Ezekiyele 29:4 - Livulu lya Shukulu Kalunga

⁴ Njikaka kalovo mu vimbange vyove, co visi va mu ndonga vakakakateya kuli yove. Asinoni njikakukokela a nunda ya Ndonga ya Nailo, amo na visi voshe vaje vanakakateya ali yove.

Ezekiyele 29:4 Iomraidhean Croise

2 Vimyene 19:28

Njatambula laja muzimbu wakuluvala kwove, na kulyalesa kwove, co njikakumwesa ngeci yange njapwa iya, omwo njikakutwala kwoshe kuje njishaka.”

Isaya 37:29

Njatambula laja muzimbu wakuluvala kwove, na kulyalesa kwove, co njikakumwesa ngeci yange njapwa iya, omwo njikakutwala kwoshe kuje kunjinashaka.

Njelemiya 25:33

A litangwa lije, mivila ya vaje vaatsiile Shukulu Kalunga ikakala nakushandozoka kutunda ku shongo imo ya kaye nakweta ku shongo ikwavo. Naumo wai akavalila, nambe kuvatsinda. Vakalala asi ngwe mitumbo ya vwilo.

Ezekiyele 38:4

Yange njikamutengulula, nakumwaka tulovo mu vimbange vyendi, nakumukokangeya nakumutwala kulyala amo na vanu vendi voshe. Mashwalale vendi, amo na tuvalu twavo, na vaka-kulondao vaje vaka-kuzala vuzalo vwakulifwa, vanapu vavangi, co lishwalale woshe nambata ntelo nakulilemeka mukwale.

Amose 4:2

Shukulu Kalunga wa Akamwa ya Vyoshe nalisingi a lizina lyendi lyakujela ngwendi, “Litangwa likaija omo vakamikokangeya na tulovo, munu na munu akapwa ngwe isi ali ku kalovo.