Ezekiyele 28:2 - Livulu lya Shukulu Kalunga

² “Muna munu, leka muka-kushwana wa ku Tile evi vinjendeka yange Kalunga wa Akamwa ya Vyoshe ngwove, ‘Mu kulyalesa kwove ulinakwendeka ngwove u njambi. Ulinakwendeka ngwove unatumbama a litanda ngwe njambi mu mema a kalunga. Wasa kuyongola ngwove u njambi oloni yove unapu lika munu kesi u njambi nameme wayongwele ngwove u njambi.

Ezekiyele 28:2 Iomraidhean Croise

Kushangumuka 3:5

Njambi nendeka ngacije omwo nazivuka ngeci ku litangwa lije mukalyako mesho eni akatona, co mukalifwa na Njambi, mukazivuka vuvwa na vuvi.”

2 Mizimbu 26:16

Oloni omo Mwene Uziya wakele na nzili, co washangumukile kulyalesa, eci cikeco camunenesele kuwa kwendi. Washawile Shukulu Kalunga Njambi yendi akukovela mu Njuvo ya Shukulu Kalunga nakwenyekela insense a mutula wa insense.

Myaso 9:20

Vazivise lyova yove Shukulu Kalunga, vazivuke ngeci vakevo vanapu vanu.

Visimo 16:18

Kulyalesa manene kutwala munu kukunyonga.

Visimo 18:12

Kulyalesa kutwala kukunyonga, kulikeesa kutwala ku kasingimiko.

Isaya 2:12

A litangwa lije, Shukulu Kalunga Muka-nzili yoshe akakeesa munu woshe, munu woshe uje muka-kulyalesa nakulijundula.

Isaya 23:8

Iyajo watumbile vutumbe vwoshe ovu a Tile, nganda ije ya vumwene, vaka-kulandeselamo vapwile vana va vimyene, vaje vapwile vanu va vulemu ano asi?

Isaya 31:3

Vaka-Ingito kesi vinjambi embwe, vanapu lika vanu. Co tuvalu twavo vapwa situ lika kesi minzinzime. Omo Shukulu Kalunga amwesa vukalu vwendi, co anyongesa vaka-Ingito na voshe vaje vajendamenene ali vakevo. Co voshe vakanyonga.

Isaya 47:8

“Yove washaka vyuma vya senga, uyongola ngwove uli mwamuvwa na kwoloka. Ulinakuliyongola ngwove u wakama ngwe Njambi, ngwove kukwesi weka lalo wakulifwa nove. Wayongola ngwove nalumo lwai ukapwa u fwile, nambe kutsisa vana vove.

Ezekiyele 16:49

Sondoma na vana vendi valyalesele, omwo vakele na vyakulya vyavingi, co vayoyele mu kwoloka namukuhwima, oloni kuvakwasele tuutu na vanu vaka-kujeneka.

Ezekiyele 26:17

Co vakakwimbila mwaso wa vusiwa ngwavo, ‘Nganda yakutsimana vanainyongesa! Mato ayo vanaatundisa mu mema a kalunga nakuwongumwina kuti. Vanu va mu nganda eyi vakele na nzili a mema a kalunga, nakuzivisa lyova vaje vakele ku ngenge ya cikuma ca mema a kalunga.

Ezekiyele 28:1

Shukulu Kalunga wendekele kuli yange ngwendi,

Ezekiyele 28:17

Yove walyalesele omwo vuvwa vwove, co lutsimo lwove lwakulingisile vulema. Omwo cuma eci, njakumbilile asi kupwa cimweso ca vakweni vimyene.

Ezekiyele 28:9

Omo vakaija nakukutsiya, kuma lalo ukendeka ngwove unapu u njambi ndi? Ukapwa u munu kesi u njambi omo vakakutsiya.

Ezekiyele 29:3

Leka mwene wa Ingito ngwove evi vikevyo vyalinakwendeka Shukulu Kalunga wa Akamwa ya Vyoshe ngwendi, ‘Yange nji citozi cove, yove cikashama ngandu, walala mu ndonga. Wendeka ngwove Nailo yapwa yove, co waipangele.

