Ezekiyele 24:14 - Livulu lya Shukulu Kalunga

¹⁴ Munjinendeka yange Kalunga. Cikalingiwa, yange njikacilinga. Kunjikombuko mbunge ku vuvi vwove, nambe kumwesa ngozi nambe kuziva mema ku mbunge. Njikakuhisa a vije viwunalingi.” Munjinendeka yange Kalunga wa Akamwa ya Vyoshe.

Ezekiyele 24:14 Iomraidhean Croise

Yombi 27:22

co Njambi akavasha kwa mema ku mbunge, omo vashaka ngeci vatewe kuli ikeye.

Myaso 33:9

Omwo ikeye wendekele lika na lijwi. Co vyuma vyoshe vyalingiwile, ikeye washikile, co vyuma vyoshe vavitangele.

Isaya 3:11

Oloni vaka-vuvi vananyongo, muje muvalingile kuli vakwavo mukemwo vakalinga lalo kuli vakevo.

Isaya 55:11

Omu mukemwo muwapwa majwi ange, majwi ange kuwakeluka kuli yange, kujeneka kulinga vije njawatumine ngeci awalinge.

Njelemiya 13:14

Asinoni njikavalingisa ngeci valitsene umo na mukwavo ngwe vinjava, kunjikakala na mema ku mbunge kuli mukulunu nambe mukwenje, co voshe vakanyonga.’ ”

Njelemiya 23:20

vukalu vwa Shukulu Kalunga kuvukahu kuvanga noo namanesa kulinga vyuma vyoshe vije vyayongwele kulinga. Ku matangwa a kulutwe vanu vendi vakazivisisa vyuma evi mwamuvwa.”

Njelemiya 4:18

Yunda, yove vavenya walikokela evi a ngila yakuyoya kwove, na a vyuma vije viwunalingi. Vuvi vwove vukevwo vunanena tuyando otu, ngeci vunakuzivisa ku mbunge kuvavala.

Ezekiyele 16:43

Yove unevala munjakulingile omo wapwile u mwanike, co unanjiluvalesa a vyuma vyoshe vije viwalingile. Mukemwo njinakulingisa ngeci ufwete omwo a vije vyoshe. Omwo vikajo unaakelako lalo vupangala ku vyuma vyoshe vya vunyengwe vije viwalingile?” Mwanendeka Shukulu Kalunga wa Akamwa ya Vyoshe.

Ezekiyele 17:24

Miti yoshe ya mu lifuti ikazivuka ngeci yange Kalunga. Njikashinjila asi miti yailaja, nakumenesa miti yaindondo kupwa yailaja. Njikajujwamesa miti yakutonola nakutonolwesa lalo miti yakuma. “Yange Kalunga, njinendekamo, njikalinga vije vinjinendeka ngwange njikavilinga.”

Ezekiyele 18:30

Shukulu Kalunga wa Akamwa ya Vyoshe alinakwendeka ngwendi, “Ngecivene, yange Kalunga wa Akamwa ya Vyoshe, njilinakumileka yeni vaIsalele ngwange, njikasompa munu na munu a vije vyanalingi. Tengulukeni mutunde ku vuvi vweni vwoshe vuje vumulinakulinga, kesi mutave vuvi vuminyongese.

Ezekiyele 22:31

Ngecivene, vukalu vwange vukakala ali vakevo omwo vije vivanalingi, co njikavanyongesa ngwe muje mutukanyongesa tuhya.” Shukulu Kalunga wa Akamwa ya Vyoshe nendekamo.

Ezekiyele 23:24

Vakaija kutunda ku kunto nakukulwisa, vakaija na matemba, na makalu na mashwalale vavangi. Vakakuzengeleka kwoshe-ikwoshe nakukulwisa oku vanazala vintelo na vitepa vya vikuvo ku mitwe yavo. Co njikakukundika ku mavoko avo, ngeci vakakusompe ngwe ku mashiko avo.

