Ezekiyele 25:1 - Livulu lya Shukulu Kalunga

¹ Shukulu Kalunga wendekele kuli yange ngwendi,

Ezekiyele 25:1 Iomraidhean Croise

Nehemiya 13:1

Omo valavelele vanu Lishiko lya Mosesa, co vetele a mutambela uje vasonekele ngeci kukwesi kaAmoni nambe kaMowavi ivakatavesa kulipandakana na vanu va Njambi.

Njelemiya 12:14

Shukulu Kalunga alinakwendeka ngwendi, “Njili na vimo vyakwendeka ku miyati ya vanu veka vaje vanaviisa lifuti lije linjanene kuli vanu vange va Isalele. Njikatundisa vaka-vuvi mu mafuti avo vavenya, ngeci lalo munjikatundisa Yunda mu lifuti lyendi.

Njelemiya 25:21

na vanu voshe va mu Endome, na Mowavi, na Amoni,

Njelemiya 27:3

Shukulu Kalunga wanjilekele kutuma majwi kuli vimyene va ku Endome, na ku Mowavi, na ku Amoni, na ku Tile, na ku Sindone, ali vaka-kwimanena mafuti avo vaje vezile ku Yelusalema mukumona Mwene Zendekiya.

Njelemiya 49:1

Evi vikevyo vyendekele Shukulu Kalunga ali Amoni ngwendi, “Vali kulijo vanalume va Isalele? Kukwesi umo wa ali vakevo wakwimanena lifuti lyavo ndi? Omwo vikajo vatava vanu vaje vaka-kulemesa Moleki kutambula lifuti lya muyati wa Ngande nakutungamo?

Mbimbi 1:21

“Vanu vazivile kukemanga kwange, oloni naumo wai wanjizembelekele. Vitozi vange voshe vanavwaelela omo yove unanena tuyando ali yange. Nena vwasi litangwa lije liwakulaesele, yandesa vitozi vange ngwe munjilinakuyanda yange.

Ezekiyele 24:27

A litangwa lije vene, kanwa kove kakashokoloka, co ukasimutwiya nendi. Mu ngila eyi vene, ukapwa cimweso kuli vanu, co vakevo vakazivuka ngeci yange njapwa Kalunga.”

Ezekiyele 25:2

“Muna munu, ololo ambulula vuka-kwimanena ku lifuti lya Amoni.

Ezekiyele 28:26

Vakakala mu kwoloka. Vakatunga vinjuvo, co vakalima mahya a mikolovozi ya vushuka vwa vinyu. Njikahisa vandambo vavo voshe vaje vavashendumwine, co Isalele vakakala mu kwoloka. Asinoni vakazivuka ngwavo yange njapwa nji Kalunga Njambi yavo.”

Ezekiyele 32:29

“Endome kwali kuje amo na vimyene vendi na vaka-kushwana vendi. Vakevo vapwile mashwalale va nzili manene, oloni ololo vanalala mu lifuti lya vatsi amo na vaje vaka-kujeneka kukulaela vaje vavatsiilile mu nzita.

Ezekiyele 36:7

Yange Kalunga wa Akamwa ya Vyoshe, njilinakulisinga na cikulaeso ngwange miyati yoshe vaje vanamizengeleka vakavazivisa shwamwa.

Njwele 3:19

“Ingito ikapwa mambo, co Endome ikapwa ngundu, omwo valwisile lifuti lya Yunda nakutsiya vanu vamwo vakujeneka mulonga.

Amose 1:13

Shukulu Kalunga alinakwendeka ngwendi, “Vanu va ku Amoni vanalingi vuvi kushwakumo, omwo cuma eci mwa vushunga njikavanyanyamesa. Mu vinzita vyavo vyakulwisa mafuti amangi, vakevo vatavwile vanakazi va ku Ngilyande vaje vakele na memo.

Hambakuke 1:17

Kuma anga vakapangesa mikwale yavo ku myaka yoshe, nakunyongesa miyati ya vanu kwonwa kuvazivilako mema ku mbunge ndi?

Zefaniya 2:8

Shukulu Kalunga Muka-nzili yoshe alinakwendeka ngwendi, “Njazivi vanu va Mowavi na Amoni vatuka nakutomba vanu vange, co vali na kulyalesa ngwavo vasa kutambula lifuti lyavo.

Zefaniya 2:9

Mwa vushunga vene yange Kalunga Njambi wa Isalele uje wayoya, njilinakulisinga ngeci Mowavi na Amoni vakanyonga ngwe Sondoma na Ngomola. Mafuti avo akemuka mitambela ya vimbulu vya mwongwa muje kuvakasa kulima vimbuto, co mukamena shaku lika. Co vanu vange vaje vakasalao vakapukula nakwambata lifuti lya Mowavi na Amoni.”