Ezekiyele 29:9

Ingito ikapwa ngundu yangoco. Asinoni ukazivuka ngeci yange njapwa Kalunga. “Omwo wendekele ngwove Ndonga ya Nailo yapwa yove, co yove waipangele,

Ezekiyele 31:10

“Ngecivene, ololo, yange Kalunga wa Akamwa ya Vyoshe, njikamileka vije vikalingiwa ku muti uje wakolele noo waketele ku mashelwa. Omo wakolele kupwa waulaja, co wakele na kulyalesa,

Ndanyele 11:12

Ikeye akalyalesa akuhyana kwendi na a mashwalale vavangi vaje vanatsii, oloni kakahyana lalo.

Ndanyele 11:36

“Mwene wa Silya akalinga cizango cendi. Ikeye akalishasha ngwendi napu wakama kutuvakana njambi woshe-iwoshe, co lalo ngwendi ikeye napu wakama kutuvakana Njambi wa Akamwa ya Akamwa. Akalinga eci noo simbu iketa ije Njambi akamunyanyamesa. Njambi akalinga vije vyanayongola.

Ndanyele 11:37

Mwene akayengula njambi uje ivalemesele vakukulwila vendi, co lalo akayengula njambi uje ivazema vanakazi. Mwa vushunga, akayengula njambi woshe-iwoshe, omwo akayongola ngwendi ikeye napu wakama kutuvakana njambi woshe-iwoshe.

Hambakuke 2:4

Co awa akewo majwi, ‘Vaka-vuvi vakatsa, oloni vaka-vushunga vakayoya omwo vakonononoka kuli Njambi!’ ”

Zefaniya 2:15

Evi vikevyo vivakalinga ku nganda ije ya vaka-kulyalesa a nzili yavo vavenya nakuyongola ngeci valimwamuvwa. Vanu vamwo vayongola ngwavo nganda yavo yapwa yakama manene muno mu kaye koshe, oloni ikemuka ngundu, mutambela uje vakakala tusitu! Co vanu voshe vaje vakaitilamo vakalipika ku mitwe yavo mukumwesa kayengu kavo na vunyengwe vwavo a nganda ije.

Zakaliya 9:2

Hamate, yalinga nginga na Handelake, yapwa lalo yendi, na vinganda lalo vya Tile, na Sindone, na vanu vavyo va mana.

Luka 14:9

co uje namilanyele muvavoshe muvavali aija nakwendeka kuli yove ngwendi, ‘Ana citumbamo kuli ou!’ Co ukaziva shwamwa akununguluka nakukatumbama a citumbamo cacindondo.

Kwituluka mu Mashiko 8:14

cooni vimbunge vyeni vikalyalesa nakwivala Shukulu Kalunga Njambi yeni uje wamitundisile mu Ingito, mu lifuti lya vundungo.

2 Tesalonika 2:4

Ikeye akalwisa vyuma vyoshe vije vilitumbula ngwavyo vinjambi na cuma coshe-icoshe civakalemesa, akalyaka akamwa yavyo vyoshe. Co lalo akakovela nakutumbama mu Njuvo ya Shukulu Kalunga nakulitumbula ikeye vavenya ngwendi Njambi.

1 Timateo 3:6

Kapandele kupwa munu uje nakulaela ololo, kutewa akalyalesa, co akavindama, ngwe mwalingile Liyavola.

1 Petulu 5:5

Mu cifwa cimo vene, yeni vakwenje munapande kwononoka kuli vakulunu. Co yeni voshe pweni vaka-kulikeesa, mukupangela umo na mukwavo, omwo visoneka vyendeka ngwavyo, “Njambi akavyana vaka-kulyalesa, oloni akamwesa kutetela kuli vaka-kulikeesa.”

Kujombolola 17:3

Njakele mu Munzinzime, co uje kangelo wanjitwalele mu mambo. Co kuje njamwene munakazi natumbama a cikashama wakuvenga a muvila wendi vasonekeleo mazina amangi akushaula Njambi, uje cikashama wakele na mitwe itanu na ivali na vimbinga likumi.

Kujombolola 18:7

Mumweseni manene n̄avava na tuyando ngwe muje mwalyanene ikeye vavenya vumpau nakujolelala. Omwo alinakulyendekesa ikeye vavenya ngwendi, ‘Njinatumbama ngwe nji vamwene! Kesi nji fwile embwe, kunjikazivi vusiwa!’