Ezekiyele 3:3 - Livulu lya Shukulu Kalunga

³ Wendekele ngwendi, “Muna munu, lya livulu eli linjinakwana, kutisa lifu lyove na livulu eli.” Co njalile, lyatovalele ngwe vuki.

Ezekiyele 3:3 Iomraidhean Croise

Yombi 23:12

Simbu yoshe njikalingi vije Njambi avishika, co njikalingi cizango cendi, kesi cizango cange embwe.

Myaso 119:103

Majwi ove apwelelela mu kanwa kange, apwelelela manene kutuvakana ngenga ya vuki!

Myaso 119:11

Mashiko ove njinaanyungu mu mbunge yange, ngeci kesi njivulumune kuli yove.

Myaso 119:97

Yange njazema manene mashiko ove! Co njikawayongola litangwa lyoshe.

Myaso 19:10

Apwa amavwa manene, anatuvakana ngolinde yaivwa manene, nakutuvakana lalo vuki vwa mwenga.

Myaso 19:11

Akewo anjinangula yange ngamba yove, njinatambula cikandelela akuwononoka.

Njelemiya 15:16

Omwo wendekele kuli yange, njatolililile majwi oshe nakuwononoka, omwo njapwa nji wove, yove Shukulu Kalunga Njambi Muka-nzili yoshe.

Njelemiya 20:9

Oloni nga njendeka ngwange, “Kunjikatumbula Shukulu Kalunga nambe kwendeka mu lizina lyendi.” Co mu mbunge mulinga ngwe munashwama tuhya tuje tuli mu vitsiya vyange, co njeseka kulikela, njikeseka kusimpa manene mu mbunge oloni kunjasa.

Njelemiya 6:11

Shukulu Kalunga vukalu vwove ali vakevo nange lalo vulinakunjenyeka mu mbunge kunjasa kututumana.” Asinoni Shukulu Kalunga wendekele kuli yange ngwendi, “Itila vukalu vwange ali vanike vali mu vitapalo na ali vakwenje vaje vanalikungulula, na ali vanalume vakwambata, na ali vanakazi vakushomboka, naa tukulukazi voshe.

Ezekiyele 2:10

Co livoko lije njamwene lyazengunwine lije livulu lyakuzenga, co njamwene visoneka ku mitambela yoshe ya livulu mukati na anja, vasonekeleo majwi akulila nakulinyenga, nakukemanga na vusiwa.

Ezekiyele 2:8

“Muna munu, tolilila vinjikuleka. Kesi upwe muka-kutengulukila ngwe vakevo embwe. Ishama kanwa kove ulye evi vinjikwana.”

Ezekiyele 3:4

Asinoni Njambi wendekele ngwendi, “Muna munu, ya kuli vanu va Isalele, ukendeke kuli vakevo evi vyoshe vinjikuleka.

Yowano 7:38

Ngwe muje muvyendeka visoneka ngwavyo, ‘Woshe akulaela kuli yange, mu mbunge yendi mukatuuka vindonga vya mema a mwonyo.’ ”

Kolose 3:16

Lijwi lya Kilistu likale muli yeni manene. Longeseni nakulinangula umo na mukwavo na mana oshe. Imbeni myaso ya ku san̄ulu na myaso na myaso ya munzinzime, imbeni kuli Njambi nakukandelela mu vimbunge vyeni.