Ezekiyele 28:26 - Livulu lya Shukulu Kalunga

²⁶ Vakakala mu kwoloka. Vakatunga vinjuvo, co vakalima mahya a mikolovozi ya vushuka vwa vinyu. Njikahisa vandambo vavo voshe vaje vavashendumwine, co Isalele vakakala mu kwoloka. Asinoni vakazivuka ngwavo yange njapwa nji Kalunga Njambi yavo.”

Ezekiyele 28:26 Iomraidhean Croise

1 Vimyene 4:25

Co simbu yoshe yakuyoya kwa Solomoni, mu Yunda na mu Isalele mwoshe vanu vayoyele mwamuvwa, co naanga na naanga yakele mwisi ya miti yavo ya vinyu na mwisi ya miti yavo ya mikuyu.

Myaso 149:9

kuhisa miyati ya vanu ngwe kukushika kwa Njambi. Oku kukekwo kuhyana kwa vanu va Njambi! Shangazaleni Shukulu Kalunga!

Kutuuka 29:46

Co vakazivuka ngeci yange njapwa Kalunga Njambi yavo, uje wavatundisile mu Ingito, ngeci njikale akati kavo. Yange njapwa Kalunga Njambi yavo.

Visimo 14:26

Kukomoka Shukulu Kalunga mwakala kukulaela, nakukolesa kuli munu na naanga yendi.

Isaya 17:14

A simbu ya cingwezi kulwa kwavo kuzivisa lyova, oloni ku mutondo voshe vavanyongesa. Eci cikeco cikalingiwa kuli vanu vaje vakatambula lifuti lyetu nakupukula vufuko vwetu.

Isaya 33:1

Vitozi vetu vanavindama! Vanevi nakwenda vungungu, nameme kukwesi umo navevila nambe kuvenda vungungu. Oloni simbu yavo yakwiva nakwenda vungungu ikahwa, co navo lao vakavevila nakuvenda vungungu.

Njelemiya 12:14

Shukulu Kalunga alinakwendeka ngwendi, “Njili na vimo vyakwendeka ku miyati ya vanu veka vaje vanaviisa lifuti lije linjanene kuli vanu vange va Isalele. Njikatundisa vaka-vuvi mu mafuti avo vavenya, ngeci lalo munjikatundisa Yunda mu lifuti lyendi.

Njelemiya 29:28

Napande kulikela omwo walekele vanu mu Mbambilone ngwendi vakapwa vinzinda muje simbu yakama, co vanapande kutunga vinjuvo, nakutumbama, nakukuna vyakulya mu mahya nakuvilya.”

Njelemiya 30:16

Voshe vaje vaminyongesa na vakevo vakavanyongesa, co vitozi veni voshe vakavatwala ku vunzinda. Voshe vaje vamiyandesa, na vakevo vakavayandesa, voshe vaje vapukula vyeni, na vakevo vakavapukula vyavo.

Njelemiya 32:15

Shukulu Kalunga Muka-nzili yoshe, Njambi ya Isalele, nendeka ngwendi vinjuvo, na mahya, na mikolovozi ya vushuka vwa vinyu, vakavilanda lalo mu lifuti lino.”

Njelemiya 32:37

Njikakungulwila vanu amolika kutunda ku mafuti oshe kuje njavashandwelele omwo njaluvalele navo manene, co yange njikavelwisa ku mutambela uno, nakuvecela ngeci vakale muno mu kwoloka.

Njelemiya 32:43

Vanu valinakwendeka ngwavo, lifuti eli likapwa ngwe mambo muje kumwesi vanu nambe tusitu, ngeci vakalyane kuli vaMbambilone. Oloni mahya vakaalanda lalo mu lifuti lino.

Njelemiya 33:16

Vanu va mu Yunda na vanu va mu Yelusalema vakapatuka nakuyoya mwamuvwa. Co nganda ya Yelusalema vakaitumbula ‘Shukulu Kalunga Ikeye Kwamena Kwetu.’

Mbimbi 1:8

Yelusalema navulumuna manene, co napu wa mazilo, voshe vaje vamusingimikile valinakumushendumuna. Vanamumono ali mushelengwa, akemanga nakuvandesa cihanga cendi omwo shwamwa.

