Ezekiyele 25:6 - Livulu lya Shukulu Kalunga

⁶ “Evi vikevyo vyalinakwendeka Shukulu Kalunga wa Akamwa ya Vyoshe ngwendi, ‘Yove wakandelelele na mavoko ove, nakujombozoka nakujolela. Washawile lifuti lya Isalele.

Ezekiyele 25:6 Iomraidhean Croise

Yombi 27:23

Vakavakandela vimbanda, nakuvasheka na mulozi ku myela yavo.”

Yombi 34:37

Co ku vuvi vwendi alinakukumbasanako kutengulukila, ku mesho etu voshe, ikeye alinakushendumuna Njambi.”

Visimo 24:17

Kesi uvwaelele omo citozi cove ali mu vukalu, co lalo kesi ujolele omo citozi cove atanuka.

Njelemiya 48:27

Mowavi, anuka muwakele nakushendumuna vanu va Isalele. Wavapangesele ngwe vanu vaje vavakwatele amolika na munga ya vezi.

Mbimbi 1:7

A matangwa a tuyando, Yelusalema alinakwanuka vuyoye vwavuvwa vuje vwayoyele a matangwa a kunima, oloni napu ngundu. Omo wakele mu mavoko a vitozi, naumo wai wamukwasele. Vaje vamufungulwile vajolele akuwa kwendi.

Mbimbi 2:15

Vanu vaita mu nganda vakushendumuna omo vakukenga. Valipika ku mitwe yavo nakujola akuviya kwa Yelusalema ngwavo, “Eyi ikeyo vene nganda ije yaivwa? Nganda yakujolela ano a kaye oshe?”

Ezekiyele 25:15

Shukulu Kalunga wa Akamwa ya Vyoshe wendekele ngwendi, “VaFilisitiya vali na muuka wa shambandinga a vitozi vavo valaja, nakuvanyongesa mu cizindo cavo.

Ezekiyele 25:3

Valeke vatolilile vije vinjendeka yange Kalunga wa Akamwa ya Vyoshe, ngwange, ‘Munakele nakuvwaelela omo mwamwene Njuvo yange inaviya, nakumona lifuti lya Isalele linashandoka, nakumona vanu va mu Yunda valinakuya ku vunzinda.

Ezekiyele 35:15

ngwe muje yove wajolelele akuviya kwa Isalele vufuko vwange. Minkinda ya Seya, eyo lifuti lyoshe lya Endome, likapwa ngundu. Asinoni vanu voshe vakazivuka ngeci yange njapwa Kalunga.”

Ezekiyele 36:5

“Yange Kalunga wa Akamwa ya Vyoshe, njinendeka na vukalu vwange vwakulwisa miyati yavazengeleka, vunene kulwisa Endome. Mukuvwaelela na mu kashaundu kavo, vafungulwile lifuti lyange nakutambula mutambela wa vulilo vwa vimuna vange.

Ezekiyele 6:11

Shukulu Kalunga wa Akamwa ya Vyoshe wendekele ngwendi, “Kanda vimbanda! Co lyata musindo! Lila na vusiwa omwo vuvi vwoshe, na vyuma vya vunyengwe vije vivanalingi vaIsalele. Vakatsila mu nzita, nakulanduka ku njala, na kutsa lalo ku mushongo.

Ovandiya 1:12

Yeni kumwapandele kulyalesa, a tuyando twa vandolome veni vali mu Yunda. Kumwapandele kuvwaelela, a litangwa lyakuvanyongesa. Kumwapandele kuvajola a tuyando twavo.

Nahumi 3:19

Kukwesi cemba cakukwita a vimbandu vyove caiko, co lalo naumo wai asa kusaka vimbandu vyove. Vaje voshe vaziva muzimbu wakunyonga kwove vajolela nakutwa tuwelele. Naumo wai waputumukile ku muuka wove.

Zefaniya 2:10

Omu mukemwo mumukanyanyamesa vanu va Mowavi na Amoni a kulyalesa kwavo nakulishasha kwavo akutuka vanu va Shukulu Kalunga Muka-nzili yoshe.

Zefaniya 2:15

Evi vikevyo vivakalinga ku nganda ije ya vaka-kulyalesa a nzili yavo vavenya nakuyongola ngeci valimwamuvwa. Vanu vamwo vayongola ngwavo nganda yavo yapwa yakama manene muno mu kaye koshe, oloni ikemuka ngundu, mutambela uje vakakala tusitu! Co vanu voshe vaje vakaitilamo vakalipika ku mitwe yavo mukumwesa kayengu kavo na vunyengwe vwavo a nganda ije.

Zefaniya 2:8

Shukulu Kalunga Muka-nzili yoshe alinakwendeka ngwendi, “Njazivi vanu va Mowavi na Amoni vatuka nakutomba vanu vange, co vali na kulyalesa ngwavo vasa kutambula lifuti lyavo.