Ezekiyele 23:40 - Livulu lya Shukulu Kalunga

⁴⁰ “Co lalo vatumine tunganda mukulanya vanalume vakutunda kulyala vaije kuli vakevo, omo vaje vanalume vezile, co vaje vandokazi vavali vajwelele nakusona ku mesho avo nakuzala vya senga.

Ezekiyele 23:40 Iomraidhean Croise

2 Vimyene 9:30

Yehu wezile ku Njezelele. Co Njezevele akuziva vije vyalingiwile, wakwitile vyemba ku mesho endi, nakuvwaesa vin̄ambu vyendi, wemanene mu njanena ya lipela nakukengelela ku ngila.

Esita 2:12

Co omo simbu ya mumbanda na mumbanda woshe yetele yakuya kuli Mwene Sheleshe, omo vanalingi nendi laja ngwe ku vilongesa vya vambanda a simbu yavo yakulivwaesa, vingonde vitanu na imo na mazi a miila, co vingonde vitanu na imo na mazi akunika lwengo na vikwavo lalo vyakulivwaesa navyo vanakazi.

Visimo 6:25

Kesi utave munakazi wa cifwa cangacije akukokweye na vuvwa vwendi, nambe na mesho endi embwe.

Visimo 7:10

Co uje munakazi waliwanene na uje mukwenje, uje munakazi wazalele vuzalo vwa vukwizi, co wakele na vutumbe mu mbunge yendi.

Isaya 57:9

Mukavwava mazi amavwa akunika lwengo, co muya nakulemesa njambi Moleki. Muya nakushakezeka vinjambi ngeci muvalemese, mutuma tunganda noku-noku, nameme ku vukalo vwa vatsi.

Njelemiya 4:30

Yelusalema, unanyongo! Omwo vikajo uzalela vyakuvenga? Omwo vikajo uzalela vya senga nakukwita mufwitilo ku mesho ove? Ulisina ngoco kulivwaesa! Vaka-cizemo cove vanakuvyana, vashaka kukutsiya.

Ezekiyele 23:13

Co njamwene ngeci Oholimba wapwile wamuvi manene, ngecivene, Ohola na Oholimba muvuvali vwavo, vilinga vyavo vyapwile vyavivi manene.

Hoziya 2:13

Njikamunyanyamesa a visimbu vije vyananjivalele, omo wenyekelele insense kuli Mbale nakuzala vuzalo vwendi vwa senga mukukavangeya munima ya vaka-cizemo cendi. Mwanendeka Shukulu Kalunga.

1 Petulu 3:3

Kumwapandele kupangesa vyuma vya anja lika mukulivwaesa, nambe makwalale, nambe na tunzeya, nambe vuzalo vwa senga.

Lute 3:3

Co jwela nakulikwita mazi akunika lwengo lwaluvwa, zala vuzalo vwove vuje vwavuvwa manene. Asinoni ya kuje alinakulelekela mbale, oloni kesi ukasholoke kuli ikeye embwe, noo namanesa kulya nakunwa.