Ezekiyele 32:24 - Livulu lya Shukulu Kalunga

²⁴ “Elame kwali, amo na vimbumbo vya mashwalale vendi voshe vinamuzengeleka. Voshe vanatsi, vavatsiilile mu nzita, voshe vaile mwisi ya livu, kuvapwile vaka-kukulaela. Vazivisile vanu lyova mu lifuti lya vaka-kuyoya, oloni ololo valinakuziva shwamwa amo na vaje vali mu mbulu.

Ezekiyele 32:24 Iomraidhean Croise

Kushangumuka 10:22

Vana va Shemi va vanalume mazina avo, Elame, na Ashule, na Alepakeshande, na Lunde, na Alama. Vakevo vapwile vakukulwila va vanu vaje valilukile mazina avo.

Kushangumuka 14:1

A matangwa a Mwene Amalafela wa ku Mbambilone, na Mwene Alyoke wa ku Elasale, na Mwene Kendoleome wa ku Elame, na Mwene Tindale wa ku Ngoime,

1 Mizimbu 1:17

Vana va Shemi vapwile, Elame, na Ashule, na Alepakeshande, na Lunde, na Alama, na Uza, na Hule, na Ngatale, na Meshake. Ava vakevo vapwile vakukulwila va vanu vaje valilukile mazina avo.

Yombi 28:13

Munu kazivuka ndando ya mana, nambe kutwasa kuwana mana ano asi.

Myaso 142:5

Njitambeka kuli yove Shukulu Kalunga. Njambi ikeye vutewelo vwetu na nzili yetu, wakala muyehi-yehi netu.

Isaya 11:11

Omo litangwa lije likaija, Shukulu Kalunga akapangesa nzili yendi nakwilwisa vanu vendi vaje vasalele ku Asilya na ku Ingito, na ku Patelose, na ku Sundane, na ku Elame, na ku Mbambilone, na ku Hamate, na ku man̄anda ku mema a kalunga.

Isaya 38:11

Njayongwele ngeci muno mu kaye ka vaka-kuyoya, kunjikasa lalo kumona Shukulu Kalunga, nambe munu woshe uje alinakuyoya.

Njelemiya 11:19

Njafwile ngwe muna manga wa kulongwa, uje vatwala mukumutsiya, co kunjazivukile cuma nacimo cai a matumbe awa. Vakele nakwendeka ngwavo, “Tushinjeni ou muti simbu ucili wauvwa, ijeni tumutsiye ngeci naumo wai akamwanuka.”

Njelemiya 25:25

na vimyene voshe va mu Zimeli, na Elame, na Mendiya,

Ezekiyele 16:52

Ngecivene, ololo, yove ukakala na shwamwa omwo wavangelele vandokazi vove. Vuvi vwove vwapwile vwa vunyengwe manene kutuvakana vuvi vwavo. Vakevo vanasholoka kupwa vakulongwa kutuvakana yove. Ngecivene, ukaziva shwamwa nakushauka omwo wapwisile vandokazi vove kupwa va kulongwa.”

Ezekiyele 16:54

Ukalizivisa shwamwa yove vavenya, co kushauka kwove kukamwesa vandokazi vove vuvwa vwavo.

Ezekiyele 26:20

Njikakushelumwisa kwisi mu lifuti lya vukalo vwa vatsi, ukalipandakana na vanu vaje vakeleko ku simbu ya ku san̄ulu. Ukakala muje mu lifuti lya vatsi myaka yoshe nakulipandakana amo na vatsi. Kuje vene kuukasa kwiluka mukutambula mutambela wove lalo mu lifuti lya vaka-kuyoya.

Ezekiyele 31:14

Ngecivene, kutunda ku lelo nakutwala kulutwe, kukwesi muti lalo, nameme vautukumwine vati mema ukapwa waulaja ngwe muti uje lalo, nambe minango yawo lalo kuyikatuvakana minango ikwavo ku vulaja nakweta ku mashelwa. Yoshe ikanyonga, co ikatsa ngwe muvakatsi vanu, ikanyonga nakulipandakana na vaje vashelumukila laja ku vukalo vwa vatsi.”