Ezekiyele 28:22

Leka vanu valimo evi yange Kalunga wa Akamwa ya Vyoshe njendeka kuli vakevo ngwove, ‘Yove Sindone yange nji citozi cove, vanu vakanjishangazala omwo vije njilinga kuli yove. Omwo njikakumwesa kujela kwange akunyanyamesa vanu vaje vayoyela muli yove, co vakazivuka ngeci yange njapwa Kalunga.

Ezekiyele 28:24

Shukulu Kalunga wendekele kuli yange ngwendi, “Muyati wa Isalele kuvakavayandesa lalo, akuvatuva mambimbo na mishwena ku vanu vaje vanavazengeleka. Asinoni vakazivuka ngeci yange njapwa Kalunga wa Akamwa ya Vyoshe.”

Ezekiyele 34:14

Njikavalisila ku mwila wauvwa mu kwoloka mukati ka minkinda na mu vyana na mu mitambela ya mwila wauvwa ya mu lifuti lya Isalele.

Ezekiyele 34:31

“Yeni vimanga vange, munapu vimanga va ku vulilo vwange, munapu mu vanu vange, co yange njinapu Njambi yeni.” Mwanendeka Shukulu Kalunga wa Akamwa ya Vyoshe.

Ezekiyele 36:9

Yange njili neni amo, co mwa vushunga mukalima lalo lifuti lyeni nakukunamo vimbuto.

Ezekiyele 38:11

Ukayongola kukovelela lifuti lije lyakuzeya muje vanu vamwo vakala mu kwoloka, mu vinganda kuvyesi na vivumbe vyakuvavingilikiya.

Ezekiyele 38:8

Omo myaka yaingi ineti njikamushika kukovela mu lifuti muje muvelwisilile vanu kutunda ku miyati yaingi, kuje vakele nakuyoyelako kujeneka lyova lya nzita. Co akakovelela minkinda ya Isalele, ije yapwile vingundu ivasezele simbu yakama, oloni kuje ololo vanu voshe valinakukala mwamuvwa.

Ezekiyele 39:10

Kuvakacava lalo vitale mu mahya, nambe kushinja miti mu shwata, omwo vakevo vakakala na vitwa vyakuseza mwangoco vyavingi vyakwota. Co vakapukula nakwivila vaje vavapukwilile nakuvevila. Munjinendeka yange Kalunga wa Akamwa ya Vyoshe.”

Hoziya 11:11

Vakaija kutunda ku Ingito ngwe tuzila, vakatunda ku Asilya ngwe mayembe. Co njikavanena ku membo avo lalo. Munjinendeka yange Kalunga.”

Hoziya 2:15

Co njikamwana lalo vitungu vyendi vya mikolovozi ya vushuka vwa vinyu vije vyakele navyo laja, nakutengulula Cana ca Tuyando kupwa cikolo ca cinyangavili. Co akanjitava ngwe muje mwalingile omo wapwile wamundondo, omo watundile ku Ingito.

Hoziya 2:18

Co a simbu ije njikalikumiiya cikumiiyo na tusitu voshe va mu shwata na tuzila, ngeci kesi vakavulumune vanu vange. Njikatundisa lalo vitwa vyoshe vya nzita mu lifuti, mikwale yoshe na mata a lusipa oshe, co njikatava vanu vange ngeci vayoye mu kwoloka na mukujeneka vushonde.

Hambakuke 2:8

Yeni mwapukwile vanu va miyati yaingi, oloni ololo vaje vasaleleo vakevo vakamipukula. Eci cikalingiwa omwo mwatsiile vanu vavangi, co lalo mwalingile muuka ku vanu va lifuti na vinganda vyalyo.

Zakaliya 1:15

co njinaluvala manene na miyati ya vanu vaje valinakuyoya mu kwoloka. Kamandondo lika njaluvalele na vanu vange, oloni miyati ya vanu vaje vayandesele manene vanu vange.

Kwituluka mu Mashiko 12:10

Oloni omo mukajavuka Ndonga ya Yondau, mukakala mu lifuti lije lyanamyana Shukulu Kalunga Njambi yeni nakulishwana, co mukahwima ku vitozi veni voshe vaje vamizengeleka, co mukakala mu kwoloka.