Ezekiyele 24:11 - Livulu lya Shukulu Kalunga

¹¹ Asinoni tumbikeni ndeo ya vunengu yamupulungwa a manungu a tuhya, ngeci yenye. Asinoni ndeo ikajela omo n̄alawe inenye,

Ezekiyele 24:11 Iomraidhean Croise

Isaya 1:25

Njikakunyanyamesa nakukujelesa ngwe muvakavwaesa vutale, co njikatundisa vuvi vweni vwoshe.

Isaya 27:9

Oloni vuvi vwa Isalele vakavusambesa lika omo mamanya a mitula ya vaka-kujeneka kukulaela vakaatwa ngwe memba, co kukukakala lalo mitula ya insense nambe vimweso vya Ashela njambi wa munakazi.

Isaya 4:4

A nzili yendi, Shukulu Kalunga akasompa nakujelesa lifuti nakukusha mulonga wa Yelusalema na maninga aje etikilile muje.

Njelemiya 21:10

Njinayongola ngeci kunjikecela nganda eyi, oloni kuyinyongesa vene. Njikayana kuli mwene wa ku Mbambilone, co ikeye akayenyeka njwa. Yange Kalunga, njinendekamo.”

Njelemiya 32:29

nakuyenyeka. Vakayenyeka nakuyizilisa yoshe njwa, amolika na vinjuvo, kuje kuvanjiluvalesele vanu akwenyeka insense kuli Mbale a milili ya vinjuvo vyavo vya akamwa ya viluli vyakusivama, nakwitila vin̄ombelo vya vinyu kuli vinjambi veka.

Njelemiya 37:10

Nameme nga mukafungulula mbunga ya mashwalale va Mbambilone voshe, nakuseza lika vanalume vakuvetwa vanalala mu vimbalaka vyavo, oloni vanalume vaje vakuvetwa anga vene vakenduka nakwenyeka nganda eyi.”

Njelemiya 38:18

Oloni nga kuuliiti, co nganda eyi vakayana ku mavoko a vaMbambilone, ngeci vakayenyeke, co yove vakakukwata kupwa cinzinda.”

Njelemiya 39:8

A simbu ije vene, vaka-Mbambilone venyekele lipela lya mwene, na vinjuvo vya vanu, nakusiwula vivumbe vya Yelusalema.

Njelemiya 52:13

Co wenyekele Njuvo ya Shukulu Kalunga, na lipela, na vinjuvo vyoshe vya vanu va vulemu va mu Yelusalema,

Ezekiyele 20:38

Co njikatundisa vaje vaka-kutengulukila na vaka-vuvi akati keni. Njikavatundisa mu lifuti muje muvali nakukala ololo, oloni kunjikavatava lalo kwiluka ku lifuti lya vaIsalele embwe. Co mukazivuka ngeci yange njapwa Kalunga.”

Ezekiyele 24:10

Lundikeniho vitale vyavingi! Co vwekeni tuhya! Telekeni situ! Shingileniho n̄undu! Co enyekeni vitsiya!

Ezekiyele 36:25

Co njikamishamwina mema akujela, nakumijelesa ku tumponya tweni twoshe, na ku vyuma vyeka vije vinamijwalesa.

Malakiya 4:1

Shukulu Kalunga Muka-nzili yoshe alinakwendeka ngwendi, “Litangwa lilinakwija omo voshe vaka-kulyalesa na vaka-vuvi vakavenyeka ngwe vishati. A litangwa lije voshe vakenya njwa, co nacimo cai cuma cavo cikasalao.

Mateo 3:12

Shewa ili mu livoko lyendi, ikeye akapepa nakujelesa mwamuvwa vinona vyoshe ku lijungwilo lyendi, co tiliku akaitulikila mu cishete cendi, oloni lijungu lyoshe akalyenyeka na tuhya kutwesi kuzima.”