Ezekiyele 23:23 - Livulu lya Shukulu Kalunga

²³ Njikakunenela vaMbambilone na vaKalendeya, na vanalume vakutunda ku Pekonde, na ku Showa, na ku Kowa, na vaAsilya voshe. Njikakungulula voshe vaje vakwenje vavavwa vakufuka na vamyata, na voshe vaje vamyata va vanalume, na vakulunu va vulemu vaka-kwendela a tuvalu.

Ezekiyele 23:23 Iomraidhean Croise

Kushangumuka 2:14

Ndonga yamucitatu yapwile Tingelise, ije yetile mu ngangela ya Asilya, co ndonga yamuciwana ikeyo Yufuleti.

Kushangumuka 25:18

Co vatekulwila va Ishimela vatungile mukati ka Havila na Shule ku mutambela wa mu ngangela kuyehi na nginga ya Ingito mu ngila yakuya ku Asilya. Vakevo vakele kulyala na vatekulwila vakwavo va Avilahama.

2 Vimyene 24:2

Shukulu Kalunga watumine vimbunga vya mashwalale vya vaMbambilone na vya vaSilya na vya vaMowavi na vya vaAmoni kulwisa Yehoyakime ngeci vanyongese Yunda, ngwe muje mwendekele Shukulu Kalunga ali vangamba vendi vaka-kwimanena ngeci akacilinga.

Ezela 6:22

A matangwa atanu na avali vajolelele nakulisamba a Ciwano ca Makende Akujeneka Musima. Vajolelele manene omwo Shukulu Kalunga walingisile mwene wa Asilya kukala na mema ku mbunge ali vakevo, ngeci wavakwasele ku vipangi vyavo vyakutungulula Njuvo ya Shukulu Kalunga Njambi ya Isalele.

Yombi 1:17

Omo kanda acimanese kwendeka, co kanganda mukwavo wezile nakumuleka ngwendi, “Vimbunga vitatu vya vaKalendeya vanezile nakutulwisa, vanambata tumelo nakuya navo, co vanatsii vangamba vove voshe, kuvanga ange lika njinaputumukao ngeci njinaija nakukuleka.”

Isaya 23:13

Kengeni vije vanalingi vaAsilya ku Mbambilone! Vanalwisa nakunyongesa mapela oshe a mu lifuti. VaAsilya vazengelekele tuposhi, nakusiwula vimpaka vya Mbambilone nakuseza nganda yamupulungwa.

Njelemiya 50:21

Shukulu Kalunga alinakwendeka ngwendi, “Lwiseni vanu va ku Melataime na ava va ku Pekonde. Vatsiyeni nakuvanyongesa. Lingeni vyuma vyoshe vinjimishika. Yange Kalunga, njinendekamo.

Ezekiyele 16:1

Shukulu Kalunga wendekele lalo kuli yange ngwendi,

Ezekiyele 23:12

Oholimba wazemene manene vaka-kufuka na vamyata va vaAsilya na mashwalale vaje vazalele vikoveyo vyavivwa vyakulifwa vya vushwalale, na vakulunu vakwendela a tuvalu, na vakwenje voshe vaje vapwile vavavwa manene.

Ezekiyele 23:14

“Oholimba wahyanesele vukwizi vwendi, omwo wamwene vifwa vya vaMbambilone vyakusoneka a vivumbe na mufwitilo wakuvenga,

Ezekiyele 23:22

“Ngecivene, Oholimba, evi vikevyo vinjendeka kuli yove yange Kalunga wa Akamwa ya Vyoshe. Unenukwa vikwizi vove, oloni yange njikavalingisa ngeci valuvale nove nakuvanena ngeci vakuzengeleke.

Ezekiyele 23:6

Vakevo vapwile mashwalale vaje vazalele vikoveyo vya linyu vyakulifwa vya vushwalale, vapwile vamyata va vulemu, voshe vapwile vakwenje vavavwa vaka-kwendela a tuvalu.

Vilinga vya Miluwa 7:4

Asinoni wasezele lifuti lyendi waile nakukala mu lifuti lya Halane. Omo ishe ya Avilahama natsi laja, co Njambi wamutundisile mu lifuti lije wamunenele mu lifuti lino omu mumuli nakukala ololo.