Ezekiyele 26:16 - Livulu lya Shukulu Kalunga

¹⁶ Vimyene voshe va ku vikuma vya mema a kalunga vakashuluka a matanda avo. Vakashulula vikoveyo vyavo vyavilaja mavoko, na vuzalo vwavo vwakushelasana, co vakatumbama asi nakujaja. Vakakala na lyova a kayando kove ngeci kuvakasa kulikela kujaja.

Ezekiyele 26:16 Iomraidhean Croise

Yombi 8:22

oloni akazivisa shwamwa vaje vakuzinda, co membo a vaka-vuvi akanyonga.”

Myaso 109:18

Wapwisile visingo ngwe vuzalo vwendi, co visingo vyendi vikovele muli ikeye ngwe mema, visingo vikovele lalo mu vitsiya vyendi ngwe mazi.

Myaso 109:29

Ngecivene, vitozi vange vazale likamba lyavo ngwe vuzalo, co shwamwa lalo ivakole.

Myaso 132:18

Njikazivisa vitozi vendi shwamwa, oloni cilongo cendi cikavyazima.”

Myaso 35:26

Voshe vaje vavwaelela a tuyando twange, vavafungulule nakuvatanganesa, voshe vaje valitumbula kupwa vavavwa kutuvakana yange, vazive shwamwa nakushauka!

Kutuuka 15:15

Vantwama va ku Endome valikomokelele, vanalume va nzili va ku Mowavi valijajelele, vanu va mu Kanana vezokele vimbunge.

Isaya 3:26

Co vikolo vya nganda vikalinyenga nakulila ngwe vanu, co nganda nayo ikapwa ngwe munakazi natumbama asi mushelengwa.

Isaya 41:5

“Vanu va ku mafuti a kulyala vamwene vije vinjalingile, valijajelele omo vavimwene. Co voshe valikungulwile nakwija.

Isaya 47:1

Shukulu Kalunga alinakwendeka ngwendi, “Mbambilone, shuluka a litanda lyove, co tumbama asi mu livu. Laja wapwile u mumbanda, nganda ije kuvasele kufungulula, oloni kuwesi lalo na cikonde cacivwa cakuvotsiya, ololo unapu u ndungo!

Isaya 52:2

Yelusalema, katuka mu likungu! Litotomone likungu, tumbama a litanda lyove! Yeni vinzinda va Siyone lizituleni malyenge aje anamikutu!

Njelemiya 48:39

Mowavi yasanyozoka! Lileni! Mowavi vanaizivisa shwamwa. Inaviya, co miyati yoshe ya vanu vaje vanazengeleka Mowavi vakashendumuna Mowavi. Yange Kalunga, njinendekamo.”

Mbimbi 2:10

Vakulunu va mu Yelusalema vanatumbama asi kuluu, vanalishuwila livu a mitwe yavo, co vanazala vikeleya. Vambanda vanakulamesa mitwe yavo asi.

Ezekiyele 16:10

Njakuzikile vuzalo vwakushelasana, nakukuzika vin̄aku vyavivwa vya cipapa ku mendi ove, nakukuzika lilesu lyakuseneta ku mutwe, na kazaku ka linyu.

Ezekiyele 26:21

Njikakupwisa cimweso cakuzivisa lyova, co aje akapwa mamaneselelo ove. Vanu vakakushakezeka, oloni kuvakakuwana.” Mukemwo mwanendeka Shukulu Kalunga wa Akamwa ya Vyoshe.

Ezekiyele 28:17

Yove walyalesele omwo vuvwa vwove, co lutsimo lwove lwakulingisile vulema. Omwo cuma eci, njakumbilile asi kupwa cimweso ca vakweni vimyene.

Ezekiyele 31:15

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “A litangwa lije omo muti uje ukaya ku vukalo vwa vatsi, co njikaukupula na mema a tuvwelu-vwelu ngeci cipwe cimweso ca vusiwa. Njikavindika vindonga ngeci mema kesi ende. Omwo uje muti unatsi, co njikanena lisusulungu akamwa ya Minkinda ya Lembanone, nakujujwamesa miti yoshe ya mu shwata.

Ezekiyele 32:10

Vije vinjikalinga kuli yove vikakomokesa miyati yaingi. Omo njikahwingisa mukwale wange, co vimyene vakalijujukila manene. A litangwa lije ukawa, voshe vakajaja na lyova omwo myonyo yavo vavenya.”

Ezekiyele 7:27

Mwene akalila na vana va vimyene kuvakakala lalo na cinyangavili, co vanu vakajaja na lyova. Njikaminyanyamesa omwo a vyoshe vije vimunalingi, co njikamisompa mu ngila ije vene mwasompele nayo vakweni. Co eci cikamimwesa ngeci kuma yange Kalunga.”

Ezekiyele 7:8

“Ololo ukaziva vukalu vwange vwoshe. Njilinakukusompa omwo a vije viwunalingi, co njikakwilwisila vunyengwe vwove vwoshe a futisi yove.

Ndanyele 5:6

co cihanga cendi cafufutukile, wazivile lyova manene, co mavuli endi ajajele.

Hoziya 11:10

“Vanu vange vakanjikava omo njikaana ngwe ndumba. Co vakazambula kwija kuli yange kutunda ku kangombe ka yambi.

Yona 3:6

Omo mwene wa Nenevayi wazivile muzimbu ou, wakatukile a litanda lyendi, washulwile vuzalo vwendi vwa vumwene, wazalele cikeleya, co watumbamene mu lito.

Hangai 2:22

nakutundisa vumwene nakushika kwavwo. Njikafulumika matemba na vaka-kuwendesa, tuvalu vakatsa, co vaka-kulondao vakalitsiya umo na mukwavo.

1 Petulu 5:5

Mu cifwa cimo vene, yeni vakwenje munapande kwononoka kuli vakulunu. Co yeni voshe pweni vaka-kulikeesa, mukupangela umo na mukwavo, omwo visoneka vyendeka ngwavyo, “Njambi akavyana vaka-kulyalesa, oloni akamwesa kutetela kuli vaka-kulikeesa.”

Kujombolola 18:9

Co vimyene va ano asi vaje valingile nendi vupangala na mashungu amavi vakalila nakulinyenga omo vakamona vwisi vulinakukakumuka omo alinakwenya.