Ezekiyele 24:24 - Livulu lya Shukulu Kalunga

²⁴ Asinoni njikapwa cimweso kuli yeni, vyuma vyoshe vije vinjinalingi, vikevyo vimukalinga neni. Shukulu Kalunga nendeka ngwendi omo eci cikasholoka, co mukazivuka ngeci ikeye napu Shukulu Kalunga wa Akamwa ya Vyoshe.’ ”

Ezekiyele 24:24 Iomraidhean Croise

Isaya 20:3

Omo Ashendonde vaifungulwile, co Shukulu Kalunga wendekele ngwendi, “Ngamba yange Isaya nende mushelengwa, co kazalele vin̄aku ku mendi a myaka itatu. Eci cinapu cimweso ca vije vikalingiwa ku Ingito na Sundane.

Isaya 8:18

Yange uno, na vana vaje vananjana Shukulu Kalunga. Tunapu tu vimweso mu Isalele vyakutunda kuli Shukulu Kalunga Muka-nzili yoshe uje wakala a Munkinda wa Siyone.

Njelemiya 17:15

Vanu valinakwendeka ngwavo, “Vilikulijo vije vyakele nakulishungwiya Shukulu Kalunga ali yetu? Avilinge oni ololo!”

Ezekiyele 12:11

Valeke ngwove vije viwunalingi vinapu cimweso ca vije vikalingiwa kuli vakevo, vakavafungulula nakuvapwisa vinzinda.

Ezekiyele 12:6

Tava ngeci vakukengelele omo wambata citele a citsili cove nakuya mu lisusulungu oku unalalameka, ngeci kesi umone kuje kuulinakuya. Eci ciwulinga cikapwa kunangula Isalele.”

Ezekiyele 17:24

Miti yoshe ya mu lifuti ikazivuka ngeci yange Kalunga. Njikashinjila asi miti yailaja, nakumenesa miti yaindondo kupwa yailaja. Njikajujwamesa miti yakutonola nakutonolwesa lalo miti yakuma. “Yange Kalunga, njinendekamo, njikalinga vije vinjinendeka ngwange njikavilinga.”

Ezekiyele 20:44

Omo njikalinga mukunyunga kasingimiko kange, co mukazivuka ngeci yange njapwa Kalunga, njinalingi neni omwo lizina lyange, kesi ngwe omwo vingila vyeni vyavivi nambe ngwe omwo vilinga vyeni vyavivi vije munalingi yeni muyati wa Isalele.” Mwanendeka Shukulu Kalunga wa Akamwa ya Vyoshe.

Ezekiyele 25:11

Njikanyanyamesa Mowavi, co vakazivuka ngeci yange njapwa Kalunga.”

Ezekiyele 25:14

Vanu vange va Isalele vakanjilingila shambandinga ali Endome, co vakazivisa Endome vukalu vwange vwakama. Co Endome vakazivuka kulumbunuka kwa shambandinga yange eyi.” Munjinendeka yange Kalunga wa Akamwa ya Vyoshe.

Ezekiyele 25:17

Njikavanyanyamesa manene nakuvalinga shambandinga. Co vakaziva vukalu vwange. Asinoni vakazivuka ngeci yange njapwa Kalunga.”

Ezekiyele 25:5

Njikatengulula nganda ya Lamba kupwa mutambela wakulila tumelo, na lifuti lya Amoni kupwa mutambela wakulila vimanga ngeci mukazivuke ngweni yange njapwa Kalunga.’

Ezekiyele 25:7

Omwo walingile vyuma evi, co njikakwana ku mavoko a miyati yeka ngeci vakakwivile vyove. Co mwa vushunga vene njikakunyongesa, co kuukapu lalo muyati nalumo lwai nambe kukala na lifuti lyove embwe. Asinoni ukazivuka ngeci kuma yange njapwa Kalunga.’ ”

Ezekiyele 4:3

Nona cikango ca cikuvo citumbike ngwe civumbe mukati kove na nganda. Kenga ku nganda. Nganda valinakuyilwisa, yove ulinakuyilwisa. Eci cikapwa cimweso ku muyati wa Isalele.

Ezekiyele 6:7

Vanu vakavatsiila kwoshe-ikwoshe, co vaje vakasalao vakazivuka ngeci yange njapwa Kalunga.’

Ezekiyele 7:27

Mwene akalila na vana va vimyene kuvakakala lalo na cinyangavili, co vanu vakajaja na lyova. Njikaminyanyamesa omwo a vyoshe vije vimunalingi, co njikamisompa mu ngila ije vene mwasompele nayo vakweni. Co eci cikamimwesa ngeci kuma yange Kalunga.”

Ezekiyele 7:9

Kunjikakusezao nambe kukuzivila mema ku mbunge. Njikakunyanyamesa omwo vyuma vya vunyengwe viwunalingi, ngeci uzivuke ngwove kuma yange Kalunga, yange muka-kuminyanyamesa.”

Luka 21:13

Co eyi ikapwa simbu yaivwa kuli yeni yakwambulula Vin̄anda Vyavivwa.

Yowano 13:19

Njamilekela cimweja simbu kanda cuma eci cilingiwe, ngecivene, omo cilingiwa, mukakulaela ngweni, ‘Yange Ou Njapwa Munjapwa.’

Yowano 14:29

Co njamileka evi ololo omo simbu kanda vyuma evi vilingiwe, ngecivene, omo vikalingiwa, mukakulaele.

Yowano 16:4

Oloni njamileka vyuma evi, ngeci omo simbu yavo iketa yakulinga vyuma evi, mukanuke ngeci njamilekevyo. “Kunjamilekele vyuma evi akulivanga, omwo njakele amo neni.