Ezekiyele 29:7 - Livulu lya Shukulu Kalunga

⁷ Omo vajendamenene ali yove, co yove wapokokele, wapokwele vitsili vyavo, co myongo yavo yapokokele.

Ezekiyele 29:7 Iomraidhean Croise

2 Vimyene 18:21

Yove ulinakuyongola ngeci Ingito ikukwasa, oloni eci cinapu ngwe munu apangesa lihongo kupwa mulamu, omo lipokoka, co likulengula mu livoko. Mukemwo mwanafu mwene wa Ingito omo munu ajendamena ali ikeye.”

Visimo 25:19

Musamba uje kuwasa kukulaela a simbu ya vukaleo, napu ngwe liyo lya lisinga nambe ngwe lindi lije lili na mbandu.

Isaya 20:5

Vaje vakulaelele Sundane nakulishashela Ingito vakapwa vaka-kupaya, cinyangavili cavo cikahwa.

Isaya 30:3

Oloni mwene wa Ingito kakakala na nzili yakuvakwasa, co kunyunga kwa Ingito kukahwila mu vukalu.

Isaya 36:6

Yove ulinakuyongola ngeci Ingito ikukwasa, oloni eci cinapu ngwe munu apangesa lihongo kupwa mulamu, omo lipokoka, co likulengula mu livoko. Mukemwo mwanafu mwene wa Ingito omo munu ajendamena ali ikeye.”

Mbimbi 4:17

Twakengelelele vukwasi kwija kuli yetu noo twajukile kukengelela. Twakengelelele ngeci tumone vukwasi vutunda ku muyati umo wa vanu, oloni muyati wa vanu naumo wai watwanene vukwasi.

Ezekiyele 29:16

VaIsalele kuvakakulaela lalo vaka-Ingito mukuvakwasa. Vanu va Isalele vakanuka ngeci kuma capwile cacivi omo vashakezekele vukwasi kuli vaka-Ingito. Asinoni vaIsalele vakazivuka ngeci yange njapwa Kalunga wa Akamwa ya Vyoshe.”

Nahumi 3:10

Oloni vanu va ku Tevese vavatwalele mu vunzinda. Vana vavo vavapupile nakuvatsiila a masambwa-ngila. Vanalume vavo va kasingimiko vavakutile malyenge nakuvatwala nakulipangezelavo akati ka vaje vavakwatele.

Nahumi 3:9

Washwanene lifuti lya Sundane na Ingito, kukwesi na aje ahwililile nzili yendi, Limbiya wapwile muka-kumukwasa.