Ezekiyele 30:19 - Livulu lya Shukulu Kalunga

¹⁹ Omo njikanyanyamesa Ingito mu ngila eyi vene, co vakazivuka ngeci yange njapwa Kalunga.”

Ezekiyele 30:19 Iomraidhean Croise

Myaso 149:7

mukufungulula nakuhisa miyati ya vanu,

Myaso 9:16

Shukulu Kalunga nalisholola ikeye vavenya akusompa kwendi kwa vushunga, oloni vaka-vuvi vanatsi mu vilinga vyavo vyavivi.

Ezekiyele 25:11

Njikanyanyamesa Mowavi, co vakazivuka ngeci yange njapwa Kalunga.”

Ezekiyele 28:22

Leka vanu valimo evi yange Kalunga wa Akamwa ya Vyoshe njendeka kuli vakevo ngwove, ‘Yove Sindone yange nji citozi cove, vanu vakanjishangazala omwo vije njilinga kuli yove. Omwo njikakumwesa kujela kwange akunyanyamesa vanu vaje vayoyela muli yove, co vakazivuka ngeci yange njapwa Kalunga.

Ezekiyele 30:14

Njikapwisa mbwela ya Ingito ngundu, nakwenyeka tuhya a nganda ya Zowane ku kunto. Njikanyanyamesa nganda yakama ya Tevese.

Ezekiyele 32:15

Omo njikapwisa Ingito ngundu nakunyongesa voshe vaje vakalamo, co vakazivuka ngeci yange njapwa Kalunga.

Ezekiyele 39:21

Shukulu Kalunga wendekele ngwendi, “Njikamwesa vumpau vwange ku miyati yoshe munjikapangeselamo nzili yange omo njivanyanyamesa.

Ezekiyele 5:15

“Omo njiluvala na litoto lyakama nakuminyanyamesa, co miyati yoshe vaje vanamizengeleka vakalishoshomwena. Vakamikenga na vunyengwe nakumishendumuna.

Ezekiyele 5:8

Ngecivene, yange Kalunga wa Akamwa ya Vyoshe, njikuleka ngwange yange njinapu nji citozi cove. Njikakuhisa oku miyati yoshe inakumono.

Kulava 33:4

vaje vakele nakutsinda vana vavo va va ntwatwa va vanalume vaje vatsiile Shukulu Kalunga. Co akulinga evi Shukulu Kalunga wavamwesele ngeci ikeye ali na nzili kuhyana vinjambi va vaka-Ingito.

Loma 2:5

Oloni yove uli na mbunge yakukola nakukaluwa, co ulinakulingisa cihiso cove vavenya ngeci cipwe cakama manene a Litangwa lije omo vukalu vwa Njambi nakusompa kwendi kwa vushunga vikasholoka.

Kujombolola 17:1

Asinoni umo wa vaje tungelo vatanu na vavali vaje vakele na malonga atanu na avali wezile kuli yange, co wendekele ngwendi, “Ija kuno njakukuleke vati vakasompa uje cikwizi wakutsimana, nganda ije yakama ivanatungila kuyehi na vindonga vyavingi.