Ezekiyele 3:26 - Livulu lya Shukulu Kalunga

²⁶ Njikakakatesa ndaka yove ku ndakwilo, ngeci kuukasa kunangula vanu ava vaka-kutengulukila.

Ezekiyele 3:26 Iomraidhean Croise

Myaso 137:6

Nga kunjikwanuka yove Yelusalema, nga kunjanuka yove kupwa kujolela kwange kwakama, kanwa kange kongomoke ngeci kesi njiimbe mwaso lalo!

Myaso 51:15

Njikwase kwendeka yove Shukulu Kalunga, co njikakushangazala.

Isaya 1:2

Shukulu Kalunga wendekele ngwendi, “Lilu na asi, tolilileni ku vije njendeka! Vana vaje njalelele vananjitengulukila.

Njelemiya 1:17

Ngecivene, Njelemiya, katuka uye, ya ukavaleke vyuma vyoshe vije vinjikushika. Kesi uvazivile lyova embwe, nga uziva lyova ni, co njikakuzivisa manene lyova ku mesho avo.

Mbimbi 2:9

Vikolo vinanyongo mu livu, mikambo yavyo yoshe inatsenozoka. Mwene na vanu va vulemu ololo vali mu vunzinda. Ololo naumo wai lalo alongesa mashiko, co vaka-kwimanena kuvesi na vimona lalo vyakutunda kuli Shukulu Kalunga.

Ezekiyele 12:2

“Muna munu, yove uli akati ka vanu vaka-kutengulukila. Vali na mesho, oloni nacimo cai vamona, vali na matwi, oloni nacimo cai vaziva, omwo vapwa vanu vaka-kutengulukila.

Ezekiyele 12:3

“Ololo, muna munu, longekeya citele ngwe mwakalingi munu muka-kuliita, co ya omo kanda vutsiki vucete. Tava ngeci vanu voshe vakumone omo uya ku mutambela weka. Amo vaje vaka-tengulukila vakakumona.

Ezekiyele 24:27

A litangwa lije vene, kanwa kove kakashokoloka, co ukasimutwiya nendi. Mu ngila eyi vene, ukapwa cimweso kuli vanu, co vakevo vakazivuka ngeci yange njapwa Kalunga.”

Ezekiyele 33:22

Ku cingwezi omo te kanda aije, njazivile nzili ya Shukulu Kalunga. Omo uje munalume wetele alikaki mutondo, co Shukulu Kalunga wanjanene nzili yakwendeka.

Ndanyele 10:15

Omo wakele nakwendeka majwi awa kuli yange, co njakengele asi kunjasele kwendeka.

Hoziya 4:17

Vanu va mu Isalele vanaangula kulemesa tumponya. Veceleni vaye mu ngila yavo.

Hoziya 4:4

Shukulu Kalunga alinakwendeka ngwendi, “Kesi mutave umo avangele vanu nambe kuvendekela, omwo kulinyenga kwange kuli ali yeni vaka-kukombelela.

Amose 5:10

Yeni vanu mwazinda munu woshe uje alwisa makuli nakwendeka vushunga mu mbanja.