Ezekiyele 23:29

Omwo vakevo vakuzinda, vakambata vyuma vyoshe vije viwapangelele, co vakakushulula nakukuseza mushelengwa, ukasholoka ngwe u cikwizi. Mashungu ove na vukwizi vwove

Ezekiyele 24:15

Shukulu Kalunga wendekele kuli yange ngwendi,

Ezekiyele 30:9

“Omo litangwa lije lyeta, co Ingito ikanyonga, njikatuma miluwa mu mato akama mukunyangumuna vanu va ku Sundane, co vakavazivisa lyova manene. Litangwa lije lilinakwija!”

Ezekiyele 36:19

Njavahisile omwo akuyoya kwavo kwakuvi, na vilinga vyavo vyavivi, co njavashandwelele akati ka miyati yeka.

Ezekiyele 5:11

“Ngecivene, ngwe omo njapwa Njambi wakuyoya, eli likelyo lijwi lya Shukulu Kalunga wa Akamwa ya Vyoshe, omwo mwajwalesele Njuvo yange na vuvi vwoshe, na vyuma vya vunyengwe vije vimwalingile, njikamikengesa nima kujeneka kumizivila mema ku mbunge.

Ezekiyele 7:3

“Isalele, kukotoka cinete. Njikaluvala nove, omwo njikakusompa a vije viwunalingi. Njikakwilwisila vilinga vyove vya vunyengwe vyoshe viwunalingi.

Ezekiyele 7:4

Nalumo lwai njikakusezao, nambe kukuzivila mema ku mbunge. Njikakunyanyamesa omwo a vyuma vya vunyengwe vije viwunalingi, ukazivuke ngeci kuma yange Kalunga.”

Ezekiyele 7:8

“Ololo ukaziva vukalu vwange vwoshe. Njilinakukusompa omwo a vije viwunalingi, co njikakwilwisila vunyengwe vwove vwoshe a futisi yove.

Ezekiyele 7:9

Kunjikakusezao nambe kukuzivila mema ku mbunge. Njikakunyanyamesa omwo vyuma vya vunyengwe viwunalingi, ngeci uzivuke ngwove kuma yange Kalunga, yange muka-kuminyanyamesa.”

Ezekiyele 8:18

Vakaziva nzili yoshe ya vukalu vwange. Kunjikavecelela ngoco, nambe kuvazivilako mema ku mbunge. Vakalombela nakutambeka kuli yange ngwe muvasela, oloni kunjikavatolilila.”

Ezekiyele 9:10

Oloni kunjikavazivilako mema ku mbunge, njikalinga kuli vakevo ngwe vije vivanalingi kuli vakwavo.”

Zakaliya 8:14

Shukulu Kalunga Muka-nzili yoshe alinakwendeka ngwendi, “Omo vakukulwila veni vanjiluvalesele, co njayongwele kuvalinga mwamuvi, co kunjatengulwile viyongola vyange embwe, oloni njalingile ngwe vene muje njayongwele.

Kulava 11:23

Co Shukulu Kalunga wamukumbulwile ngwendi, “Kuma nzili yange yakala naa ayahwila ndi? Cooni ololo ukamona nga evi njinendeka vikalingiwa nambe kuvikalingiwa!”

Kulava 23:19

Njambi kapwile munu ngeci ikeye akwise embwe, nambe kapwile muna munu ngeci atengulule viyongola vyendi embwe. Coshe canakulaesa kuvanga acilinge, coshe endeka kuvanga cilingiwe.

Mateo 16:27

Omwo Muna Munu akaija mu vumpau vwa Ishe amo na tungelo twendi, co asinoni akana kuli munu na munu fweto yendi kupwisa ngwe ku vipangi vyendi.

Mateo 24:35

Lilu na asi vikaita, oloni majwi ange kuwakaiti embwe.

1 Samwele 15:29

Njambi ya Isalele Muka-nzili yoshe kesi kwendeka makuli nambe kesi kutengulula viyongola vyendi embwe. Omwo ikeye kesi munu, ngeci atenguluke embwe.”