Ezekiyele 28:25 - Livulu lya Shukulu Kalunga

²⁵ Shukulu Kalunga wa Akamwa ya Vyoshe wendekele ngwendi, “Njikelwisa vanu va Isalele kutunda ku miyati kuje kunjavashandwelelele, co miyati yoshe vakazivuka ngeci yange njapwa wakujela. Vanu va Isalele vakakala mu lifuti lyavo, lifuti lije linjanene kuli ngamba yange Yakomba.

Ezekiyele 28:25 Iomraidhean Croise

Myaso 106:47

Shukulu Kalunga Njambi yetu twamene, tutundise akati ka miyati ya vanu, ngeci tukandelele nakushangazala lizina lyove.

Isaya 5:16

Oloni Shukulu Kalunga Muka-nzili yoshe amwesa vukama vwendi akulinga vyuma vya vushunga, asholola kujela kwendi akusompa vanu vendi.

Njelemiya 12:14

Shukulu Kalunga alinakwendeka ngwendi, “Njili na vimo vyakwendeka ku miyati ya vanu veka vaje vanaviisa lifuti lije linjanene kuli vanu vange va Isalele. Njikatundisa vaka-vuvi mu mafuti avo vavenya, ngeci lalo munjikatundisa Yunda mu lifuti lyendi.

Njelemiya 23:8

Oloni vakalisinga a lizina lyange kupwa Njambi wakuyoya uje watundisile vanu va Isalele ku lifuti lya ku kunto na ku mafuti oshe eka lalo kuje kunjavashandwelelele. Asinoni vakakala mu lifuti lyavo.”

Njelemiya 27:11

Oloni nga muyati umo ulikeesa kuli mwene wa Mbambilone nakumupangela, co njikavecelela ngeci vakale mu lifuti lyavo, kulimamo nakukalamo. Yange Kalunga, njinendekamo.”

Njelemiya 30:18

Shukulu Kalunga alinakwendeka ngwendi, “Njikelwisila vanu vange mu lifuti lyavo, co njikazivila mema ku mbunge naanga na naanga, vakatungulula Yelusalema, co lipela lya mwene vakaliilwisila mu mutambela walyo walaja.

Njelemiya 32:37

Njikakungulwila vanu amolika kutunda ku mafuti oshe kuje njavashandwelele omwo njaluvalele navo manene, co yange njikavelwisa ku mutambela uno, nakuvecela ngeci vakale muno mu kwoloka.

Ezekiyele 11:17

“Ngecivene, valeke evi yange Kalunga wa Akamwa ya Vyoshe, njendeka. Njikavakungulula kuvatundisa ku mafuti aje njavashandwelele, co njikavana lifuti lya Isalele.

Ezekiyele 20:41

Omo njinamiilwisa laja kutunda mu mafuti muje njamishandwelelele, nakumikungulwila amolika, asinoni njikatambula vin̄ombelo vyeni vya kwenyeka, co miyati vakamona ngeci njapwa wakujela.

Ezekiyele 28:22

Leka vanu valimo evi yange Kalunga wa Akamwa ya Vyoshe njendeka kuli vakevo ngwove, ‘Yove Sindone yange nji citozi cove, vanu vakanjishangazala omwo vije njilinga kuli yove. Omwo njikakumwesa kujela kwange akunyanyamesa vanu vaje vayoyela muli yove, co vakazivuka ngeci yange njapwa Kalunga.

Ezekiyele 34:13

Njikavatundisa ku mafuti a vungenzi, nakuvakungulwila amolika, co njikavelwisila ku lifuti lyavo vavenya. Njikavatwamenena ku minkinda na ku vana va vindonga vya Isalele, co njikavalisila ku mwila wauvwa.

Ezekiyele 34:14

Njikavalisila ku mwila wauvwa mu kwoloka mukati ka minkinda na mu vyana na mu mitambela ya mwila wauvwa ya mu lifuti lya Isalele.

Ezekiyele 34:27

Miti ikema vushuka, co mu mahya mukamena vimbuto, munu akakala mu kwoloka mu lifuti lyendi vavenya. Omo njikavatula malyenge a vanu vange nakuvapatula kuli vaje vavapwisile vinzinda, asinoni vakazivuka ngeci yange njapwa Kalunga.

Ezekiyele 36:28

Asinoni mukakala mu lifuti lije linjanene vakukulwila veni. Mukapwa vanu vange, nange njikapwa Njambi yeni.

Ezekiyele 37:21

Asinoni valeke ngwove yange Kalunga wa Akamwa ya Vyoshe, njikatundisa vanu vange voshe akati ka miyati kuje vaile, njikavakungulwila amolika, co njikavelwisila ku lifuti lyavo vavenya.

Ezekiyele 37:25

Vakakala mu lifuti lije linjanene kuli ngamba yange Yakomba, mu lifuti lije muvakele vakukulwila vavo. Vakakala muje myaka yoshe, ngecivene, vana vavo na vatekulwila vavo voshe vakakala muje myaka yoshe. Ngamba yange Ndaviti ikeye akavashwana myaka yoshe.

Ezekiyele 38:23

Mu ngila eyi njikamwesa miyati yoshe ngeci yange njapwa nji wakama, co njapwa wakujela. Asinoni vakazivuka ngeci yange njapwa Kalunga.”

Ezekiyele 39:27

Mukumwesa miyati yaingi ngeci yange njapwa wakujela, njikanena vanu vange kuvatundisa ku mafuti oshe kuje kuvakala vitozi vavo.

Hoziya 1:11

Vanu va mu Yunda na vanu va mu Isalele vakalipandakana. Co vakaangula ntwama yavo umolika, co lalo vakatuma manene nakuvezika mu lifuti lyavo. Eyo, litangwa lya Njezelele likapwa lyakama manene!

Hoziya 11:11

Vakaija kutunda ku Ingito ngwe tuzila, vakatunda ku Asilya ngwe mayembe. Co njikavanena ku membo avo lalo. Munjinendeka yange Kalunga.”

Hoziya 2:15

Co njikamwana lalo vitungu vyendi vya mikolovozi ya vushuka vwa vinyu vije vyakele navyo laja, nakutengulula Cana ca Tuyando kupwa cikolo ca cinyangavili. Co akanjitava ngwe muje mwalingile omo wapwile wamundondo, omo watundile ku Ingito.

Njwele 3:7

Ngeconi njilinakuvelwisa kuvatundisa ku mitambela kuje kumwavalandeselele. Co njikalinga kuli yeni ngwe mumwalingile kuli vakevo.