Ezekiyele 25:7 - Livulu lya Shukulu Kalunga

⁷ Omwo walingile vyuma evi, co njikakwana ku mavoko a miyati yeka ngeci vakakwivile vyove. Co mwa vushunga vene njikakunyongesa, co kuukapu lalo muyati nalumo lwai nambe kukala na lifuti lyove embwe. Asinoni ukazivuka ngeci kuma yange njapwa Kalunga.’ ”

Ezekiyele 25:7 Iomraidhean Croise

Isaya 33:4

Vufuko vwavo vakavupukula vwasi-vwasi nakuvwambata.

Njelemiya 49:2

Oloni simbu ilinakwija omo njikatuma vanu va nganda yakama ya Lamba kwakumilwisa, co lifuti lyeni likapwa vingundu na membo amwo oshe akenya njwa. Co Isalele akatambula lalo lifuti lyendi kuli vaje valitambwile.

Mbimbi 1:14

Ikeye wazivukile vuvi vwange vwoshe co wavukutiiya amo vwoshe, wavuzengelele ku mukoshi wange, co vwanjizeyesele manene omwo vulemu vwavwo. Shukulu Kalunga wanjanene ku mavoko a vitozi vange, co njonwele kuvayeluwisa.

Ezekiyele 14:9

“Nga muka-kwimanena akumbulula vya makuli, yange Kalunga njinamulingisa ngeci akumbulule vya makuli. Co njikamutundisa ku vanu va Isalele.

Ezekiyele 21:31

Vukalu vwange vukaija ali yeni ngwe tuhya twakushukuma. Co njikamyana ku mavoko a vanu vavavi, vaje vazivuka manene kunyongesa vanu.

Ezekiyele 21:32

Yeni mukanyonga ku tuhya. Co maninga eni aketikila mu lifuti, naumo wai akamyanuka lalo.” Munjinendeka yange Kalunga.

Ezekiyele 25:10

Njikatava ngeci miyati ya mu mambo ya mu ngangela vakafungulule Mowavi, amolika na Amoni, ngecivene, Mowavi nalumo lwai lalo vakapwa muyati.

Ezekiyele 25:13

Ngecivene, njendeka ngwange njikanyanyamesa Endome nakutsiya vanalume voshe na tusitu voshe. Njikaipwisa mupulungwa, kutunda ku nganda ya Temane nakweta ku nganda ya Ndendane, co vanu vakavatsiila mu nzita.

Ezekiyele 25:16

Ngecivene, njilinakwendeka ngwange njikalwisa vaFilisitiya nakuvanyongesa. Njikanyongesa voshe vaje vanasala mu cana ca Filisitiya.

Ezekiyele 26:5

Co vaka-kuta visi vakashandao manimbwa avo, aje ainemana a mema a kalunga. Munjinendeka yange Kalunga wa Akamwa ya Vyoshe. Co miyati vakapukula Tile,

Ezekiyele 35:3

Leka vanu vije vinjendeka yange Kalunga wa Akamwa ya Vyoshe ngwove, ‘Yange njinapu nji citozi ceni, yeni minkinda ya Endome! Njikamipwisa vingundu vyangoco.

Ezekiyele 6:14

Eyo, njikolola livoko lyange nakunyongesa lifuti lyavo. Njikalipwisa ngundu kutunda mu mambo ku mbwela nakweta ku nganda ya Limbela ku kunto, kunjikasezeo mutambela umo kuje kuvakala vaIsalele. Asinoni munu woshe akazivuka ngeci yange njapwa Kalunga.”

Zefaniya 1:4

“Njikanyanyamesa vanu voshe va mu Yelusalema na mu Yunda. Njikanyongesa munu woshe muka-kulemesa Mbale, co naumo wai lalo akanuka vaka-kukombelela va vaka-kujeneka kukulaela vaje vamupangelele.