Ezekiyele 23:45 - Livulu lya Shukulu Kalunga

⁴⁵ Vaka-vushunga vakasompa vanakazi ava va vupangala a mulonga wakutsiya, omwo vanakazi vanalingi vupangala, co ku mavoko avo kuli maninga.”

Ezekiyele 23:45 Iomraidhean Croise

2 Vimyene 21:16

Manase watsiile vanu vavangi vakujeneka mulonga, co mu vitapalo vya mu Yelusalema mwoshe mwakele nakwita maninga, walingile evi mukutwamenena vanu va mu Yunda ku tumponya, kuvalingisa vuvi ku mesho a Shukulu Kalunga.

Njelemiya 2:34

Vuzalo vweni vuli na vipesa vya maninga kesi maninga a vezi vaka-kutuva vinjuvo embwe, oloni na maninga a tuutu na vanu vaka-kujeneka mulonga. “Oloni a vyoshe evi,

Njelemiya 5:14

Ngecivene, Shukulu Kalunga Njambi Muka-nzili yoshe wendekele kuli yange ngwendi, “Njelemiya, omwo vanu ava vanendeka vyuma evi, lijwi lyange njikalipwisa ngwe tuhya mu kanwa kove. Vanu va mu Isalele na mu Yunda vakapwa ngwe vitale, co tuhya tukavenyeka njwa.”

Mbimbi 4:14

Co vantwama vendi vakele nakwendangana mu vitapalo ngwe tupuputwa. Valijwalesele na maninga, co naumo wai wasele kuvakwata.

Ezekiyele 22:3

Leka nganda vije vinjendeka yange Kalunga wa Akamwa ya vyoshe ngwove, ‘Yelusalema, yove unapu nganda ije ilinakutsiya vanu vaje valinakukalamo, omwo ulinakulijwalesa akulemesa tumponya, simbu yove inete.

Ezekiyele 23:24

Vakaija kutunda ku kunto nakukulwisa, vakaija na matemba, na makalu na mashwalale vavangi. Vakakuzengeleka kwoshe-ikwoshe nakukulwisa oku vanazala vintelo na vitepa vya vikuvo ku mitwe yavo. Co njikakukundika ku mavoko avo, ngeci vakakusompe ngwe ku mashiko avo.

Ezekiyele 23:44

Vanalume ava vakele nakuya ku vikwizi ava kushwakumo. Vakele nakuya kuli Ohola na Oholimba vanakazi va vupangala.

Ezekiyele 24:7

Kwakele kutsiya vanu mu nganda, oloni maninga vawetilile a limanya, kuvawetilile asi ngeci vofweleo livu.

Hoziya 2:2

Vana vange, lambeleleni vanyoko, nameme vene ikeye kapwile munakazi wange, co lalo yange kesi nji munalume wendi. Mulambeleleni ngeci alikele vupangala vwendi na vukwizi vwendi.

Hoziya 6:5

Omu mukemwo njatumu vaka-kwimanena vange kuli yeni na majwi a kusompa na akunyongesa. Vinjishaka kuli yeni vinapu vyavyasi vinalumbunuka vikevyo evi.

VaLevi 20:10

“Nga munalume alinga vupangala na munakazi wa mukwavo kaIsalele, muvuvali vwavo vavatsiye.

VaLevi 21:9

Nga muna muka-kukombelela wa munakazi aliviisa nakupwa cikwizi, azivisa shwamwa ishe. Co vakamwenyeke mu tuhya.

Zakaliya 1:6

Ali vangamba vange vaka-kwimanena njanene vakukulwila veni mashiko nakunangula, oloni vawayengwile, co vakele mu luvinda omwo kujeneka kwononoka kwavo. Asinoni vatengulukile nakuzivuka ngwavo yange, Kalunga Muka-nzili yoshe, njavanyanyamesele ngwe mucavapandele kwesekesa na muje munjayongwele ngwange njikalingamo.’ ”