Ezekiyele 28:14 - Livulu lya Shukulu Kalunga

¹⁴ Yange njaakele kelumbi ngeci akunyunge. Yove wakele a munkinda wange wakujela, co wakele nakwenda akati ka mamanya a seo akuvyazima.

Ezekiyele 28:14 Iomraidhean Croise

Kutuuka 30:26

Co apangese mukuvwavesa Mbalaka Mwakuliwanena, na Cikasa ca Cikumiiyo,

Kutuuka 40:9

“Asinoni vwavesa Mbalaka na vivala vyayo vyoshe na mazi akuvwava nakuvikundika ngeci vipwe vyakujela.

Kutuuka 9:16

Oloni akukumwesa nzili yange, njakutavele kuyoya ngeci lizina lyange likatsimane mu kaye mwoshe.

Isaya 10:15

Oloni Shukulu Kalunga endeka ngwendi, “Kuma njaviti yasa kukala na nzili kutuvakana uje munu alinakuyipangesa ndi? Kuma saha yasa kupwa ya vulemu kutuvakana munu uje alinakuyisaesa ndi? Mulamu kuwesi kujundula munu, oloni munu ikeye akajundula mulamu.”

Isaya 10:6

Njatumine Asilya nakulwisa muyati wa vaka-kujeneka kunjikulaela, vanu vaje vananjiluvalesa. Njavatumine mukupukula nakwiva nakulyatangela vanu ngwe mazilo a mu vitapalo.”

Mbimbi 2:1

Shukulu Kalunga mu vukalu vwendi, nafwiki Siyone na lisusulungu. Nawisila asi vuvwa vwa Isalele nakuvupwisa vwangoco. A litangwa lya vukalu vwendi Shukulu Kalunga wasezele nameme vene Njuvo yendi.

Ezekiyele 10:18

Asinoni vumpau vwa Shukulu Kalunga vwatundile ku cikolo ca Njuvo ya Shukulu Kalunga, co vwezile ku mutambela uje wa akamwa ya vikashama.

Ezekiyele 20:40

Muje mu lifuti, a lilundu lyange lyakujela, munkinda waulaja wa Isalele, yeni voshe vanu va Isalele mukanjilemesa. Co njikavwaelela muli yeni, nakumikulaela ngeci munjinenele vin̄ombelo vyeni, na mulambu weni wauvwa manene, na vwana vweni vwakujela.

Ezekiyele 28:13

Yove wakele mu Endeni lihya lya Njambi, wazalele vya mamanya a miyati yoshe, mamanya a lumbi, na ndaimani, na topaze, na mbelilu, na kanelya, na njasipa, na safile na emalinde, na nganete. Yove wakele na makai a ngolinde. Vakulingililewo a litangwa lije vakutangele.

Ezekiyele 28:2

“Muna munu, leka muka-kushwana wa ku Tile evi vinjendeka yange Kalunga wa Akamwa ya Vyoshe ngwove, ‘Mu kulyalesa kwove ulinakwendeka ngwove u njambi. Ulinakwendeka ngwove unatumbama a litanda ngwe njambi mu mema a kalunga. Wasa kuyongola ngwove u njambi oloni yove unapu lika munu kesi u njambi nameme wayongwele ngwove u njambi.

Ndanyele 4:35

Akakenge a vanu va ano asi kupwa vangoco, tungelo va mwilu na vanu va ano asi vali mwisi yendi. Naumo wai asa kumuvindika nambe kwihula vije vyalinga.

Yowano 11:51

Mwa vushunga vene, kendekele eci mu cizango cendi embwe, omwo ikeye akupwa Muka-kukombelela Wakama mwaka uje, wambulwile vuka-kwimanena ngeci Yesu ikeye akatsila vaYunda,

2 Tesalonika 2:4

Ikeye akalwisa vyuma vyoshe vije vilitumbula ngwavyo vinjambi na cuma coshe-icoshe civakalemesa, akalyaka akamwa yavyo vyoshe. Co lalo akakovela nakutumbama mu Njuvo ya Shukulu Kalunga nakulitumbula ikeye vavenya ngwendi Njambi.

Kujombolola 18:16

co vakendeka ngwavo, “Kengeni! Naana! Kayeketu! Kayeketu! Nganda yakama! Ije yazalele vinanga vya linyu nevi vyakuvenguluka nevi vyakuvenga nakulifwika vya senga vya ngolinde nevi vya mamanya a seo na makwalale!

Kujombolola 9:17

Co mu cimona cange njamwene tuvalu na vaje valondeleo. Vakele na vintelo vyakuvenga ngwe tuhya, vyakuzivuluka ngwe safile, vyavusela ngwe sulufa. Co mitwe ya vaje tuvalu yalifwile ngwe mitwe ya vindumba, co mu tunwa twavo mwatuukile tuhya na vwisi na sulufa.