Ezekiyele 30:9 - Livulu lya Shukulu Kalunga

⁹ “Omo litangwa lije lyeta, co Ingito ikanyonga, njikatuma miluwa mu mato akama mukunyangumuna vanu va ku Sundane, co vakavazivisa lyova manene. Litangwa lije lilinakwija!”

Ezekiyele 30:9 Iomraidhean Croise

Isaya 19:17

Vanu va mu Ingito vakaziva lyova lya Yunda visimbu vyoshe omo vakanuka luvinda luje lwanenele Shukulu Kalunga Muka-nzili yoshe ali vakevo.

Isaya 20:3

Omo Ashendonde vaifungulwile, co Shukulu Kalunga wendekele ngwendi, “Ngamba yange Isaya nende mushelengwa, co kazalele vin̄aku ku mendi a myaka itatu. Eci cinapu cimweso ca vije vikalingiwa ku Ingito na Sundane.

Isaya 20:5

Vaje vakulaelele Sundane nakulishashela Ingito vakapwa vaka-kupaya, cinyangavili cavo cikahwa.

Isaya 23:5

Nameme vaka-Ingito vakasikoka nakuzeya omo vakaziva ngwavo Tile vanainyongesa.

Isaya 47:8

“Yove washaka vyuma vya senga, uyongola ngwove uli mwamuvwa na kwoloka. Ulinakuliyongola ngwove u wakama ngwe Njambi, ngwove kukwesi weka lalo wakulifwa nove. Wayongola ngwove nalumo lwai ukapwa u fwile, nambe kutsisa vana vove.

Njelemiya 49:21

Omo Endome ikawa, co kukakala muyoyo wakama uje ukajajesa kaye, na muyoyo wakulila vakauziva na ku Ndonga ya Mema a Kalunga Akuvenga.

Njelemiya 49:31

‘Ijeni tukalwise vanu ava vayongola ngwavo vali mu kwoloka! Nganda yavo kuyesi na vikolo nambe tupateso, co mwa vushunga vene kuvesi kuyinyunga.’

Ezekiyele 24:14

Munjinendeka yange Kalunga. Cikalingiwa, yange njikacilinga. Kunjikombuko mbunge ku vuvi vwove, nambe kumwesa ngozi nambe kuziva mema ku mbunge. Njikakuhisa a vije viwunalingi.” Munjinendeka yange Kalunga wa Akamwa ya Vyoshe.

Ezekiyele 26:16

Vimyene voshe va ku vikuma vya mema a kalunga vakashuluka a matanda avo. Vakashulula vikoveyo vyavo vyavilaja mavoko, na vuzalo vwavo vwakushelasana, co vakatumbama asi nakujaja. Vakakala na lyova a kayando kove ngeci kuvakasa kulikela kujaja.

Ezekiyele 27:35

“Vanu voshe vaje vakala ku cikuma vanakomoka a luvinda lwove. Nambe vimyene vavo vanazivi manene lyova, co lyova linasholoka ku mesho avo.

Ezekiyele 33:33

Oloni omo majwi ove oshe apwa a vushunga, apwa a vushunga vene, asinoni vakazivuka ngeci kuma muka-kwimanena nakala akati kavo.”

Ezekiyele 38:11

Ukayongola kukovelela lifuti lije lyakuzeya muje vanu vamwo vakala mu kwoloka, mu vinganda kuvyesi na vivumbe vyakuvavingilikiya.

Ezekiyele 39:6

Njikashwameka tuhya mu lifuti lya Mangonge, na ku vikuma vyoshe kuje vanu valinakukala mu kwoloka, co munu woshe akazivuka ngeci yange njapwa Kalunga.

Amose 4:2

Shukulu Kalunga wa Akamwa ya Vyoshe nalisingi a lizina lyendi lyakujela ngwendi, “Litangwa likaija omo vakamikokangeya na tulovo, munu na munu akapwa ngwe isi ali ku kalovo.

Hambakuke 2:3

Cisoneke, omwo simbu kanda yete ngeci vyuma evi vikalingiwe. Oloni simbu ilinakwija vwasi omo vyuma evi njilinakukumwesa vikalingiwa. Nameme vene vikevyo vinambata simbu ngeci vilingiwe, vandamena lika, vikevyo vikalingiwa a simbu injemika, kuvikeshwala embwe.

Zefaniya 2:12

Co Shukulu Kalunga lalo akatsiya vaka-Sundane.

Zefaniya 2:15

Evi vikevyo vivakalinga ku nganda ije ya vaka-kulyalesa a nzili yavo vavenya nakuyongola ngeci valimwamuvwa. Vanu vamwo vayongola ngwavo nganda yavo yapwa yakama manene muno mu kaye koshe, oloni ikemuka ngundu, mutambela uje vakakala tusitu! Co vanu voshe vaje vakaitilamo vakalipika ku mitwe yavo mukumwesa kayengu kavo na vunyengwe vwavo a nganda ije.

1 Tesalonika 5:2

Omwo yeni vavenya mwazivuka ngweni Litangwa lya Mwene likaija ngwe mwizi omo akaija a simbu ya vutsiki.

Maako 18:7

Ngecivene, vaje vanalume vatanu vaile ku limbo lya Laishe. Co vamwene vati valinakuyoya vanu vaje vakelemo, ngwe ku cilika ca Sindone. Vapwile vanu va kwoloka nakushungama, kuvakele na vimata kuli vanu veka embwe, vakele na vyoshe vije vivashakele. Vakele nakulya vyakulya vyakutunda ku Sindone, co kuvapangele na vanu veka embwe.