Ezekiyele 24:25 - Livulu lya Shukulu Kalunga

²⁵ Shukulu Kalunga wendekele ngwendi, “Muna munu, ololo njikatundisa kuli vakevo Njuvo yange ya nzili ije vakele nakulyalesela nakujolela, ije ivazemene kukengako nakusikamenako. Co njikavanyeka vana vavo va vanalume na ava va vanakazi.

Ezekiyele 24:25 Iomraidhean Croise

Myaso 48:2

Siyone munkinda wa Njambi, ukewo uli kulyala ku kunto, co lalo wauvwa, nganda ya mwene wakama inena kujolela mu kaye mwoshe!

Myaso 50:2

Njambi alinakutwila ceke cendi mu Siyone, nganda ije yaivwa manene.

Njelemiya 11:22

Ngecivene, Shukulu Kalunga Muka-nzili yoshe wendekele ngwendi, “Njikavahisa! Vakwenje vavo vakavatsiila mu nzita, co vana vavo vakalanduka ku njala.

Njelemiya 52:10

Kuje ku Limbena Nevukaneza watsiile vana va Zendekiya oku ishavo Zendekiya nakengeko, co lalo watsiile vamyata voshe va mu Yunda.

Njelemiya 7:4

Kesi mukulaele ku majwi aje vendeka ngwavo, ‘Eyi ikeye Njuvo ya Shukulu Kalunga! Njuvo ya Shukulu Kalunga! Njuvo ya Shukulu Kalunga!’

Mbimbi 2:4

Wananele mikili yendi ali yetu ngwe citozi, ikeye watsiile voshe vaje twavwaelelele nakujolela navo. Twazivile vukalu vwendi ngwe tuhya muno mu Yelusalema.

Ezekiyele 24:21

ngeci njileke vaIsalele ngwange, ‘Mulinakulyalesela a Njuvo ya Shukulu Kalunga. Yeni mulinakushaka kuyikenga nakusikamenamo, oloni Shukulu Kalunga akaishawisa. Co vana veni va vanalume na ava va vanakazi vaje vanasala mu Yelusalema vakavatsiila mu nzita.

Ezekiyele 33:22

Ku cingwezi omo te kanda aije, njazivile nzili ya Shukulu Kalunga. Omo uje munalume wetele alikaki mutondo, co Shukulu Kalunga wanjanene nzili yakwendeka.

Kwituluka mu Mashiko 28:32

Vana veni va vanalume na ava va vanakazi vakavana ku muyati weka ngwe vindungo, co a litangwa na litangwa mukatungumuna mesho eni, nakukengelela mwangoco ngweni amo vana veni vakavelwisa.