Ezekiyele 31:9 - Livulu lya Shukulu Kalunga

⁹ Njaulingile ngeci upwe wauvwa, ukale na minango yakujanjavala. Miti yoshe ya mu Endeni citungu ca Njambi, vaizivilile cipululu.’

Ezekiyele 31:9 Iomraidhean Croise

Kushangumuka 13:10

Lote wakengele ku mutambela wa Zowale, co wamwene Cana ca Yondau coshe cakele na mema amangi, cafwile ngwe Lihya lya Shukulu Kalunga nambe Ingito. Simbu eyi te Shukulu Kalunga kanda acinyongese vinganda vya Sondoma na Ngomola.

Kushangumuka 26:14

VaFilisitiya vakele na muuka ali ikeye omwo wakele na matanga amangi manene a vimanga na vingombe amo na vangamba vavangi.

Kushangumuka 37:11

Co vandolome vendi vamuzivilile cipululu, oloni ishe wanyungile vyuma evi mu mbunge yendi nakuviyongola.

Kutuuka 9:16

Oloni akukumwesa nzili yange, njakutavele kuyoya ngeci lizina lyange likatsimane mu kaye mwoshe.

Visimo 27:4

Kuluvala kwapwa muuka, nakushandola, oloni cipululu cinahyana kuluvala.

Muka-kwambulula 4:4

Asinoni njamwene vanu omo vaundanganene kushaka kukala na vufuko vwavungi kutuvakana vakwavo. Oloni vinapu vyangoco. Vinapu lika ngwe kusheka lihunzi.

Isaya 51:3

“Njikazivila mema ku mbunge Yelusalema, na voshe vaje valinakuyoya mu ngundu yendi. Nameme lifuti lyavo linapu mambo, njikalipwisa ngwe citungu ca Endeni cije cinjakunine. Yelusalema ikajolela nakuvwaelela, ikaimba myaso yakushangazala nakukandelela kuli yange.

Isaya 55:12

Mukatunda mu Mbambilone nakujolela, vakamitwamenena mu kwoloka kutunda mu nganda. Minkinda na malundu vikaimba ngwe vanu omo mwita, na miti lalo ikatambeka nakujolela ngwe vanu.

Ezekiyele 16:14

Yove watsimanene ku miyati yoshe omwo vuvwa vwove, omwo yange njakulingisile ngeci upwe uwamuvwa manene.” Evi vikevyo vyanendeka Shukulu Kalunga wa Akamwa ya Vyoshe.

Ezekiyele 17:22

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Njikapokola shongo ya njovolwezi ya muti waulaja wa kendale, co njikaukuna a munkinda waulaja,

Ezekiyele 17:24

Miti yoshe ya mu lifuti ikazivuka ngeci yange Kalunga. Njikashinjila asi miti yailaja, nakumenesa miti yaindondo kupwa yailaja. Njikajujwamesa miti yakutonola nakutonolwesa lalo miti yakuma. “Yange Kalunga, njinendekamo, njikalinga vije vinjinendeka ngwange njikavilinga.”

Ezekiyele 28:13

Yove wakele mu Endeni lihya lya Njambi, wazalele vya mamanya a miyati yoshe, mamanya a lumbi, na ndaimani, na topaze, na mbelilu, na kanelya, na njasipa, na safile na emalinde, na nganete. Yove wakele na makai a ngolinde. Vakulingililewo a litangwa lije vakutangele.

Ezekiyele 31:16

Omo njikautuma kushelumuka ku vukalo vwa vatsi, co muyoyo wakuwa kwawo ukajajesa miyati. Co miti yoshe ya mu Endeni na miti yoshe ije yakwitangela mwamuvwa yakwangula ya Lembanone, ije yashelumukile laja mwisi ya livu, vakavwaelela akuwa kwawo.

Ezekiyele 31:18

“Muti unapu mwene wa Ingito na vanu vendi voshe. Kukwesi miti ya mu Endeni yapwile yailaja ngacije na vuvwa. Oloni ololo, ngwe ku cifwa ca miti ya Endeni, muti ou ukashelumukila ku vukalo vwa vatsi, nakulipandakana na vaje vaka-kujeneka kukulaela, na vaje vatsiilile mu nzita. Munjinendeka yange Kalunga wa Akamwa ya Vyoshe.”

Ezekiyele 36:35

Munu woshe akasimutwiya a lifuti lije lyapwile mambo yangoco, ololo linemuka kupwa ngwe Lihya lya Endeni, na vinganda vije vyasiwukile nakuvipukula, co vyasalele mupulungwa, oloni ololo vanavikolesa na vimpaka.

Ndanyele 2:21

Akatengulula visimbu na myaka, atumbika vimyene nakutundisa vimyene. Akana mana nakuzivisisa.

Zakaliya 11:2

Miti ya sipelese, lileni nakutambeka, miti ya kendale inau, miti ije ya vumpau vanainyongesa! Miti ya oke ya ku Mbashane, lileni nakutambeka, shwata yakuzika vanaishinji!

1 Samwele 18:15

Omo Saulu wamwene ngeci Ndaviti wakele nakulinga vyuma vyoshe mwamuvwa, co wamutewele manene kutuvakana akulivanga.