Ezekiyele 31:6 - Livulu lya Shukulu Kalunga

⁶ Miyati yoshe ya tuzila vatungilileko mashwa ku minango yawo, co tusitu vasemenenemo vana vavo mu munzinze wawo. Miyati yoshe ya mu kaye yahwiminine mu munzinze wawo.

Ezekiyele 31:6 Iomraidhean Croise

Myaso 104:17

Tuzila vatungila mashwa avo kuje, kanyange-yange natungila lishwa lyendi ku miti ya tulipi.

Ezekiyele 17:23

a munkinda wa Isalele uje waulaja manene. Minango yawo ikakola nakwima vushuka, co ukemuka muti wa kendale wauvwa. Co tuzila va miyati yoshe vakakalako, vakavanda mu munzinze wawo.

Ezekiyele 31:13

Tuzila vakaija nakutongama a minango yawo yakuwa, co tusitu vakalyatangela a minango yawo.

Ezekiyele 31:17

Vakaya amolika nawo ku vukalo vwa vatsi, nakulipandakana na vaje vawile laja. Co voshe vaje vali mwisi ya munzinze wawo, vakavashandwela akati ka miyati.

Ezekiyele 31:7

Muti uje wapwile wauvwa manene, wapwile waulaja manene, na minango yailaja. Co mizi yawo yetele kwisi manene kuje kwetile mema a vana va vindonga.

Ndanyele 4:10

“Omo njalalele, co njamwene cimona cimo ca muti wakama manene wakele mukati ka kaye.

Ndanyele 4:12

Maputa awo apwile amavwa, co wemine vushuka vwavungi vuje vwapwilemo mukuvulya kuli munu woshe wa ano asi. Tusitu vahwiminine mu munzinze wawo, co tuzila vatungilile mashwa avo ku minango yawo, co cuma coshe cakuyoya ca ano asi calile ku vushuka vwawo.

Ndanyele 4:21

Maputa awo apwile amavwa, co lalo wakele na vushuka vwavungi vwakulisa kaye koshe. Tusitu vahwiminine mwisi yawo, na tuzila vatungilile mashwa avo ku minango yawo.

Mateo 13:32

Kakeko kapwa kakandondo manene akati ka vimbuto vyoshe vikwavo, oloni omo kakola kapwa muti wakama kutuvakana miti yoshe. Ngecivene, tuzila vaija nakutungila mashwa avo ku minango yawo.”

Mako 4:32

Oloni omo kwita lika kasimbu kakandondo, co kakola kapwa muti wakama kutuvakana miti yoshe. Co ukala na minango yakama, ngecivene, tuzila vaija nakutungilako mashwa avo.”