Ezekiyele 26:17 - Livulu lya Shukulu Kalunga

¹⁷ Co vakakwimbila mwaso wa vusiwa ngwavo, ‘Nganda yakutsimana vanainyongesa! Mato ayo vanaatundisa mu mema a kalunga nakuwongumwina kuti. Vanu va mu nganda eyi vakele na nzili a mema a kalunga, nakuzivisa lyova vaje vakele ku ngenge ya cikuma ca mema a kalunga.

Ezekiyele 26:17 Iomraidhean Croise

2 Samwele 1:19

“Vantwama vetu vanatsila a malundu a Isalele! Mashwalale vetu vakusimpa vanau!

Isaya 14:12

“Mwene wa Mbambilone, yove litota lya ku mutondo, unau kutunda mwilu! Ku san̄ulu wafungulwile miyati ya vanu, oloni ololo vanakumbila asi.

Isaya 23:4

Nganda ya Sindone, inashauka! Mema a kalunga na vukama vwa vinzinga vyakulova manene vinakuvyana, co vinendeka ngwavyo, “Kunjakele na vana, nalumo lwai njalelele vana va vanalume nambe va vanakazi.”

Isaya 23:8

Iyajo watumbile vutumbe vwoshe ovu a Tile, nganda ije ya vumwene, vaka-kulandeselamo vapwile vana va vimyene, vaje vapwile vanu va vulemu ano asi?

Njelemiya 48:39

Mowavi yasanyozoka! Lileni! Mowavi vanaizivisa shwamwa. Inaviya, co miyati yoshe ya vanu vaje vanazengeleka Mowavi vakashendumuna Mowavi. Yange Kalunga, njinendekamo.”

Njelemiya 50:23

Muveto vafulile nawo kaye koshe unavatozoka, nakumunguka! Miyati yoshe ya vanu vanalikomokela omwo Mbambilone inapu ngundu.

Njelemiya 6:26

Shukulu Kalunga alinakwendeka kuli vanu vendi ngwendi, “Zaleni vikeleya, co livulungeni mu livu. Lileni manene ngwe munatsisa mwana umolika, omwo vwasi-vwasi vitozi vaija nakumilwisa kujeneka kumileka.

Njelemiya 7:29

“Yeni vanu va mu Yelusalema, lileni, teuleni vin̄ambu vyeni muvyumbile kuti. Imbeni myaso ya vusiwa akamwa ya malundu, omwo yange Kalunga njinaluvala, co njinamivyana.

Njelemiya 9:20

Njelemiya wendekele ngwendi, “Yeni vanakazi tolilileni lijwi lya Shukulu Kalunga. Longeseni vana veni va vanakazi kulila, nakulongesa vasamba veni kwimba myaso ya vusiwa.

Mbimbi 1:1

Yelusalema, nganda ije yashulile na vanu, ololo inapu ngundu! Nganda ije vakele nakusingimika mu kaye mwoshe, ololo inapu ngwe fwile. Nganda ije yapwile ngwe lishano a vinganda vyoshe, ololo inapu ngwe ndungo.

Ezekiyele 19:1

Shukulu Kalunga wanjilekele kwimba mwaso ou wa vusiwa ku vana va vimyene vavali va Isalele.

Ezekiyele 19:14

Nsina ya mukolovozi wa vushuka vwa vinyu washwamene tuhya, co tuhya twenyekele minango yawo na vushuka. Co ije minango kuyikakolo lalo, nakupwa milamu ya vaka-kushwana embwe. Ou ukewo mwaso wa vusiwa, vakele nakuwimba-imba kushwakumo.

Ezekiyele 32:16

Majwi awa akunangula akemuka mwaso wakulila. Vanakazi va miyati yeka vakawimba nakulilila Ingito na vanu vamwo voshe. Munjinendeka yange Kalunga wa Akamwa ya Vyoshe.”

Ezekiyele 32:2

“Muna munu, nangula mwene wa Ingito. Muleke lijwi eli lyakutunda kuli yange ngwove, ‘Yove unayongola ngwove unapu ngwe ndumba akati ka miyati, oloni unapu ngwe ngandu muka-kulapa a mema mu ndonga. Yove uvundula mema na mendi nakuviisa mu ndonga.

Ezekiyele 32:23

co vimbumbo vyavo vili kwisi-kwisi manene ya lifuti lya vatsi. Mashwalale vendi voshe vatsililile mu nzita, na vimbumbo vyavo vyazengeleka mbumbo yendi. A simbu imo omo vakele nakuyoya vazivisile lyova lifuti lya vaka-kuyoya.

Ezekiyele 32:27

Vakevo kuvavatsindile ngeci muje vatsindile vingenyenye va ku laja vaje vavatsindile na vitwa vyavo vya nzita, vavaakele mikwale yavo kwisi ya mitwe yavo, na vintelo vavyakele a mivila yavo. Vingenyenye ava a simbu imo vapwile va nzili mukuzivisa lyova lifuti lya vaka-kuyoya.

Njwele 1:18

Vingombe vakumbuka manene omwo kukwesi noku kuvalila mwila wauvwa, co lalo matanga a vimanga alinakuyanda.

Ovandiya 1:5

“Omo vezi vaija vutsiki, vaiva lika vije vivashaka. Omo vanu vakungulula vushuka vwa mikolovozi ya vinyu, co vakasezao lika vwavundondo. Oloni vitozi veni vanamimanesa muvavoshe njwa.

Mika 2:4

Omo ije simbu iketa, vanu vakendeka majwi amavi ali yeni kupwa cimweso ca tuyando twakama, co vakaimba mwaso uje wa vusiwa ali yeni ngwavo, ‘Tunanyongo njwa! Shukulu Kalunga natutambula lifuti lyetu nakulyana kuli vaje vatukwatele vunzinda.’ ”

Zefaniya 2:15

Evi vikevyo vivakalinga ku nganda ije ya vaka-kulyalesa a nzili yavo vavenya nakuyongola ngeci valimwamuvwa. Vanu vamwo vayongola ngwavo nganda yavo yapwa yakama manene muno mu kaye koshe, oloni ikemuka ngundu, mutambela uje vakakala tusitu! Co vanu voshe vaje vakaitilamo vakalipika ku mitwe yavo mukumwesa kayengu kavo na vunyengwe vwavo a nganda ije.

Yoshwa 19:29

Asinoni nginga yatengulukilile ku Lama, co yetele ku nganda ya cimpaka ya Tile, asinoni yatengulukilile ku Hosa, co yahwililile ku Lishali lya Menditelenyani. Kukumbasanako Mahalambe, na Akezimbe,