Ezekiyele 23:41 - Livulu lya Shukulu Kalunga

⁴¹ Vatumbamene a vulili vwavuvwa, na mesa yakujala mwamuvwa kulutwe lwavo. Co a mesa yavo akele insense, na mazi a olive anjavanene.

Ezekiyele 23:41 Iomraidhean Croise

Esita 1:6

Co lije lipela valicakeyeye na mavamba a vwanda vwakuzivuluka, na vwanda vwakutoka, vwakukuta na mikole yakuvenguluka na tunzeya twa siliva ku mitwe ya vimanda. Myela ya ngolinde na siliva ije yakele mu lipela, vaicakeyeye na mamanya akutoka naa akuvenga akuliseza-seza na makwalale akama akuvyazima na takwoise yakuzivuluka.

Isaya 57:7

Mukai ku minkinda yailaja mukukombelela vin̄ombelo nakulingilako vupangala.

Isaya 65:11

“Oloni kukakala kulyangunuka neni mulinakunjivyana, yeni mulimbulula Siyone, lilundu lyange lyakujela, nakulemesa Ngande na Meni, vinjambi va sande na luvinda.

Njelemiya 44:17

Tukalinga vyuma vyoshe vije twakulaesele ngwetu tukavilinga. Tukakombelela vin̄ombelo kuli njambi yetu wa munakazi, Lishano lya Mwilu, co tuketila vin̄ombelo vya vinyu kuli ikeye, ngwe yetu na vakukulwila vetu, na vimyene vetu, na vantwama vetu, valingile mu vinganda vya mu Yunda na mu vitapalo vya mu Yelusalema. Twakele na vyakulya vyavingi, co twakele mwamuvwa na vukalu vwai.

Ezekiyele 41:22

mutula wa viti. Ukewo wapwile mamita avali na litambelo mu vulaja, na mita imo mu vwihi. Co vimanda vyawo vya mu vimbango, na nsina yawo, na mu mitambela yawo mwoshe vaupangele na viti. Co uje munalume wendekele kuli yange ngwendi, “Eyi ikeyo mesa ikakala ku mesho a Shukulu Kalunga.”

Ezekiyele 44:16

Vakevo lika vakakovela mu Njuvo yange, nakupangela ku mutula wange, nakwendesa vipangi vyakulemesa mu Njuvo yange.

Ezekiyele 6:13

Mivila yavo ikashandokela mukati ka tumponya, na nakuzengeleka mitula, ikashandokela a malundu oshe amalaja, na akamwa ya minkinda yoshe, na mwisi ya minzinze ya miti, na mu miti yoshe yakama ya oke, na mu mitambela yoshe muje muvakenyekela vin̄ombelo ku tumponya twavo. Asinoni munu woshe akazivuka ngeci yange njapwa Kalunga.

Amose 2:8

A mutambela na mutambela woshe wakulemesela vanu valinakulala a vinanga vije vanambata ku tuutu kupwa cishimbikiya. Mu njuvo ya njambi yavo vanwilamo vinyu vivanambata kuli vaje vavakumwisile vimbongo.

Amose 6:4

Tuyando tweni yeni mulinakulala a malili akucakeya na mayo a vinjamba, co mulyolola a vulili vweni, mukali situ ya vana va vimanga vavavwa na situ yakununa ya vana va vingombe!

Malakiya 1:7

Mulambula vyakulya vyavivi a mutula wange. Oloni yeni mwihula ngweni, ‘Twauviisa vatijo?’ Omwo mulinakwendeka ngweni, ‘Mutula wa Shukulu Kalunga wangoco.’

1 Samwele 28:23

Saulu wavyanene wendekele ngwendi, “Kunjishaka kulya cuma cimo.” Oloni vamyata vendi, na uje munakazi vamusindiiye ngeci alye. Co akukotoka wavatavele, wendukile asi, watumbamene a vulili.