Ezekiyele 32:7 - Livulu lya Shukulu Kalunga

⁷ Omo njikakunyongesa, njikafwika lilu nakuzimangana vingongonosi. Co litangwa njikalifwika na mashelwa, na ngonde kuyikatu lyezi lalo.

Ezekiyele 32:7 Iomraidhean Croise

Yombi 9:7

Ikeye ashika litangwa, co kulitu ceke, na vingongonosi kutwa ceke ku vutsiki.

Visimo 13:9

Vaka-vushunga vanapu ngwe ceke cakutwa manene, oloni vaka-vuvi vanapu ngwe ndeya yakuzima.

Muka-kwambulula 12:2

Simbu kanda litangwa na ngonde, na vingongonosi vitsitsivale na mashelwa a nyonzi kuwaketi.

Isaya 13:10

Vingongonosi na mulalavizi wavyo kuvikatu ceke, litangwa likatsitsivala omo lituuka, co ngonde lalo kuyikatu ceke.

Isaya 34:4

Litangwa, na ngonde, na vingongonosi vikanyongolokota. Lilu vakalizenga ngwe livulu, co vingongonosi vikawa ngwe maputa atotomoka ku mukolovozi wa vushuka vwa vinyu nambe ku muti wa mukuyu.

Njelemiya 13:16

Singimikeni Shukulu Kalunga Njambi yeni simbu kanda anene lisusulungu mutanuke a minkinda, simbu kanda apwise ceke ngwe lisusulungu.

Ezekiyele 30:18

Co lisusulungu likawila a Tafanehese omo njikamanesa nzili ya Ingito, nakumanesa nzili yayo ije vakele na kulyalesa nayo. Lishelwa likafwika Ingito, co vanu voshe va mu vinganda vyayo vakavatwala ku vunzinda.

Ezekiyele 30:3

Litangwa lili muyehi, omo Shukulu Kalunga akapanga, likapwa litangwa lya mashelwa nakunyonga kwa miyati.

Ezekiyele 31:15

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “A litangwa lije omo muti uje ukaya ku vukalo vwa vatsi, co njikaukupula na mema a tuvwelu-vwelu ngeci cipwe cimweso ca vusiwa. Njikavindika vindonga ngeci mema kesi ende. Omwo uje muti unatsi, co njikanena lisusulungu akamwa ya Minkinda ya Lembanone, nakujujwamesa miti yoshe ya mu shwata.

Ezekiyele 34:12

mu ngila ije vene kanyungi akanyungu vimanga vendi vaje valishandokele, co avakungulwila amolika lalo. Njikavanena lalo nakuvelwisa kutunda ku mitambela kuje kuvalishandokelele a litangwa lije lya lisusulungu, na n̄avava.

Njwele 2:10

Asi oshe aninganga omo valinakwija, co lilu lijaja. Litangwa na ngonde vizivala vwii, na vingongonosi kuvitu ceke.

Njwele 2:2

Likelyo likapwa litangwa lya lisusulungu, litangwa lya mashelwa akuzivala vwii. Vinjame vyakama vya vimbimba mikumbi vikafwika akamwa ya minkinda ngwe lisusulungu. Kukwakele cuma cimo cakufwa ngwe eci, co kukukakala lalo cuma cakufwa ngwe eci.

Njwele 2:31

Litangwa likazivala, na ngonde ikavenga ngengu ngwe maninga, omo litangwa lyakama lyakukomokesa lya Shukulu Kalunga kanda lyete.

Njwele 3:15

Litangwa na ngonde vikazivala, co vingongonosi kuvikatu ceke lalo.

Amose 8:9

Simbu ikaija omo litangwa likazivala akati ka mutwe, co njikatengulula mutanya kuupwisa lisusulungu. Yange Kalunga wa Akamwa ya Vyoshe, njinendekamo.

Mateo 24:29

“Vwasi-vwasi omo tuyando twa a matangwa aje tuneti, litangwa likazivala vwii, co ngonde kuyikatu lyezi, co vingongonosi vikawila asi, co vinzili vya mwilu vikaninganga.

Mako 13:24

“Oloni a simbu ije vene omo tuyando tuneti, litangwa likazivala vwii, co ngonde kuyikatu lyezi,

Luka 21:25

“Co vyuma vyakukomokesa vikalingiwa ku litangwa na ku ngonde na ku vingongonosi. Miyati yoshe ya asi vakajeneka cinyangavili, vakaziva lyova lya kuluma kwa mema a kalunga nakukuma kwa mankimba ao.

Kujombolola 8:12

Asinoni kangelo wamuciwana wembile lupembo lwendi. Co litambelo lyamucitatu lya litangwa valipupile na litambelo lyamucitatu lya ngonde na litambelo lyamucitatu lya vingongonosi, ngeci ceke cavyo cizimbalese litambelo lyamucitatu lyakuvyazima kwaco, co kukwakele ceke a simbu ya litambelo lyamucitatu lya mutanya na litambelo lyamucitatu lya vutsiki.