Ezekiyele 3:20 - Livulu lya Shukulu Kalunga

²⁰ “Nga muka-vushunga alinga vuvi, nga njimwakela citanukiso ngeci awe, ikeye atsa nga kuumunangula, atsa omwo vuvi vwendi, co kunjikanuka lalo vilinga vyendi vyavivwa vije vyalingile, oloni mulonga wa kutsa kwendi ukakala ali yove.

Ezekiyele 3:20 Iomraidhean Croise

2 Mizimbu 24:2

Yowashe walingile vije vyavwaelelesele Shukulu Kalunga, a matangwa oshe akuyoya kwa Yehoyanda muka-kukombelela.

2 Mizimbu 25:15

Eci caluvalesele Shukulu Kalunga, ngecivene, watumine muka-kwimanena kuli Amaziya. Co uje muka-kwimanena wamwihwile ngwendi, “Omwo vika ulemesela vinjambi veka vaje kuvasa nameme kwamena myonyo ya vanu vavo ku mavoko eni?”

Myaso 119:165

Vaje voshe vazema mashiko ove vali mu kwoloka, co kukwesi cuma cimo casa kuvatanukisa.

Myaso 125:5

Oloni omo uhisa vaka-vuvi, hisa lalo na vaje vayoya yoyesi ya kupenga-penga. Kwoloka kukale na Isalele!

Myaso 36:3

Majwi avendeka anashulu na muuka na makuli, vanaseza vilinga vya mana na vilinga vyavivwa.

Visimo 25:12

Kunangula kwakuvwa kuli na seo manene kutuvakana kanzeya ka ngolinde, nambe vyakuzala vya senga vyakulinga na ngolinde yaivwa.

Isaya 64:6

Yetu voshe tunapu vaka-vuvi, nameme vilinga vyetu vyavivwa vinapu vyakujwala simbu yoshe. Omwo vuvi vwetu, yetu tunapu ngwe maputa akujujwama, co apekumuka na lihunzi.

Isaya 8:14

Omwo Akujela kwange kwakukomokesa, njapwa ngwe limanya lyakutanukisa vanu, njapwa ngwe mweto wakukwikiya vanu va vumwene vwa Yunda na Isalele, na vanu va Yelusalema.

Njelemiya 34:16

Oloni mwatengulwile lalo viyongola vyeni, co kumwanjisingimikile. Yeni voshe mwelwisile lalo vinzinda vaje mwecelele ngwe kukushaka kwavo, co mwavasindiiye lalo mu vunzinda.

Njelemiya 6:21

Ngecivene, njikatanukisa vanu ava ngeci vawe. Vaishavo na vana vavo vakatsa, vasamba na vandambo vakatsa lalo.”

Ezekiyele 14:3

“Muna munu, ava vanu vanaaka vimbunge vyavo ku tumponya, co vanecelela tumponya kuvatwamenena mu vuvi. Kuma vanayongola ngwavo yange njikavakumbulula ndi?

Ezekiyele 18:24

“Oloni nga muka-vushunga alikela kulinga mwamuvwa, co ashangumuka kulinga vuvi, na vyuma vyoshe vya vunyengwe vije vivakalingi vaka-vuvi, munu ou napande kutwalao kuyoya ngacije ndi? Embwe! Nacimo cai cacivwa calingile civakanuka. Akatsa omwo akujeneka kulongwa kwendi na a vuvi vwendi.

Ezekiyele 18:26

Omo muka-vushunga alikela kulinga vuvwa, co ashangumuka kulinga vuvi, co atsa, atsa omwo vuvi vuje vwanalingi.

Ezekiyele 3:18

Nga njikuleka ngwange muka-vuvi atsa, oloni yove kuumunangula ngeci atunde ku vingila vyendi nakwamena mwonyo wendi, ikeye akatsa, anga acili muka-vuvi, oloni mulonga wa kutsa kwendi ukakala ali yove.

Ezekiyele 33:18

Omo muka-vushunga alikela kulinga vyavivwa, co ashangumuka kulinga vuvi, akatsilamo vene.

