Ezekiyele 30:10 - Livulu lya Shukulu Kalunga

¹⁰ Shukulu Kalunga wa Akamwa ya Vyoshe alinakwendeka ngwendi, “Njikapangesa Mwene Nevukaneza wa Mbambilone kumanesa vufuko vwa Ingito.

Ezekiyele 30:10 Iomraidhean Croise

Njelemiya 43:11

Nevukaneza akaija nakufungulula Ingito. Co vanu vaje vanavindama kutsa ku mushongo, vakatsa ku mushongo vene, co vaje vanavindama kuvatwala ku vunzinda, vakavatwala vene ku vunzinda, co vaje vanavindama kuvatsiila mu nzita, vakavatsiila vene mu nzita.

Ezekiyele 28:7

njikanena vitozi va muuka vakukulwise. Vakevo vakanyongesa vufuko vwove vwoshe vuje vuwanganyalele a vutongwe vwove na mana ove.

Ezekiyele 29:19

Ngecivene, evi vikevyo vinjinendeka yange Kalunga wa Akamwa ya Vyoshe ngwange, ‘Njilinakwana lifuti lya Ingito kuli Mwene Nevukaneza. Ikeye akapupa nakupukula vufuko vwoshe vwa ku Ingito kuvupwisa fweto ya mashwalale vendi.

Ezekiyele 31:11

ngecivene, ou muti njinauvyana, njikatava ntwama wa muka-kwija kuupwisa wendi. Co akaulinga cije cinaupande omwo vuvi vwawo.

Ezekiyele 31:2

“Muna munu, endeka kuli mwene wa Ingito na kuli vanu vendi ngwove, ‘Iyajo alyeseka nove! Njasa kukweseka na vikajo?