Ezekiyele 23:18 - Livulu lya Shukulu Kalunga

¹⁸ Washolokele ku mesho a vanu voshe, mukumwesa munu woshe ngeci ikeye wapwile cikwizi. Co njamwenukwile ngwe munjenukwile ndokazi yendi Ohola.

Ezekiyele 23:18 Iomraidhean Croise

Myaso 106:40

Ngecivene, Shukulu Kalunga waluvalele na vanu vendi, co wazivile vunyengwe omo vakevo.

Myaso 78:59

Omo Njambi wamwene eci waluvalele, co wavyanene vanu vendi kuvyanenena.

Isaya 3:9

Vilinga vyavo vyavivi vikavelukila vakevo vavenya nakuvalwisa. Vakalingi vuvi citona-mesho ngwe muvalingile vaka-Sondoma. Vananyongo, co vanalikokela vukalu vakevo vavenya.

Isaya 57:8

Mukatumbika vifwa vya vinjambi va vaka-kujeneka kukulaela kuzengeleka myela yeni yakama yakulala. Mukunjivyana yange, munafukula vulili vweni, co munalalao na vaka-cizemo ceni, vaje munafwete ngeci mulale navo. Co munakutisa mashungu eni a vulili vweni.

Njelemiya 12:8

Vanu vange vakwangula vananjitengulukila nakunjilwisa ngwe ndumba, co valinakunjanena, ngecivene, njavazindi.

Njelemiya 15:1

Asinoni Shukulu Kalunga wanjilekele ngwendi, “Nameme nga Mosesa na Samwele vali kuno mukulombela amo nove, nga kunjikazivila vanu ava mema ku mbunge. Vasheke, vatunde ku mesho ange.

Njelemiya 6:8

Eni vanu va mu Yelusalema, tuyando otu tupwe twakuminangula, kutewa njikamiseza, co nganda yeni njikaipwisa mambo, muje naumo wai akakalamo.”

Njelemiya 8:12

Yeni vanu vange, kuma kumwazivile shwamwa, omwo mwalingile vyuma vije vya vunyengwe ndi? Embwe, Kumwazivile shwamwa, omwo kumwesi kuziva shwamwa. Omo njikaminyanyamesa mukawa ngwe muvanau vakweni, co mukanyonga. Yange Kalunga, njinendekamo.

Mbimbi 2:7

Shukulu Kalunga wasezele mutula wendi, nakuseza lalo Njuvo yendi yakujela, ikeye watavele vitozi kusiwula vivumbe vyayo. Vitozi valingile muyoyo mu Njuvo ya Shukulu Kalunga, ngwe a litangwa lya ciwano.

Ezekiyele 16:36

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Washulwile vuzalo vwove, co akupwa cikwizi, walyanene ku vikwizi vove, na ku tumponya twove twoshe twa vunyengwe, co watsiile vana vove nakuvakombelela ku tumponya.

Ezekiyele 21:24

Eci cikeco yange Kalunga wa Akamwa ya Vyoshe njilinakwendeka. Vuvi vweni vunasholoka. Munu woshe nazivuka milonga yeni. Mulinakusholola vuvi vweni a vilinga vyeni vyoshe. Vanamihisa laja, co njikamyana kuli vitozi veni.

Ezekiyele 23:10

Vamushulwile vuzalo vwendi, co vakwatele vana vendi va vanalume na ava va vanakazi, co vamutsiile na mukwale. Ngecivene, vanakazi kwoshe-ikwoshe vendekele a cifwa ca kutsa kwendi.

Ezekiyele 23:19

Wanukile vukwizi vwendi omo wakele mu Ingito te mumbanda.

Ezekiyele 23:9

Ngecivene, njamukundikile kuli vikwizi vendi va vaAsilya vaje vazemene manene.

Hoziya 2:2

Vana vange, lambeleleni vanyoko, nameme vene ikeye kapwile munakazi wange, co lalo yange kesi nji munalume wendi. Mulambeleleni ngeci alikele vupangala vwendi na vukwizi vwendi.

Hoziya 7:1

“Oshe aje anjishakela kukangwisa vanu vange va Isalele ngeci vakale lalo mwamuvwa, vyoshe njilinakumona vinapu kupenga-penga kwavo na vuvi vuje valinakulinga. Valinakulikwisa umo na mukwavo, vatuva vinjuvo nakwiva, co vevila vanu mu vitapalo.

Amose 5:21

Shukulu Kalunga alinakwendeka ngwendi, “Yange njazinda nakuyengula viwano vyeni vyakulemesa, kunjivwaelela navyo!

Amose 6:8

Shukulu Kalunga wa Akamwa ya Vyoshe Muka-nzili yoshe alinakunangula ngwendi, “Yange njazinda kulyalesa kwa vanu va Isalele, njiyengula vinjuvo vyavo vyakama. Co njikana nganda yavo yakama na vyuma vyoshe vilimo kuli vitozi vavo.”

Zakaliya 11:8

Kunjasimpile na vamo tunyungi vakwavo vatatu, vaje vanjizindile, co voshe njavatundisile mu ngonde imolika.

Kwituluka mu Mashiko 32:19

“Omo Shukulu Kalunga wamwene evi, co waluvalele, omwo vana vendi va vanalume na ava va vanakazi vamushangumwine.