Ezekiyele 3:7 - Livulu lya Shukulu Kalunga

⁷ Oloni vanu va Isalele kuvakakutolilila, nameme yange kuvakanjitolilila. Voshe vapwa vanu vakukaluwa vimbunge na kaleulwizi.

Ezekiyele 3:7 Iomraidhean Croise

Isaya 3:9

Vilinga vyavo vyavivi vikavelukila vakevo vavenya nakuvalwisa. Vakalingi vuvi citona-mesho ngwe muvalingile vaka-Sondoma. Vananyongo, co vanalikokela vukalu vakevo vavenya.

Isaya 48:4

Njazivukile ngwange yeni mwapwa vanu vavakalu, vanu va vimbunge vyakukola ngwe vutale.

Njelemiya 3:3

Evi vikevyo viyalikelele nyonzi kunyoka, na nyonzi ya vusuku-mbundu kuyanyokele. Unapu ngwe cikwizi, kuwesi na shwamwa.

Njelemiya 44:16

“Yetu twavyana kutolilila ku vije viwutuleka mu lizina lya Shukulu Kalunga.

Njelemiya 5:3

Mwa vushunga Shukulu Kalunga akakenge a kulongwa. Waminyanyamesele, oloni kumwamutolililile, wamisindakanene, oloni kumwalilongesele. Mwakaluwisile vimbunge vyeni, co kumwatengulukile ku vuvi vweni.

Njelemiya 6:10

Njakumbulwile ngwange, “Iyajo akanjitolilila nga njendeka kuli vakevo nakuvanangula? Vakevo vapwa vakukaluwa vimbunge nakuvyana kutolilila ku lijwi lyove, vakajolo vije viwukendeka kuli yange.

Njelemiya 6:17

Asinoni Shukulu Kalunga wemikile vaka-kwimanena kunangula vanu vya vushonde, oloni vendekele ngwavo, “Kutukatolililako.”

Njelemiya 7:27

“Ngecivene, Njelemiya, ukendeka majwi awa oshe kuli vanu vange, oloni kuvakakutolilila, ukavasana, oloni kuvakakukumbulula.

Ezekiyele 2:4

Vanakaluwisa vimbunge vyavo, co kuvesi nakunjisingimika, ngecivene, njilinakukutuma ukavaleke vije yange Kalunga wa Akamwa ya Vyoshe njendeka kuli vakevo.

Ezekiyele 24:7

Kwakele kutsiya vanu mu nganda, oloni maninga vawetilile a limanya, kuvawetilile asi ngeci vofweleo livu.

Ezekiyele 3:6

Nga njikutuma ku vanu veka vaje vendeka muyati waukalu uje kuuzivi, co vakakutolilila.

Ezekiyele 3:8

Ololo oni njikakaluwisa mbunge yove, nakukukolesa ngwe vakevo.

Zakaliya 7:11

“Oloni vanu vange vakaluwisile vimbunge vyavo manene, co vavyanene kunjitolilila. Vashokele mana avo,

Zakaliya 7:12

nakukaluwisa manene vimbunge vyavo ngwe limanya. Omwo kuvatolililile ku vilongesa vije njavatuminine kwitilila muli vaka-kwimanena vaje vakeleko ku san̄ulu, co njaluvalele manene.

Luka 10:16

Yesu wendekele kuli vandongisi vendi ngwendi, “Woshe uje amitolilila, atolilila yange, woshe uje amivyana avyana yange, co woshe uje anjivyana, avyana uje wanjitumine.”

Luka 13:34

“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vaatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange ngwe kasumbi akavutikiya vana vendi mu mambava, oloni yove kuwanjitavele!

Luka 19:14

Oloni vanu va mu lifuti lyendi vamuzindile manene, co vatumine miluwa munima yendi ngwavo, ‘Ou munalume kutumushaka apwe mwene yetu embwe.’

1 Samwele 8:7

co Shukulu Kalunga wendekele ngwendi, “Tolilila ku vyuma vyoshe vije vivendeka vanu kuli yove. Kesi yove ivanavyana embwe, oloni vanavyana yange kupwa mwene yavo.