Ezekiyele 24:8 - Livulu lya Shukulu Kalunga

⁸ Aje maninga njetilile a limanya lyangoco kujeneka kuwofwela, yange njawetilileo mukushangumuna vukalu vwange na shambandinga.”

Ezekiyele 24:8 Iomraidhean Croise

2 Vimyene 22:17

Vakevo vananjivyana, co vanakombelela vin̄ombelo kuli vinjambi veka, co vanashangumuna vukalu vwange a vyoshe evi vivanalingi. Vukalu vwange vunakatuka vwakulwisa Yelusalema, co kunjikavututumwisa embwe.

2 Vimyene 24:4

vunene vene a vanu vakujeneka mulonga vaje vatsiile. Co Shukulu Kalunga kasambesele Manase a vije vyalingile.

2 Mizimbu 34:25

Vakevo vananjivyana, co vanakombelela vin̄ombelo ku vinjambi veka, vanashangumuna vukalu vwange a vyuma vivanalingi. Vukalu vwange vunakatuka kulwisa Yelusalema, co kunjikavututumwisa embwe.

Isaya 26:21

Shukulu Kalunga alinakwija kutunda mwilu muje mwakala mukuhisa vanu va ano asi omwo a vuvi vwavo. Kulitsiya kuje kwalingiwile mu vushweke ano asi kukajomboloka, co livu kulikashweke vanu vaje vavatsiile.

Njelemiya 7:18

Vanike vacava vitale, vanalume vavweka tuhya, co vanakazi vashinga vunga nakwoca makende a njambi wa munakazi uje ivatumbula ngwavo Lishano lya Mwilu. Co vetila lalo n̄ombelo ya vinyu kuli vinjambi veka, ngeci vanjizivise ku mbunge kuvavala.

Njelemiya 7:20

Ngecivene, yange Kalunga wa Akamwa ya Vyoshe njiketila vukalu vwange vwakukomokesa a Yunda. Njikavwitila ali vanu, na a tusitu, na a miti, na a vimbuto. Vukalu vwange vukafwa ngwe tuhya tuje naumo wai asa kutuzima.

Ezekiyele 22:4

Yove uli na mulonga omwo vanu vaje vawatsiile, nakulijwalesa na tumponya tuje tuwalingile, ngecivene, litangwa lyove lilinakwija, simbu inete. Mukemwo njinatava miyati yoshe vakushendumune, na mafuti oshe vakuyeluwise.

Ezekiyele 23:45

Vaka-vushunga vakasompa vanakazi ava va vupangala a mulonga wakutsiya, omwo vanakazi vanalingi vupangala, co ku mavoko avo kuli maninga.”

Ezekiyele 5:13

“Mukaziva vukalu vwange nakuluvala kwange, noo njikalikela. Omo vyoshe evi vikalingiwa, co mukatava ngweni yange Kalunga, njinendeka kuli yeni, omwo yange njaluvala akujeneka kulongwa kweni.

Zefaniya 1:17

Shukulu Kalunga alinakwendeka ngwendi, “Njikanena tuyando twakama ngeci vanu voshe vakapuputiya ngwe tupuputwa. Vanalingi vuvi ku mesho ange, co ololo maninga avo vakawetila ngwe muvaketila mema, co mivila yavo ikalala asi nakuvolelao.”

Mateo 7:2

Omwo na cihiso cije vene muhisa naco vakweni, cikeco lalo akamihisa naco Njambi, co seteko ije museteka nayo vakweni, ikeyo lalo yakamiseteka nayo Njambi.

1 Kolinte 4:5

Ngecivene, kesi musompe munu omwo simbu kanda yete. Kusompa kwakumanesela kunavandamena noo Mwene akaija, ikeye akaka a litanya vyuma vyakushweka mu lisusulungu nakusholola vizango vya mu vimbunge vya vanu. Asinoni voshe vakatambula kushangala kuli Njambi kuje kunavapande.

Kujombolola 18:16

co vakendeka ngwavo, “Kengeni! Naana! Kayeketu! Kayeketu! Nganda yakama! Ije yazalele vinanga vya linyu nevi vyakuvenguluka nevi vyakuvenga nakulifwika vya senga vya ngolinde nevi vya mamanya a seo na makwalale!