Ezekiyele 26:3 - Livulu lya Shukulu Kalunga

³ “Ngecivene, ololo, evi vikevyo yange Kalunga wa Akamwa ya Vyoshe, njilinakwendeka ngwange, ‘Yange njinapu nji citozi cove, yove nganda ya Tile, Njikanena miyati yaingi mukukulwisa, co vakaija ngwe mankimba a mu mema a kalunga.

Ezekiyele 26:3 Iomraidhean Croise

Myaso 107:25

Shukulu Kalunga washikile, co lihunzi lya nzili lyashangumukile kuhuwa nakukatula mankimba.

Isaya 5:30

Omo litangwa lije likaija, vakakuma a Isalele ngwe mema a kalunga. Kengeni a lifuti eli! Lisusulungu na tuyando! Ceke cinatenguluka kupwa lisusulungu.

Njelemiya 21:13

Yove Yelusalema watumbama a litanda lya akamwa ya cimbongo, ngwe limanya lyalilaja lya mu cana. Oloni yange njikakulwisa. Ulinakwendeka ngwove naumo wai asa kukulwisa nambe kutuva cimpaka cove.

Njelemiya 25:22

na vimyene voshe va mu Tile, na Sindone, na vimyene voshe va ku man̄anda a Menditelenyani, na ku vinganda vya

Njelemiya 50:31

“Mbambilone, u muka-kulyalesa, ngecivene, yange, Kalunga wa Akamwa ya Vyoshe, Muka-nzili yoshe, njilinakukulwisa! Simbu yange inete yakukunyanyamesa.

Njelemiya 50:42

Vanambata mata avo a lusipa na mikwale yavo, vanu vakukaluka mema ku mbunge. Omo valonda a tuvalu twavo, co vimbemba vya tuvalu twavo vicuma ngwe mema a kalunga. Valivwaesela cimweja kulwa nzita, kulwisa yeni vanu va Mbambilone.

Njelemiya 51:42

Mema a kalunga anafwiki Mbambilone, nakuyifwika lalo na mankimba akucuma.

Njelemiya 6:23

Mashwalale vavo va muuka vakujeneka mema ku mbunge vanambata mata avo a lusipa na mikwale yavo, muyoyo wa tuvalu twavo omo vashatuka unalifu ngwe kungwanjanga kwa mema a kalunga, vanalivwaesela cimweja kulwisa Yelusalema.”

Ezekiyele 21:3

ngwove yange Kalunga njinendeka ngwange, ‘Nji citozi ceni, njikashomona mukwale wange mu cindalo cawo, co njikamitsiya yeni voshe vaka-vushunga na vaka-vuvi.

Ezekiyele 26:19

Shukulu Kalunga wa Akamwa ya Vyoshe alinakwendeka ngwendi, “Njikakupwisa ngundu ngwe vinganda vyakunyonga muje naumo wai wakalamo. Njikakufwika na mema a kalunga a nzinga yakulova.

Ezekiyele 27:26

Omo vaka-kujavula vove vakwakele mu mema a kalunga, co lihunzi lya mu ngangela lyakuvombesele akati ka mema a kalunga.

Ezekiyele 28:22

Leka vanu valimo evi yange Kalunga wa Akamwa ya Vyoshe njendeka kuli vakevo ngwove, ‘Yove Sindone yange nji citozi cove, vanu vakanjishangazala omwo vije njilinga kuli yove. Omwo njikakumwesa kujela kwange akunyanyamesa vanu vaje vayoyela muli yove, co vakazivuka ngeci yange njapwa Kalunga.

Ezekiyele 29:10

yange nji citozi cove na citozi ca ndonga yove ya Nailo. Njikapwisa Ingito yoshe ngundu yangoco, kutunda ku nganda ya Mingendole ku kunto nakweta ku nganda ya Aswane mu mbwela, kutwala na ku nginga yoshe ya Sundane.

Ezekiyele 38:3

co muleke ngwove yange Kalunga wa Akamwa ya Vyoshe, njinapu nji citozi cendi.

Ezekiyele 5:8

Ngecivene, yange Kalunga wa Akamwa ya Vyoshe, njikuleka ngwange yange njinapu nji citozi cove. Njikakuhisa oku miyati yoshe inakumono.

Mika 4:11

Miyati ya vanu vavangi vanalikungulula nakumilwisa. Vendeka ngwavo, “Yelusalema vanapande kuyinyongesa! Tukamona ije nganda inanyongo!”

Nahumi 2:12

Ndumba wa nkomba watsiile kasitu, co wamusanyozwelele lwavo lwendi na vana vendi vipuka-vipuka, washulisile mbulu yendi na situ yakusanyozola.

Nahumi 3:5

Shukulu Kalunga Muka-nzili yoshe alinakwendeka ngwendi, “Njikakunyanyamesa yove Nenevayi! Njikakushulula wende mutotototo nakutava miyati ya vanu ngeci vakumone, vamone shwamwa yove yoshe.

Zakaliya 14:2

Shukulu Kalunga akakungulula miyati yoshe ya vanu nakulwisa Yelusalema. Nganda vakayambata, co vakapukula vyuma vya mu vinjuvo, vanakazi vakavazivisa shwamwa. Co litambelo lya vanu vakaya ku vunzinda, oloni vaje vakasalao kuvakavatundisa mu nganda.

Zakaliya 9:4

Oloni Shukulu Kalunga akamutambula vyoshe vyalinavyo. Co akombila vufuko vwendi vwoshe mu mema a kalunga, co nganda vakayenyeka njwa.

Luka 21:25

“Co vyuma vyakukomokesa vikalingiwa ku litangwa na ku ngonde na ku vingongonosi. Miyati yoshe ya asi vakajeneka cinyangavili, vakaziva lyova lya kuluma kwa mema a kalunga nakukuma kwa mankimba ao.