Ezekiyele 31:18

“Muti unapu mwene wa Ingito na vanu vendi voshe. Kukwesi miti ya mu Endeni yapwile yailaja ngacije na vuvwa. Oloni ololo, ngwe ku cifwa ca miti ya Endeni, muti ou ukashelumukila ku vukalo vwa vatsi, nakulipandakana na vaje vaka-kujeneka kukulaela, na vaje vatsiilile mu nzita. Munjinendeka yange Kalunga wa Akamwa ya Vyoshe.”

Ezekiyele 32:18

“Muna munu, lila omwo mbunga yakama ya vanu va mu Ingito. Vashelumwise amo na vakwavo vaka-miyati ya nzili ku lifuti lya vatsi.

Ezekiyele 32:19

Valeke ngwove, ‘Yeni munayongola ngweni munapu muvavavwa manene kutuvakana vakweni ndi? Mukashelumuka ku lifuti lya vatsi nakukakala amo na vaje vaka-kujeneka kukulaela.’

Ezekiyele 32:21

Vingenyenye vakama, na vaje valwile ku mutambela wa vaka-Ingito, vakatambula vaka-Ingito ku lifuti lya vatsi. Vakatambeka ngwavo, ‘Vaka-kujeneka kukulaela vaje vavatsiilile mu nzita vanaija kuno, co vanalala kuno!’

Ezekiyele 32:25

Elame nalala mu mbumbo amo na mashwalale vendi vaje vavatsiilile mu nzita, co vimbumbo vya mashwalale vendi vyoshe vinamuzengeleka. Voshe kuvapwile vaka-kukulaela, voshe vavatsiilile mu nzita. Omo vakele nakuyoya vazivisile vanu lyova mu lifuti lya vaka-kuyoya, co ololo valinakuziva shwamwa amo na vaje vali mu mbulu, vanalala akati ka vatsi.

Ezekiyele 32:30

“Vaka-kushwana voshe vakutunda ku kunto na ava voshe vakutunda ku Sindone vali kuje. Nzili yavo a simbu imo yazivisile vanu lyova, oloni navo lalo vanai kwisi na shwamwa amo na vanu vaje vavatsiilile mu nzita, vanavatsindi, kwakujeneka kukulaela. Valinakuziva shwamwa amo na vaje vali mu lifuti lya vatsi.

Ezekiyele 34:29

Njikavana mahya a vwilo, co njikamanesa njala ya lyangengela mu lifuti. Miyati yeka kuvakavashendumuna lalo.

Ezekiyele 36:15

Lifuti kulikatwalao kutolilila ku miyati ije ilishendumuna, nambe kumona vanu vaje valinakulishaula. Lifuti kulikevi lalo vana va miyati yavo. Munjinendeka yange Kalunga wa Akamwa ya Vyoshe.”

Ezekiyele 39:26

Co omo vakatumbama kuluu mu lifuti lyavo, muje naumo wai akavazivisa lyova, co vakevala shwamwa na kupenga-penga kuje kuvalingile kuli yange.

Ezekiyele 44:13

Kuvasa kunjipangela kupwa vaka-kukombelela embwe, nambe kuya kuyehi na cuma cimo cije cakujela kuli yange, nambe kukovela mu Mwela Wakujela Manene. Oku kukekwo kunyanyamesa kwavo omwo vyuma vya vunyengwe vije vivanalingi.

Ndanyele 8:2

Mu cimona eci njamwene njili mu nganda ya cimpaka mu Susa, nganda ije yakele mu lifuti lya Elame. Njemanene ku ngenge ya Ndonga ya Ulai,

Hambakuke 2:16

Neni lalo mukaziva shwamwa nakujeneka kasingimiko. Neni vene mukanwa nakupelyangela. Shukulu Kalunga akaminwisa mu nganja yeni ya cihiso, co kasingimiko keni kakapwa shwamwa.

Mateo 11:23

Co nove lalo Kapenauma! Washakele kulijundwila yove vavenya mwilu ndi? Ukashelumuka ku vukalo vwa vatsi! Omwo vizivukiso vije vyalingiwile muli yove, nga vyalingiwile mu Sondoma, nga nganda ije anga kuyicili nakweta kulelo lino.