Ezekiyele 23:24 - Livulu lya Shukulu Kalunga

²⁴ Vakaija kutunda ku kunto nakukulwisa, vakaija na matemba, na makalu na mashwalale vavangi. Vakakuzengeleka kwoshe-ikwoshe nakukulwisa oku vanazala vintelo na vitepa vya vikuvo ku mitwe yavo. Co njikakukundika ku mavoko avo, ngeci vakakusompe ngwe ku mashiko avo.

Ezekiyele 23:24 Iomraidhean Croise

2 Samwele 24:14

Ndaviti wakumbulwile ngwendi, “Njili mu vukalu! Oloni mwamuvwa tuwile mu livoko lya Shukulu Kalunga, omwo ikeye muka-mema ku mbunge, oloni kesi tuwile mu livoko lya munu embwe.”

Njelemiya 47:3

Vakaziva cililimo ca vimbemba vya tuvalu, na cililimo ca mavalo a matemba. Visemi vakaseza vana vavo, omwo ya lyova manene.

Njelemiya 52:11

Asinoni Nevukaneza wativile Zendekiya mesho, wamukutile malyenge, co wamutwalele ku Mbambilone. Zendekiya wakele mu kamenga ku Mbambilone noo litangwa lya kutsa kwendi.

Njelemiya 52:9

Zendekiya vamutwalele kuli Mwene Nevukaneza, uje wakele mu nganda ya Limbena mu lifuti lya Hamate, co Nevukaneza wamusompesele nakuwana ngeci ali na mulonga.

Ezekiyele 16:38

Njikakuhisa akulinga vupangala nakutsiya, co mukuluvala kwange na mu vukalu vwange, njikakusompela kutsa.

Ezekiyele 21:23

Oloni vanu va mu Yelusalema kuvakakulaela vyuma evi, omwo lizivasano lije livalingile. Oloni cuma eci cinapu cakuvanukisa vuvi vwavo nakuvanangula ngeci vakavafungulula.

Ezekiyele 23:45

Vaka-vushunga vakasompa vanakazi ava va vupangala a mulonga wakutsiya, omwo vanakazi vanalingi vupangala, co ku mavoko avo kuli maninga.”

Ezekiyele 26:10

Co likungu lya tuvalu twavo likakufwika. Muyoyo wa tuvalu twavo twakukoka makalu na matemba vikaningangesa vivumbe vyove, omo vaketa mu vikolo vya nganda ije ya vivumbe vyakusiwuka.

Ezekiyele 26:7

Shukulu Kalunga wa Akamwa ya Vyoshe nendeka ngwendi, “Njikashaka mwene wakama manene kutuvakana voshe, ikeye Mwene Nevukaneza wa ku Mbambilone mukulwisa Tile. Akaija kutundilila ku kunto na mahunzi a mbunga ya mashwalale na tuvalu na matemba na vaka-kulonda a tuvalu.