Ezekiyele 27:10 - Livulu lya Shukulu Kalunga

¹⁰ “Vanu vatundile ku Pelesha na ku Lindiya na ku Limbiya vapwile mashwalale vove. Vashukikile vintelo vyavo na vitepa vyavo a vivumbe vyove. Omo vahyanene, co yove wazivile kuvwaa.

Ezekiyele 27:10 Iomraidhean Croise

Kushangumuka 10:13

Vatekulwila va Ingito mazina avo, Lindiya, na Aname, na Lehave, na Nafetuhe,

Kushangumuka 10:22

Vana va Shemi va vanalume mazina avo, Elame, na Ashule, na Alepakeshande, na Lunde, na Alama. Vakevo vapwile vakukulwila va vanu vaje valilukile mazina avo.

Kushangumuka 10:6

Vana va Hama va vanalume mazina avo, Kushe, na Ingito, na Limbiya, na Kanana. Vakevo vapwile vakukulwila va vanu vaje valilukile mazina avo.

1 Mizimbu 1:11

Co vatekulwila va Ingito vapwile vanu va ku Lindiya, na Aname, na Lehave, na Nafetu,

1 Mizimbu 1:17

Vana va Shemi vapwile, Elame, na Ashule, na Alepakeshande, na Lunde, na Alama, na Uza, na Hule, na Ngatale, na Meshake. Ava vakevo vapwile vakukulwila va vanu vaje valilukile mazina avo.

1 Mizimbu 1:8

Vana va Hama vapwile, Kushe, na Ingito, na Limbiya, na Kanana. Ava vakevo vapwile vakukulwila va vanu vaje valilukile mazina avo.

Myaso ya Solomoni 4:4

Mukoshi wove unapu ngwe kaposhi ka Mwene Ndaviti, kaje kavatunga na vutongwe kuje kwajenjela vintelo vyakupwa 1,000 vya mashwalale va nzili.

Isaya 66:19

co vakazivuka ngeci yange muka-kuvahisa. “Oloni ali vakevo njikasezao vamo, co njikavatuma ku miyati ya ku mafuti a kulyala vaje kuvazivile lutsimo lwange nambe kumona vukama vwange na nzili, ku Sipeini, Limbiya, na Lindiya, na vanalume vamwo vaka-vutongwe vwakwasha na mikili, na ku Tuvale, na ku Ngelese. Akati ka miyati ije vakambulula vukama vwange.

Njelemiya 46:9

Shikeni tuvalu vaye, na matemba vaakoke! Co tumeni mashwalale, vanalume vakutunda ku Sundane na ku Limbiya, vambate vintelo, na vanalume vaka-vutongwe vwa mata a lusipa vakutunda ku Lindiya.”

Ezekiyele 26:17

Co vakakwimbila mwaso wa vusiwa ngwavo, ‘Nganda yakutsimana vanainyongesa! Mato ayo vanaatundisa mu mema a kalunga nakuwongumwina kuti. Vanu va mu nganda eyi vakele na nzili a mema a kalunga, nakuzivisa lyova vaje vakele ku ngenge ya cikuma ca mema a kalunga.

Ezekiyele 27:11

Mashwalale va ku Alevandi vanyungile vivumbe vyove, co vanalume va ku Ngamandi vanyungile tuposhi twove. Vashukikile vintelo vyavo a vivumbe vyove. Vakevo vakulingisile ngeci upwe uwamuvwa.

Ezekiyele 30:5

“Nzita ije ikatsiya lalo na mashwalale vakukumuna vakutunda ku Sundane na ku Lindiya na ku Limbiya na ku Alambiya na ku Kuvu nambe vanu vaje va akati ka vanu vange vene.”

Ezekiyele 38:5

Vanalume vakutunda ku Pelesha, na Sundane, na Limbiya vali amo nendi, co voshe vali na vintelo na vitepa.

Ndanyele 5:28

kulyangunuka, vumwene vwove vanavwangununa ngeci vavwane kuli vaMende na kuli vaPelesha.”

Nahumi 3:9

Washwanene lifuti lya Sundane na Ingito, kukwesi na aje ahwililile nzili yendi, Limbiya wapwile muka-kumukwasa.