela, Isalele? Vatijo njasa kukumbila kuti? Kuma njasa kuminyongesa ngwe munjanyongesele Andema ndi? Nambe kumipangesa ngwe munjapangesele Zemboime ndi? Mbunge yange kuyikanjitavesa kucilinga! Cizemo cange kuli yeni cinapu cakama manene.

Hoziya 14:1

Yeni vanu va mu Isalele, ilukeni kuli Shukulu Kalunga Njambi yeni. Vuvi vweni vunamitanukisa nakumiwisa.

Njwele 2:12

Shukulu Kalunga alinakwendeka ngwendi, “Nameme ololo, tengulukeni na vimbunge vyeni vyoshe ngeci mwiluke kuli yange nakulikela kulya nakulila nakulinyenga.

Zefaniya 2:9

Mwa vushunga vene yange Kalunga Njambi wa Isalele uje wayoya, njilinakulisinga ngeci Mowavi na Amoni vakanyonga ngwe Sondoma na Ngomola. Mafuti avo akemuka mitambela ya vimbulu vya mwongwa muje kuvakasa kulima vimbuto, co mukamena shaku lika. Co vanu vange vaje vakasalao vakapukula nakwambata lifuti lya Mowavi na Amoni.”

Kulava 14:21

Oloni njikuleka ngwange mwa vushunga vene omo yange njayoya, co na vumpau vwange vwashula asi oshe,

Kulava 14:28

Valeke ngwove, ‘Mwa vushunga njilisinga omwo yange njayoya, njikalinga kuli yeni ngwe muje mumunalombo. Yange Kalunga, njinendekamo.

Vilinga vya Miluwa 26:20

Oloni akulivanga njambulwile mu Ndamasiku, co mu Yelusalema, asinoni na mu lifuti lyoshe lya Isalele na akati ka vaje kesi vaYunda, njambulwile ngeci vanapande kutenguluka ku vivi vyavo nakwiluka kuli Njambi nakulinga vyuma vije vimwesa ngeci vanatenguluka.

Vilinga vya Miluwa 3:19

Tengulukeni, asinoni ilukeni kuli Njambi, ngeci amisambese ku vivi vyeni. Nga mulingamo,

Loma 14:11

Omwo visoneka vyendeka ngwavyo, “Mwa vushunga ngwe omo yange Njambi wakuyoya, ngwendi Shukulu Kalunga, vanu voshe vakatsikama ku mesho ange, co vanu voshe vakashangazala yange njapwa nji Njambi.”

1 Timateo 2:4

uje ashaka ngeci vanu voshe vovoke nakweta kukuzivuka vushunga.

2 Petulu 3:9

Mwene kesi kwishwala akulinga cije canakulaesa, ngwe muvakayongola vamo. Oloni muka-lukakateya ali yeni, omwo kashaka umo akanyonge, oloni ashaka ngeci voshe vatenguluke kutunda ku vivi vyavo.