Ezekiyele 30:14 - Livulu lya Shukulu Kalunga

¹⁴ Njikapwisa mbwela ya Ingito ngundu, nakwenyeka tuhya a nganda ya Zowane ku kunto. Njikanyanyamesa nganda yakama ya Tevese.

Ezekiyele 30:14 Iomraidhean Croise

Myaso 78:12

Ikeye walingile vikomokeso kuli vakukulwila vavo, mu cana ca Zoane mu lifuti lya Ingito.

Myaso 78:43

Njambi walingile vilinga vyendi vya nzili, na vizivukiso mu cana ca Zoane, mu lifuti lya Ingito.

Isaya 11:11

Omo litangwa lije likaija, Shukulu Kalunga akapangesa nzili yendi nakwilwisa vanu vendi vaje vasalele ku Asilya na ku Ingito, na ku Patelose, na ku Sundane, na ku Elame, na ku Mbambilone, na ku Hamate, na ku man̄anda ku mema a kalunga.

Isaya 19:11

Vantwama va mu nganda ya Zoane vanapu vilema! Vanalume vakamana va mu Ingito vakanangula vya vukolokomba! Vatijo valeka mwene wa Ingito ngwavo, vakevo vapwa vanu va mana manene, co naanga yavo yapwa naanga ya vimyene va ku san̄ulu?

Isaya 19:13

Vantwama va Zoane na Mefise vanapu vikolokomba. Vanapandele kutwamenena lifuti mwamuvwa, oloni vanalisevwisa.

Isaya 30:4

Nameme vaka-kuvemanena vavo va lifuti vaneja laja mu vinganda vya Ingito vya Zoane na Hanese,

Njelemiya 44:1

Shukulu Kalunga wendekele kuli yange ali vanu va Isalele voshe vaje vakele mu Ingito, mu vinganda vya Mingendole, na Tafanehese, na Mefise, na ku mutambela wa ku mbwela ya lifuti.

Njelemiya 44:15

Co vanalume voshe vaje vazivukile ngwavo vanakazi vavo vakombelelele vin̄ombelo ku vinjambi veka, na vanakazi voshe vaje vemanene kuje, amo na vaIsalele vaje vakele mu mbwela ya lifuti lya Ingito, voshe vapwile mbunga yakama, omo vazivile vije vinjendekele, co vakumbulwile ngwavo,

Njelemiya 46:25

Shukulu Kalunga Muka-nzili yoshe, Njambi ya Isalele, nendeka ngwendi, “Njikanyanyamesa Amoni, njambi ya Tevese, amolika na vanu va mu Ingito na vinjambi vavo na vimyene vavo. Njikatwala mwene wa Ingito na voshe vaje vamukulaela,

Ezekiyele 29:14

co vakakala mu mbwela ya Ingito, lifuti lya cisemwa cavo. Vakapwa muyati wakuzeya.

Ezekiyele 29:19

Ngecivene, evi vikevyo vinjinendeka yange Kalunga wa Akamwa ya Vyoshe ngwange, ‘Njilinakwana lifuti lya Ingito kuli Mwene Nevukaneza. Ikeye akapupa nakupukula vufuko vwoshe vwa ku Ingito kuvupwisa fweto ya mashwalale vendi.

Ezekiyele 30:15

Co njikatava nganda ya Pelusiyame, cimpaka cakama ca Ingito, kuziva vukalu vwange vwakama. Njikanyongesa vufuko vwa Tevese.

Ezekiyele 30:16

Njikashwameka tuhya ku Ingito, co Pelusiyame ikakala mu tuyando. Vivumbe vya Tevese vakavisiwila asi, co nganda ikajalela.

Ezekiyele 30:19

Omo njikanyanyamesa Ingito mu ngila eyi vene, co vakazivuka ngeci yange njapwa Kalunga.”

Ezekiyele 30:8

Omo njikenyeka Ingito, co vaje vaka-kuyivingilikiya vakatsa, asinoni vakazivuka ngeci yange njapwa Kalunga.

Nahumi 3:8

Nenevayi, kuma yove unatuvakana Tevese nganda yakama ya Ingito? Na ikeye lalo wakele na ndonga mukuyinyunga ngwe civumbe, Ndonga ya Nailo yapwile cimpaka cendi.

Kulava 13:22

Akulivanga vaile ku lifuti lya mu mbwela, co vetele ku Hevelone, kuje kwakele cikota ca Ahimane, na Sheshai, na Talemai, vatekulwila va makisi-kisi vaje vavatumbwile ngwavo va Anakime. Co limbo lya Hevelone likelyo lyapwile lyakulivanga kulitunga, omo kwetile myaka itanu na ivali asinoni vatungile Zoane mu Ingito.