Ezekiyele 27:17 - Livulu lya Shukulu Kalunga

¹⁷ Yunda na Isalele valandakanene vufuko vwove na tiliku, na vuki, na mazi a olive, na n̄undu.

Ezekiyele 27:17 Iomraidhean Croise

Kushangumuka 43:11

Asinoni ishavo wendekele kuli vakevo ngwendi, “Nga eci cinapu ngoconi, co mwamuvwa lingeni ngeci ambateleni owo munalume vushuka vwavuvwa vwa mu lifuti lino mu vinjeke vyeni ngeci mutwale vwana kuli mwata wakama. Ambateni kenya imo, na vuki vumo, na vyemba vyakunika lwengo lwaluvwa, na micuku-cuku.

1 Vimyene 5:9

Vanu vange vakevo vakashaka viti ku Lembanone nakuvitwala ku mema a kalunga, co vakavikutila amo mikuta ngeci vikongumuka na mema noo vinete ku mutambela wa ku cikuma uje unaangula. Vanu vange vakavizitwile kuje vene, co vikakala oni mu mavoko a vanu vove, oloni njikulomba lika ngwange utondele vanu vange vyakulya.”

2 Mizimbu 2:10

Co a vyakulya vya vanu vove, njikakutumina vulemu vwakupwa 2,000 vwa tiliku na vulemu vwakupwa 2,000 vwa mbale ya maumwa, na malita akupwa 400,000 a vinyu na malita akupwa 400,000 a mazi a olive.”

Ezela 3:7

Vanu vecele vimbongo vyakufweta vaka-kushonga mamanya, na vaka-kushonga, co vaanene vyakulya, na vyakunwa, na mazi a olive kuli vanu va ku Tile, na Sindone, nakulandakana na miti ya kendale ya ku Lembanone, ngeci vavinene na mema a kalunga ku Yopa. Vyoshe evi vavilingile na lisesa lya kuli mwene Siluse wa Pelesha.

Njelemiya 8:22

Nga mu Ngilyande mwakele vyemba, nambe nga mwakele vimbanda, omwo vikajo vanu vange kuvakangukile?

Vilinga vya Miluwa 12:20

Helonde waluvalele manene na vanu va ku Tile na ku Sindone, ngecivene, vaile mu mbunga yavo vakamone Helonde. Akulivanga valambelelele Mbalasitase muka-kunyunga ku lipela ngeci avakwase. Asinoni vaile kuli Helonde nakumulomba ngeci kukale kwoloka, omwo lifuti lyavo lyakele nakutambula vyakulya vyakutunda ku lifuti lya mwene.

Kwituluka mu Mashiko 32:14

Vingombe na vimembe vavo vakele na mavele amangi, co vakele na vana va vimanga, na majamba a vimanga vakununa, na matanga amavwa a vingombe, na vimembe va ku Mbashane, na tiliku yaivwa, na vinyu vyakutovala manene.

Kwituluka mu Mashiko 8:8

Likelyo lifuti lya tiliku na mbale ya maumwa, na mikolovozi ya vushuka vwa vinyu, na mikuyu, na mapomingilanete, na miti ya olive, na vuki.

Maako 11:33

Co wavalwisile kutunda ku Aloele nakweta ku mutambela uje wazengelekele Minite, co vyoshe vyapwile vinganda makumi avali, wetele na ku Avele Kalamime. Co kuje kwakele kulitsiya kwakama, vaAmoni vavafungulwile kuli vaIsalele.