Ezekiyele 30:13 - Livulu lya Shukulu Kalunga

¹³ Shukulu Kalunga wa Akamwa ya Vyoshe alinakwendeka ngwendi, “Njikanyongesa tumponya na vinjambi va makuli mu Mefise, naumo wai akashwana Ingito, njikajujwisa vanu voshe.

Ezekiyele 30:13 Iomraidhean Croise

Kutuuka 12:12

“A vutsiki vuje njikaita mu lifuti lya Ingito, njikatsiya vana va vanalume voshe va va ntwatwa va vanu, na ava va tusitu vakulivanga kusemuka. Co njikahisa vinjambi voshe va mu Ingito, yange njapwa Kalunga.

Isaya 2:18

co vinjambi va tumponya vakahwa, co a litangwa lije, vakashangazala lika Shukulu Kalunga.

Njelemiya 10:11

(Yeni vanu munapande kuvaleka ngweni vinjambi vaje kuvatangele kaye na lilu vakanyonga. Nakumo kwai kuvakakala ano asi.)

Njelemiya 2:16

Eyo, vanu va mu Mefise na Tahapanehese vanatavozola cikola cendi.

Njelemiya 43:12

Akenyeka vinjuvo vya vinjambi va Ingito, akenyeka vinjambi vavo, nambe kuvatwala ku vunzinda. Ngwe kanyungi atwena viina a vuzalo vwendi, ngecivene, mwene wa Mbambilone akajelesa lifuti lya Ingito, co akatundamo mu kwoloka.

Njelemiya 43:13

Ikeye akanyongesa tumponya twa ku Helyopolise mu Ingito nakwenyeka lalo vinjuvo vya vinjambi va Ingito.”

Njelemiya 44:1

Shukulu Kalunga wendekele kuli yange ali vanu va Isalele voshe vaje vakele mu Ingito, mu vinganda vya Mingendole, na Tafanehese, na Mefise, na ku mutambela wa ku mbwela ya lifuti.

Njelemiya 46:14

“Ambululeni mu vinganda vya Ingito, na mu Mingendole, na mu Mefise, na mu Tafanehese ngweni, ‘Livwaeseleni cimweja mukulyamena yeni vavenya, vyoshe vije vimuli navyo vikanyongela mu nzita!

Njelemiya 46:19

Yeni vanu vaka-Ingito, livwaeseleni cimweja kupwa vinzinda! Mefise ikapwa mambo, ngundu muje munajeneka munu wakukalamo.

Njelemiya 46:25

Shukulu Kalunga Muka-nzili yoshe, Njambi ya Isalele, nendeka ngwendi, “Njikanyanyamesa Amoni, njambi ya Tevese, amolika na vanu va mu Ingito na vinjambi vavo na vimyene vavo. Njikatwala mwene wa Ingito na voshe vaje vamukulaela,

Njelemiya 46:5

Shukulu Kalunga alinakwihula ngwendi, “Vika vije vinjamono? Mashwalale vavo vanavafungulula, lyova linavakwata, co valinakutewa lumbisi manene, kuvasa kukenga kunima lalo.

Ezekiyele 30:16

Njikashwameka tuhya ku Ingito, co Pelusiyame ikakala mu tuyando. Vivumbe vya Tevese vakavisiwila asi, co nganda ikajalela.

Hoziya 9:6

Omo tuyando twakama tukaija, co vanu voshe vakalishandoka, co vaka-Ingito vakavakungulula, vakavakungulula nakuvatsinda ku Mefise! Vufuko vwavo vwa ngolinde na mitambela aje vatungilile membo avo vikakupuka mu shaku na mu mambimbo.

Zefaniya 2:11

Shukulu Kalunga akavajujwisa. Akatengulula vinjambi va ano asi nakuvapwisa vangoco, asinoni muyati na muyati wa vanu mu lifuti lyawo vakalemesa Shukulu Kalunga.

Zakaliya 10:11

Omo vakaita mu mema a kalunga a tuyando, yange Kalunga njikolwesa mankimba, co Ndonga ya Nailo ikauma cau. VaAsilya vaka-kulyalesa vakalikeesa, co nzili ya Ingito ikahwa.

Zakaliya 13:2

A litangwa lije njikatundisa mazina a tumponya mu lifuti, co naumo wai lalo akavanuka. Njikatundisa woshe uje akalitumbula muka-kwimanena, co njikatundisa cizango cakulemesa tumponya.