Ezekiyele 25:12 - Livulu lya Shukulu Kalunga

¹² Shukulu Kalunga wa Akamwa ya Vyoshe wendekele ngwendi, “Vanu va Endome vakele na muuka wa shambandinga ali Yunda, shambandinga ije yanenele mulonga simbu yoshe ali Endome.

Ezekiyele 25:12 Iomraidhean Croise

Myaso 137:7

Shukulu Kalunga anuka vije vivalingile va Endome, a litangwa lije vafungulwile Yelusalema. Anuka muje muvendekele ngwavo, “Isiwuleni, amolika na luvula lwayo!”

Isaya 21:11

Awa akewo majwi aa Endome. Kuli munu umo alinakutambeka kuli yange mu Endome ngwendi, “Muka-kunyunga, simbu mukajo kukya? Njileke nga kukya vwasi.”

Isaya 34:5

Shukulu Kalunga navwaesa mukwale wendi, co ukatunda mwilu nakwija a Endome, ali vanu vaje vanasompela kutsa.

Isaya 63:1

“Iyajo ou alinakwija atunda ku nganda ya Mbozile mu Endome nazala vuzalo vwavuvwa manene vwakuvenga? Ou alinakuya kulutwe na nzili?” “Ikeye Shukulu Kalunga, uje ali na nzili yakwamena, alinakwija mukwambulula kuhyana kwendi.”

Ezekiyele 25:11

Njikanyanyamesa Mowavi, co vakazivuka ngeci yange njapwa Kalunga.”

Ezekiyele 25:15

Shukulu Kalunga wa Akamwa ya Vyoshe wendekele ngwendi, “VaFilisitiya vali na muuka wa shambandinga a vitozi vavo valaja, nakuvanyongesa mu cizindo cavo.

Ezekiyele 25:8

Co Shukulu Kalunga wa Akamwa ya Vyoshe wendekele ngwendi, “Omwo Mowavi vendeka ngwavo Yunda nalifu na miyati yoshe yeka,

Ezekiyele 32:29

“Endome kwali kuje amo na vimyene vendi na vaka-kushwana vendi. Vakevo vapwile mashwalale va nzili manene, oloni ololo vanalala mu lifuti lya vatsi amo na vaje vaka-kujeneka kukulaela vaje vavatsiilile mu nzita.

Ezekiyele 36:5

“Yange Kalunga wa Akamwa ya Vyoshe, njinendeka na vukalu vwange vwakulwisa miyati yavazengeleka, vunene kulwisa Endome. Mukuvwaelela na mu kashaundu kavo, vafungulwile lifuti lyange nakutambula mutambela wa vulilo vwa vimuna vange.

Ovandiya 1:1

Eci cikeco cimona ca Ovandiya. Omu mukemwo mwendekele Shukulu Kalunga wa Akamwa ya Vyoshe a muyati wa Endome. Tunazivi lijwi linatundu kuli Shukulu Kalunga. Watumine muluwa ngeci aye akaleke miyati ngwendi, “Livwaeseni tukalwise muyati wa Endome.”