Ezekiyele 32:18 - Livulu lya Shukulu Kalunga

¹⁸ “Muna munu, lila omwo mbunga yakama ya vanu va mu Ingito. Vashelumwise amo na vakwavo vaka-miyati ya nzili ku lifuti lya vatsi.

Ezekiyele 32:18 Iomraidhean Croise

Myaso 30:9

Vikajo uwanao a kutsa kwange? Seo mukajo ukawanao nga njitsa? Kuma vatsi vasa kukushangazala ndi? Kuma vasa kwambulula vya kulongwa kwove kukwesi kuhwa ndi?

Myaso 63:9

Vaje voshe vashaka kunjitsiya, vakaya mu vukalo vwa vatsi.

Isaya 14:15

Oloni ololo, vanakushulwisila asi ku mutambela wa kulova manene wa vukalo vwa vatsi.

Isaya 16:9

Njililila mikolovozi ya vushuka vwa vinyu ya ku Simbema ngwe munjililila ya ku Njazele. Njililila Heshevone na Elyale, omwo vanu kuvakateje nakujolela.

Njelemiya 1:10

Ku litangwa lya lelo njilinakukutuma na nzili kukendeka ku mafuti oshe na ku vumwene vwoshe kutukula nakusiwula, kunyongesa nakuwisa, kutunga nakukuna.”

Ezekiyele 26:20

Njikakushelumwisa kwisi mu lifuti lya vukalo vwa vatsi, ukalipandakana na vanu vaje vakeleko ku simbu ya ku san̄ulu. Ukakala muje mu lifuti lya vatsi myaka yoshe nakulipandakana amo na vatsi. Kuje vene kuukasa kwiluka mukutambula mutambela wove lalo mu lifuti lya vaka-kuyoya.

Ezekiyele 31:14

Ngecivene, kutunda ku lelo nakutwala kulutwe, kukwesi muti lalo, nameme vautukumwine vati mema ukapwa waulaja ngwe muti uje lalo, nambe minango yawo lalo kuyikatuvakana minango ikwavo ku vulaja nakweta ku mashelwa. Yoshe ikanyonga, co ikatsa ngwe muvakatsi vanu, ikanyonga nakulipandakana na vaje vashelumukila laja ku vukalo vwa vatsi.”

Ezekiyele 31:16

Omo njikautuma kushelumuka ku vukalo vwa vatsi, co muyoyo wakuwa kwawo ukajajesa miyati. Co miti yoshe ya mu Endeni na miti yoshe ije yakwitangela mwamuvwa yakwangula ya Lembanone, ije yashelumukile laja mwisi ya livu, vakavwaelela akuwa kwawo.

Ezekiyele 32:12

Mashwalale va ku miyati ya muuka vakashomona mikwale yavo nakutsiya vanu vove voshe. Vanu vove voshe na vyuma vyoshe vije ukalyalesa navyo vakavinyongesa.

Ezekiyele 32:16

Majwi awa akunangula akemuka mwaso wakulila. Vanakazi va miyati yeka vakawimba nakulilila Ingito na vanu vamwo voshe. Munjinendeka yange Kalunga wa Akamwa ya Vyoshe.”

Ezekiyele 32:2

“Muna munu, nangula mwene wa Ingito. Muleke lijwi eli lyakutunda kuli yange ngwove, ‘Yove unayongola ngwove unapu ngwe ndumba akati ka miyati, oloni unapu ngwe ngandu muka-kulapa a mema mu ndonga. Yove uvundula mema na mendi nakuviisa mu ndonga.

Ezekiyele 32:21

Vingenyenye vakama, na vaje valwile ku mutambela wa vaka-Ingito, vakatambula vaka-Ingito ku lifuti lya vatsi. Vakatambeka ngwavo, ‘Vaka-kujeneka kukulaela vaje vavatsiilile mu nzita vanaija kuno, co vanalala kuno!’

Ezekiyele 43:3

Cimona eci capwile ngwe cije njamwene omo Njambi wezile mukunyongesa Yelusalema, na cije njamwene ku ngenge ya Ndonga ya KeVaLe Co njawililile asi na cihanga cange cakwatele a livu.

Hoziya 6:5

Omu mukemwo njatumu vaka-kwimanena vange kuli yeni na majwi a kusompa na akunyongesa. Vinjishaka kuli yeni vinapu vyavyasi vinalumbunuka vikevyo evi.

Mika 1:8

Asinoni Mika wendekele ngwendi, “Omo a evi, njikalila nakulinyenga. Mukumwesa vusiwa vwange, co njikenda mendi-mendi na mutotototo. Njikalila ngwe mbanje, co njikasikoka ngwe nkumbwa.

Mateo 11:23

Co nove lalo Kapenauma! Washakele kulijundwila yove vavenya mwilu ndi? Ukashelumuka ku vukalo vwa vatsi! Omwo vizivukiso vije vyalingiwile muli yove, nga vyalingiwile mu Sondoma, nga nganda ije anga kuyicili nakweta kulelo lino.

Luka 19:41

Yesu wetele kuyehi na nganda, co omo waimwene, walilile manene

Loma 12:15

Vwaeleleni na vaje valinakuvwaelela, lileni na vaje valinakulila.