Ezekiyele 33:6

Ngecivene, nga muka-kunyunga amona citozi alinakwija, co kaimbi lupembo, co citozi aija nakutsiya vaje vaka-vuvi, oloni njikana uje muka-kunyunga mulonga a kutsa kwavo.

Ezekiyele 7:19

Vakombila ngolinde yavo na siliva mu vitapalo ngwe vishwashwa vyangoco, omwo siliva nambe ngolinde kuvyasa kuvaamena ku vukalu vwa Shukulu Kalunga. Kuvakavipangesa mukujawisa mashungu avo, nambe kushulisa mafu avo. Ngolinde na siliva vyavatwamenenene ku vuvi.

Ndanyele 9:18

Yove Njambi tolilila kuli yetu, kenga ali yetu, mona tuyando twetu na tuyando twa nganda yove. Tulinakulombela kuli yove omwo wakala na mema ku mbunge, kesi ngwe omo tunalingi vushunga embwe.

VaLevi 19:17

“Kesi ukazinde ndolome yove mu mbunge yove. Linanguleni na mukweni ngeci kesi mulinge vuvi omwo ikeye.

Zefaniya 1:6

Njikanyongesa lalo vaje vanalikela kunjipangela, vaje kuvesi kwija kuli yange nambe kunjilomba ngeci njivatwamenene.”

Mateo 18:15

“Nga mukweni navulumuna mulonga kuli yove, ya ukamuleke mulonga wendi. Oloni cilinge mu vushweke, muvuvali vweni. Nga akutolilila, unovola mukweni.

Luka 2:34

Co Simyoni wavavezikisile wendekele kuli Maliya ngwendi, “Mwanike ou vamwangwile kuli Njambi mukunyongesa nakwamena vavangi mu Isalele. Akapwa cizivukiso cakutunda kuli Njambi cije vanu vavangi vakendeka nakucilwisa,

Luka 8:15

Co vimbuto vije vyawililile ku livu lya vwilo vinemanena vaje vaziva lijwi nakulinyunga na mbunge yaivwa yakwononoka, co vakakateya noo vaima vushuka.

Loma 11:9

Co Ndaviti alinakwendeka ngwendi, “Viwano vyavo vipwe myeto, co vatsemo, vanapande kuwa, vanapande kuvanyanyamesa!

1 Kolinte 1:23

Oloni yetu, tulinakwambulula Kilistu wakushukika a cilindakano, muzimbu uje unapu citanukiso kuli vaYunda na vulema kuli vaje kesi vaYunda,

Kwituluka mu Mashiko 13:3

kesi mukatolilile ku majwi endi. Omwo Shukulu Kalunga Njambi yeni alinakumupangesa nakumyeseka, kumona nga muzema Shukulu Kalunga Njambi yeni na vimbunge vyeni vyoshe, na mwonyo weni woshe.

VaHevelu 10:38

Oloni vanu vange vaka-vushunga vakakulaela, co vakayoya, oloni nga umo wavo eluka munima, co kunjikavwaelela nendi.”

VaHevelu 13:17

Ononokeni vantwama veni nakukava mashiko avo. Vakevo valinakuminyungilako myonyo yeni kujeneka kuhwima, omwo vanapande kulyambulwila vipangi vyavo kuli Njambi. Nga yeni muvononoka, co vakalinga vipangi vyavo nakujolela, nga kesi ngoco, co vakavilinga nakuviilila, co nacimo cai cikamikwasa.

1 Petulu 2:8

Co visoneka vikwavo vyendeka ngwavyo, “Eli linapu limanya lyakutanukisa vanu, likelyo limanya lije likavawisa.” Vatanukile omwo kuvakulaelele ku lijwi, eci capwile cizango ca Njambi kuli vakevo.

1 Yowano 2:19

Mwa vushunga vene, vanu ava kuvakundamene ku mbunga yetu, omu mukemwo muvatundilile kuli yetu, nga vakevo vakundamene ku mbunga yetu, nga vali netu amo. Oloni vatusezele ngeci cipwe cakutungukwa ngeci naumo wai wavo wakundamene ku mbunga yetu.