Ezekiyele 26:4 - Livulu lya Shukulu Kalunga

⁴ Vakanyongesa vivumbe vya nganda yove, nakusiwula tuposhi twove. Asinoni njikakomba livu lyoshe nakuseza lika mamanya angoco.

Ezekiyele 26:4 Iomraidhean Croise

Isaya 23:11

Shukulu Kalunga nolwela livoko lyendi a mema a kalunga, mukukaluwisa vumwene. Nashika ngeci vinganda vya vimpaka vya mu lifuti lya Kanana vavinyongese.

Njelemiya 5:10

Njikatuma vitozi vakashinja vitungu vya mikolovozi ya vushuka vwa vinyu ya vanu vange, oloni kuvakainyongesa yoshe, njikavaleka ngeci vajokoleko minango, omwo kesi vanu vange embwe.

Ezekiyele 26:12

Co vitozi vove vakapukula vufuko vwove vwa seo. Vakasiwula vivumbe vyove nakupukula vinjuvo vyove vyavivwa. Vakanona mamanya na viti na vyoshe vya mazilo, co vakavyumbila mu mema a kalunga.

Ezekiyele 26:9

Vakavujula vivumbe vyove kulikwasesa vyuma vimo vyakuwisa civumbe nakusiwula tuposhi twove na vivulo vya vikuvo.

Amose 1:10

Ngecivene, njikenyeka vivumbe vya nganda ya Tile nakwenyeka vimpaka vyayo.” Endome

Zakaliya 9:3

Tile yalitungila vimpaka vyayo, co yalilundikila siliva yaingi-yingi manene na ngolinde ngwe vishwashwa vya mu ngila!