Ezekiyele 27:31 - Livulu lya Shukulu Kalunga

³¹ Vanateula mitwe yavo omwo yove, co vanazala vikeleya. Vimbunge vyavo vivavala manene omwo valinakulila.

Ezekiyele 27:31 Iomraidhean Croise

Isaya 15:2

Vanu va ku Ndimboni vanalamata a lilundu kukalilila ku tuzangu twavo. Vanu va ku Mowavi valilila vinganda vya Nembo na Mendeva, vanateula mitwe yavo na minjezi yavo mukumwesa kuviilila kwavo.

Isaya 16:9

Njililila mikolovozi ya vushuka vwa vinyu ya ku Simbema ngwe munjililila ya ku Njazele. Njililila Heshevone na Elyale, omwo vanu kuvakateje nakujolela.

Isaya 22:12

Shukulu Kalunga wa Akamwa ya Vyoshe Muka-nzili yoshe wamilekele ngeci mulile na kusikoka, nakuteula mitwe yeni nakuzala vikeleya.

Isaya 22:4

Ngecivene, njisezeni ange lika njilile manene vanu vange voshe vaje vanatsi. Kesi munjizembeleke embwe.

Isaya 3:24

Mu mwela wa mazi akunika lwengo lwaluvwa, mukakala mazi akunika mwamuvi. Mu mwela wa miva yaivwa, vakazalelamo mikole yakuvola. Mitwe yavo kuyikakala na vin̄ambu vyavivwa, ikakala na mandya. Kuvakakala na vuzalo vwavuvwa, vakazala vuzalo vwakutavozoka. Vuvwa vwavo vukemuka shwamwa!

Njelemiya 16:6

Vaka-kufuka na tuutu vakatsila mu lifuti eli, oloni naumo wai akavatsinda nambe kuvalila. Naumo wai akalitavozola ikeye vavenya nambe kuteula vin̄ambu vyendi mukumwesa vusiwa.

Njelemiya 47:5

Vusiwa vwakama vunaija kuli vanu va ku Ngaza, vanu va ku Ashekelone vanoloka kuluu. Visimbu vingaijo vaFilisitiya vakalila?

Njelemiya 48:37

Voshe vanateula mitwe yavo nakukamba minjezi yavo. Voshe vanalilengula vimbandu a mavoko avo, co munu woshe nazala cikeleya.

Ezekiyele 29:18

“Muna munu, Mwene Nevukaneza wa Mbambilone walwisile nganda ya Tile. Ikeye wambatesele mashwalale vendi vitele vyakulema manene ngeci mitwe yavo yakongovokele ngwe lyandya, na a vitsili vyavo akele masetete, oloni nambe mwene nameme mashwalale vendi kuvawanene cikandelela ca nzita yavo yakulwisa Tile.

Ezekiyele 7:18

Vakazala vikeleya, co mivila yoshe ikajaja. Mitwe yavo ikapwa yakuteula, co voshe vakaziva shwamwa.

Njwele 1:13

Yeni vaka-kukombelela mukapanga ku mutula, zaleni vikeleya, linyengeni nakulila mbimbi-mitwe! Yeni mu Njuvo ya Shukulu Kalunga nakulila vutsiki vwoshe, omwo kukwesi vimbuto nambe vinyu vyakukombelela kuli Njambi yeni.

VaLevi 21:5

“Vaka-kukombelela kuvapandele kuteula ku mitwe yavo, nambe kukamba minjezi yavo, nambe kucata vinyato a mivila yavo kumwesa ngeci vali mu vusiwa embwe.

Amose 8:10

Njikatengulula viwano vyeni kuvipwisa vusiwa, na myaso yeni yakujolela kuyipwisa mitambi yakulila. Mukateula mitwe yeni, co mukazala vikeleya. Mukapwa ngwe visemi vaje valila munavo umolika wa munalume. Litangwa lije likapwa lyalikalu akukotoka kwalyo.

Yona 3:6

Omo mwene wa Nenevayi wazivile muzimbu ou, wakatukile a litanda lyendi, washulwile vuzalo vwendi vwa vumwene, wazalele cikeleya, co watumbamene mu lito.

Mika 1:16

Vanu va ku Yunda, teuleni vin̄ambu vyeni a simbu ya vusiwa a vanike vamwazema. Liteuleni mandya ngwe makuvi, omwo vana veni vakavatundisa kuli yeni nakuvatwala mu vunzinda.

Mika 1:8

Asinoni Mika wendekele ngwendi, “Omo a evi, njikalila nakulinyenga. Mukumwesa vusiwa vwange, co njikenda mendi-mendi na mutotototo. Njikalila ngwe mbanje, co njikasikoka ngwe nkumbwa.

Kwituluka mu Mashiko 14:1

“Yeni munapu mu vanu va Shukulu Kalunga Njambi yeni. Ngecivene, omo mukalila a kutsa, kesi mukalicate a mivila yeni nambe kuteula vin̄ambu vya kumukulo wa maholo eni embwe, ngwe muvakalingi vanu vamo.